Ezipt Lɔ Tulɛ'n 18:23 - NYANMIƐN NDƐ'N 1998

²³ Sɛ a nian su sɔ yo'n, i liɛ sɛ Nyanmiɛn kle wɔ like wie kɛ a `yo'n, ɔ wunmiɛn'n su wie-man wɔ nun. Sran'm be kusu, kɛ be ´sa bé sin be awlo'm be nun'n, wuun be afiɛn ɔ'a sɛ.»

Ezipt Lɔ Tulɛ'n 18:23 ပူးပေါင်းရင်းမြစ်များ

Bo Bolɛ 18:33

Kɛ Anannganman nin Abraam be wieli ijɔ'n yɛ ɔ ɔli-ɔ. Abraam kusu sɛli i sin i awlo.

Bo Bolɛ 30:25

Kɛ Rasɛl wuli Zozɛf'n, Zakɔb seli Laban kɛ: «Man min atin man n wɔ mín mɛn'n nun kan n fin lɔ'n.

2 Samiɛl 18:3

Yɛ be tɛli i su kɛ: «Nán kɔ alɛ kunlɛ'n wie, afin e liɛ sɛ e wanndi be nyrun'n, ɔ ti-man be ndɛ. Sɛ e bue kun wu, ɔ ti-man be ndɛ, sanngɛ ɔ liɛ'n, a nin e nun sran akpi blu (10.000) sɛ. Ɔ man sɛ a ka klɔ nun wa'n, a kwla uka e kasiɛn.»

2 Samiɛl 19:39

Famiɛn'n waan: «Yoo, e nin Kimam e ´kɔ. Nga ɔ waan n yo mɛn i'n, n ´yo mɛn i. Like kwlaa nga a usa min'n, n ´fa man wɔ.»

2 Samiɛl 21:17

sanngɛ Zɛriza i wa Abisai ɔ ukali David nan ɔ'a kun Filistifuɛ'n. David i sran'm be seli David kɛ: «Kɛ ɔ fin ndɛ'n, nán a nin ye wɔ alɛ kunlɛ kun. Ɔ'a yo-man sɔ'n, a ´yo man Izraɛl i sin'n ´nuan ngbɛn.»

Ezipt Lɔ Tulɛ'n 16:29

Amun si jrɛiin kɛ n fali wunmiɛn-delɛ-cɛn'n m mannin amun kɛ an fa de wunmiɛn. I sɔ'n ti yɛ cɛn'n i nsiɛn su'n, m man amun cɛn nnyɔn aliɛ nga amun ko di nin-ɔn. Cɛn'n i nso su'n, sran kun trɛn i bɔbɔ i awlo lɔ, nán sran fi fite.»

Ezipt Lɔ Tulɛ'n 18:18

Ɔ wunmiɛn'n wa wie, yɛ nvlefuɛ nga be gua yɛ'n be kusu be wunmiɛn liɛ'n wa wie. Junman'n ti dan. Ɔ tra ɔ wunmiɛn'n su, ɔ kunngba a su kwla di-man.

Ezipt Lɔ Tulɛ'n 18:22

Man be yɛ be siesie ndɛ ng'ɔ tɔ nvlefuɛ'm be afiɛn nin-ɔn. Ndɛ nga be ti dandan bɔ be kwla-man be kan'n, man be fa be blɛ wɔ. Ndɛ nga be ti kanngan'n, man be bɔbɔ be kan be. Sɛ ɔ yo sɔ'n, ɔ junman'n i su ´kpɛ kan, afin be wa uka wɔ i dilɛ nun.

Ezipt Lɔ Tulɛ'n 18:24

Moiz fɛli i sia'n i afɔtuɛ'n su.

Sa nga bé yôli'n 15:2

Kɛ Pɔl nin Barnabas be kpaloli bé nuan bɔ be nin be sili akplowa dan'n, i sin be buli akunndan be waan Pɔl nin Barnabas nin be nun wie'm be wɔ Zerizalɛm. Be waan be wɔ be ko kan ndɛ sɔ'n be bɔ Jésus sunmannin be'n be nin kpɛnngbɛn mun bé ja su.

Galasifuɛ Mun 2:2

Sa ti bɔ n wɔli'n yɛlɛ kɛ Nyanmiɛn seli n kɛ n wɔ. Min nin be kaklaakla mun e yiali e ngunmin kan, yɛ jasin fɛ'n bɔ n kan kle be nga be ti-man Zuif'n, n kan n kleli be nan n junman nga n dili i laa'n, nin nga n tɛ di'n, min sa a kpi-man ase.

1 Samiɛl 8:22

Anannganman seli Samiɛl kɛ: «Like nga be kunndɛ'n, fa man be. Man be famiɛn kun man ɔ sie be.» Yɛ Samiɛl seli Izraɛlfuɛ'm be kɛ: «Amun `sa amun sin wɔ amun klɔ'm bé su.»