Ezipt Lɔ Tulɛ'n 18:12 - NYANMIƐN NDƐ'N 1998

¹² Zetro yili tɛ nga be yrɛ i nnɛn'n kɔlikɔli'n ɔ nin bo kun yolɛ i su tɛ mun. Ɔ yili be mannin Nyanmiɛn. Yɛ Zetro, nin Moiz, nin Aarɔn, ɔ nin Izraɛl kpɛnngbɛn'm be kwlaa be wa dili like Nyanmiɛn nyrun lɛ-ɔ.

Ezipt Lɔ Tulɛ'n 18:12 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 26:25

Izaak kplannin Nyanmiɛn sɔwlɛ kun lɛ, ɔ bo guali Anannganman wun, nan ɔ'a kplɛn i tannin sua'n lɛ. Kpɛkuun i sran'm be kpɛli gbo kun ekun.

Bo Bolɛ 26:30

Izaak man be tɔnnin aliɛ kpa mannin be. Be dili be nɔnnin nzan,

Bo Bolɛ 31:54

Nan ɔ'a yi tɛ oka'n su. Ɔ tɔnnin aliɛ, ɔ flɛli i fuɛ mun, be dili, kpɛkuun be lali oka'n su lɛ.

Bo Bolɛ 4:4

Abɛl kusu kunnin i bua'm be nun ba klikli mun, ɔ fali be luilui lika mun mannin Anannganman. Anannganman klun jɔli Abɛl wun, ɔ sɔli i like ng'ɔ fa mɛnnin i'n nun klanman .

Bo Bolɛ 43:25

Yɛ be siesieli be like nga be ´fa cɛ Zozɛf. Be siesieli ka nan midi ɔ'a ju, afin Zozɛf ba midi su. Be dun mmua tili i kɛ be ´di like lɛ.

Bo Bolɛ 8:20

Noe kplannin Nyanmiɛn i sɔwlɛ kun mɛnnin i. Ɔ fali nnɛn nga be di'n be nun kunngun fa yili tɛ nga be yra be nnɛn'n kɔlikɔli'n mannin Anannganman.

2 Samiɛl 9:7

David seli i kɛ: «Nán srɛ kun wɔ. N wa yo wɔ ye ɔ́ si Zonatan dunman nun. N ´fa ɔ nannan Sail i asiɛ'n kwlaa n ´man wɔ. Yɛ kusu min nin wɔ e ´di like tititi.»

2 Be Nyoliɛ 30:22

Levifuɛ nga be tuli be klun be dili Anannganman i junman'n, Ezekias yoli be mo. Sran'm be dili cɛn dilɛ aliɛ'n lele cɛn ba nso. Kɛ ɔ ´yo sɔ'n, wuun be ´yi bo kun yolɛ'n i su tɛ mun, wuun be ´to jue be manman Anannganman b'ɔ ti be nannan'm be Nyanmiɛn'n.

Zɔb I Nyrɛnnɛn Wunlɛ 1:5

Kɛ be ko wie bé cɛn'n i di'n, Zɔb flɛ be yɛ ɔ yo bé saun. Kpɛkuun ɔ jaso nglɛmun ndɛ ɔ kun nnɛn yi tɛ nga be yrɛ i nnɛn'n kɔlikɔli'n. Ɔ yi tɛ sɔ'n i mma'm bé ti nun ti nun. Afin i waan: «N si-man sɛ min mma'm be yoli sa tɛ wie o! Sɛ be kannin Nyanmiɛn i ya o!» Kɛ Zɔb yo i sɔ titi-ɔ.

Zɔb I Nyrɛnnɛn Wunlɛ 42:11

Zɔb i niaan yasua mun, nin i niaan bla mun, ɔ nin sran nga be si i laa'n, be kwlaa be wa wunnin i wun. Be nin i be dili like i awlo lɛ. Be yoli i yako, be fɔnvɔli i nyrɛnnɛn nga Anannganman man ɔ tɔli i su'n ti. Be kwlaa be mɛnnin i jɛtɛ ufue nin sika ɔkwlɛ nga. Be mɛnnin i be ti nun ti nun.

Zɔb I Nyrɛnnɛn Wunlɛ 42:8

I sɔ'n ti, amun `fa nannin tola nso nin bua nene nso nan amun ko to min sufuɛ Zɔb lɔ, nan amun `fa nnɛn sɔ mun amun `yi tɛ nga be yrɛ i nnɛn'n kɔlikɔli'n amun `fa kpata amún ti. Yɛ min sufuɛ Zɔb ɔ ´srɛ man amun. N ´tɛ i srɛlɛ'n su, ɔ man sinnzin bɔ amun yoli'n, n su nian-man su n yo-man amun sa. Afin amu'an kan-man mín wun ndɛ kpa kɛ min sufuɛ Zɔb i liɛ'n b'ɔ kannin'n sa.»

Ezipt Lɔ Tulɛ'n 18:13

Kɛ i aliɛ cɛnnin'n, Moiz trannin i bia'n su kɛ ɔ ´di nvlefuɛ'm be jɔlɛ mun. Kɛ ɔ fɛ i nglɛmun lele b'ɔ ´fa ju nnɔsua'n, wuun sran wie'm be tɛ minndɛ kɛ Moiz kan be ndɛ liɛ'n.

Ezipt Lɔ Tulɛ'n 2:16

Madian lɔ sraka yifuɛ'n lɛ ba bla nso. I wa bla nso'm be bali nzue salɛ kɛ be ´fa guɛ i bé si i nnɛn'm be nzue nɔnwlɛ ninnge'm be nun, nan nnɛn'm be `nɔn.

