Ezipt Lɔ Tulɛ'n 18:13 - NYANMIƐN NDƐ'N 1998

¹³ Kɛ i aliɛ cɛnnin'n, Moiz trannin i bia'n su kɛ ɔ ´di nvlefuɛ'm be jɔlɛ mun. Kɛ ɔ fɛ i nglɛmun lele b'ɔ ´fa ju nnɔsua'n, wuun sran wie'm be tɛ minndɛ kɛ Moiz kan be ndɛ liɛ'n.

Ezipt Lɔ Tulɛ'n 18:13 ပူးပေါင်းရင်းမြစ်များ

Zɔb I Nyrɛnnɛn Wunlɛ 29:7

N kɔ klɔ'n i anuan'n nun lɔ, n ko tran kan be kan ndɛ lɛ'n.

Ezipt Lɔ Tulɛ'n 18:12

Zetro yili tɛ nga be yrɛ i nnɛn'n kɔlikɔli'n ɔ nin bo kun yolɛ i su tɛ mun. Ɔ yili be mannin Nyanmiɛn. Yɛ Zetro, nin Moiz, nin Aarɔn, ɔ nin Izraɛl kpɛnngbɛn'm be kwlaa be wa dili like Nyanmiɛn nyrun lɛ-ɔ.

Ezipt Lɔ Tulɛ'n 18:14

Kɛ i sia'n wunnin junman ng'ɔ wo i su b'ɔ fata kɛ ɔ di man sran mun'n, ɔ seli i kɛ: «?Nguɛ yɛlɛ nga a nin sran mun ´yo i yɛ'n? ?Ɔ yo sɛ ti yɛ ɔ ngunmin yɛ a di be jɔlɛ bɔ man sran'm be jran ɔ nyrun lɛ be minndɛ nglɛmun lele nnɔsua kɛ a kan be ndɛ mun nin-ɔn?»

Ezai 16:5

i blɛ sɔ nun'n, amun klun kpa'n ti, amun famiɛn diwlɛ'n ɔ ´taka kpa. Yɛ jɔlɛ difuɛ kun b'ɔ ti sran kpa'n, ɔ ´tran famiɛn bia'n su David i awlo'n nun. Jɔlɛ difuɛ sɔ'n, ɔ ´yo sa ng'ɔ ti i nuan su'n tititi, ɔ ´nian mmla'n su, ɔ ´fa cici i ti .»

Matthieu 23:2

«Mmla klefuɛ mun nin Farizifuɛ mun be sinnin Moiz ja nun.

Rɔmfuɛ Mun 12:8

yɛ sran nga b'ɔ man ɔ si sran'm be afɔtuɛ man'n, man ɔ man. Sran ng'ɔ man sran like'n, man ɔ tu i klun yo, yɛ nga kusu b'ɔ jran sran'm be nyrun'n, man ɔ nian su kpa yo, yɛ nga bɔ i waan ɔ ´yo sran ye'n, man ɔ yo i klun-ufue su .

Rɔmfuɛ Mun 13:6

I sɔ'n ti yɛ man an su lapo nin-ɔn, afin be nga be su lapo'n man be'n, Nyanmiɛn yɛ ɔ sieli be kɛ be di lapo sɔ'n i su junman nin-ɔn.

Jɔlɛ Difuɛ Mun 5:10

Amun nga be fu aflunmun ufue'm bé su'n, amun nga amun tran tapi nglanman'm bé su'n, ɔ nin amun nga amun kɔ atin sin'n, amun `to jue be manman Anannganman'n.