Ezipt Lɔ Tulɛ'n 2:20

Ɔ usɛli i mma'm be kɛ: «?Yɛ bian sɔ'n wo nin? ?Ɔ yo sɛ ti yɛ amun yacili i lɔ-ɔ? Amun `ko flɛ i man ɔ wa di like.»

Ezipt Lɔ Tulɛ'n 20:24

Amun `fa asiɛ be kplan min sɔwlɛ kun, yɛ amun `fa bua mun, nin boli mun, ɔ nin nannin mun be fa yi tɛ bɔ be yra be nnɛn'n kɔlikɔli'n, ɔ nin bo kun yolɛ i su tɛ mun be man min. Yɛ n wa yra amun nguan lika kwlaa nga n ´yi mín wun nglo lɛ'n.

Ezipt Lɔ Tulɛ'n 24:11

Nyanmiɛn ɔ'a yo-man Izraɛl awlobo kpɛnngbɛn sɔ'm bé sa fi. Be wunnin Nyanmiɛn weiin, i sin be dili like yɛ be nɔnnin nzan.

Ezipt Lɔ Tulɛ'n 24:5

Be kpali Izraɛl gbanflɛn wie mun kɛ be yi tɛ nga be yra be nnɛn'n kɔlikɔli'n be fa man Anannganman, nan be `fa nannin tola mun be `yi bo kun yolɛ i su tɛ mun be mɛn i.

Ezipt Lɔ Tulɛ'n 3:1

Moiz kɛnkɛn i sia Zetro b'ɔ ti Madian lɔ sraka yifuɛ'n i bua mun nin i boli mun. Cɛn kun ɔ kankannin nnɛn mun ɔli aawlɛ flɛnnɛn'n i sin lɔ, kpɛkuun ɔ ɔli Nyanmiɛn i oka nga be flɛ i Orɛb'n su lɔ.

Ezipt Lɔ Tulɛ'n 33:7

Kɛ be yoli ngblaliɛ'n, Moiz fali Nyanmiɛn i tannin sua'n nan ɔ'a ko kplɛn i klɔ'n sin mmua lɔ kan. Be flɛ i kɛ tannin sua nga Nyanmiɛn yi i wun nglo nun'n. Sran kwlaa nga i waan ɔ ´si Anannganman i klun sa'n, ɔ jaso ngblaliɛ'n nun lɔ kɔ tannin sua sɔ'n i wun lɔ.

Daniɛl 10:3

N di-man aliɛ fɛfɛ fi. Nnɛn nin nzan fi ɔ'a kan-man mín nuan. M'an kpakpa-man lele le mɔcuɛ nsan sɔ'n ɔ wieli.

Kalɛ 10:29

Moiz kannin ndɛ kleli Ɔbab b'ɔ ti Moiz i sia Reiɛl i wa yasua'n. Reiɛl ti Madianfuɛ. Moiz seli Ɔbab kɛ yoo: «Lika nga bɔ Anannganman seli kɛ ɔ ´fa man ye'n, i nun yɛ e su kɔ lɛ. Bla man e wɔ, e ´yo wɔ kpa, afin Anannganman kannin kɛ ɔ wa yo Izraɛlfuɛ'm be kpa.»

JÉSUS-CHRIST I DYASIN FE'N BO LUC KLELI'N 14:1

Le kun, Jésus ɔli Farizifuɛ'm be kpɛn kun awlo lɔ like dilɛ, wunmiɛn-delɛ-cɛn nun. Be nga be o lɛ'n be niɛn i siin.

JÉSUS-CHRIST I DYASIN FE'N BO LUC KLELI'N 14:15

Kɛ be wo aliɛ'n sin'n, be nun kun tili ndɛ sɔ'n, yɛ ɔ seli Jésus kɛ: «Sran ng'ɔ ´ko di aliɛ Nyanmiɛn mɛn nun'n, i liɛ su ti ye!»

1 Korɛntfuɛ Mun 10:18

Amun nian Izraɛlfuɛ mun kɛ be nzuɛn'n ti-ɔ. ?Be bɔ be di nnɛn bɔ be fa sɔ Nyanmiɛn'n, Nyanmiɛn sɔlɛ sɔ'n ti-man be kwlaa be liɛ ?

1 Korɛntfuɛ Mun 10:21

An kwla nɔn-man e Min'n i klowa'n nun nan amun kunngba'n amu'an nɔn mmusu'm be liɛ'n nun. Yɛ amun nin e Min'n kwla wla-man asa nan amun kunngba'n amun nin mmusu mun amu'an wla asa.

1 Korɛntfuɛ Mun 10:31

I sɔ'n ti'n, sɛ amun ´di like o, sɛ amun ´nɔn nzue annzɛ nzan o, sɛ amun ´yo like wie o, an `yo i kwlaa sɔ'n i nuan su man Nyanmiɛn nyan nyrun.

Mmla'n 12:7

Anannganman amun Nyanmiɛn'n i nyrun lɛ yɛ amun nin amun osufuɛ mun amun `di sraka aliɛ mun-ɔn. Amun `di amun junman nuan like nga Anannganman amun Nyanmiɛn'n yoli man amun nyɛnnin i'n, amun `di i aklunjuɛ nun.

Mmla'n 27:7

Yɛ amun `yi bo kun yolɛ i su tɛ mun nan amun `di. Yɛ amun `di cɛn Anannganman amun Nyanmiɛn'n i nyrun lɛ.