Ezipt Lɔ Tulɛ'n 18:11 - NYANMIƐN NDƐ'N 1998

¹¹ Siɛn liɛ'n, m'an si kɛ Anannganman ti dan tra amuɛn'm be kwlakwla. Ɔ yili i dan b'ɔ ti'n i nglo blɛ bɔ Eziptfuɛ'm be ´kle Izraɛlfuɛ'm be nyrɛnnɛn'n.»

Ezipt Lɔ Tulɛ'n 18:11 ပူးပေါင်းရင်းမြစ်များ

1 Famiɛn Mun 17:24

Yɛ bla'n seli Eli kɛ: «Nanwlɛ, kannzu a ti Nyanmiɛn nuan ijɔfuɛ sakpa. Ndɛ nga a kan'n ɔ fin Nyanmiɛn sakpa.»

2 Famiɛn Mun 5:15

Naaman nin i sran nga be bali'n be sali bé sin Nyanmiɛn i nuan ijɔfuɛ'n wun lɔ. Kɛ be juli lɔ'n, Naaman ko jrɛnnin i nyrun lɛ, nan ɔ'a se i kɛ: «Siɛn'n, m'an wun i wlɛ kɛ asiɛ wunmuan'n su'n, Nyanmiɛn fi nun-man lɛ san Izraɛl wa yɛ Nyanmiɛn wo-ɔ. I sɔ'n ti, n nin like kan bali kɛ n ´fa man wɔ, yɛ ɔ o yɛ'n. N ´srɛ wɔ, sɔ nun.»

1 Be Nyoliɛ 16:25

afin ɔ ti dan, ɔ nin manmanlɛ fata. Ɔ yo sro tra amuɛn'm be kwlaa,

2 Be Nyoliɛ 2:5

Sran fi kwla kplan-man i wun su sua mɛn-mɛn i, afin nyanmiɛn ng'ɔ nannan nglo lɔ lɛ yɛ'n bɔbɔ ti kaan, ɔ sɔn-man nun bɔ ngbɛn! ?Wan yɛlɛ min bɔ n kwla kplan sua m ´mɛn i-ɔ? Ansans yrawlɛ kan yɛ n ´kwla kplan mɛn i-ɔ.

Neemi 9:10

A yili atrɛ sunman yɛ a yoli abonuan sa dandan Ezipt famiɛn'n, nin i mantanfuɛ mun, ɔ nin i mɛn nunfuɛ mun be ti, afin a wunnin kɛ be su yo e nannan'm be tɛtɛ. Ɔ dunman'n fuli, lele ndɛ ɔ tɛ fu.

Neemi 9:16

Kpɛkuun e nannan'm b'a kan-man bé wun ase. Be yoli nyin kekle, b'a fa-man ɔ mmla'n su.

Neemi 9:29

A jrannin bé wun kɛ be sa be sin be fa ɔ mmla'n su sanngɛ wuntulɛ'n ti b'a tie-man ɔ́ nuan ndɛ'n. Ɔ nuan ndɛ b'ɔ man sran ng'ɔ fa su'n i nguan'n, be yili i blo. B'a kan-man be wun ase, be keteli be anwlɛn'n, bé nyin ɔ'a yi-man wɔ.

Jue Mun 119:21

Wun tufuɛ tɛ nga be fa-man ɔ mmla'n su mlɔnmlɔn'n, a nin be `yia nun.

Jue Mun 135:5

N wunnin kɛ Anannganman ti dan nan ɔ tra amuɛn'm be kwlakwla.

Jue Mun 31:23

Kɛ min akunndan'n sanngannin'n, n kannin kɛ: «Anannganman ɔ'a kan min bo.» Sanngɛ kɛ n kpan flɛli wɔ'n, a tili min aunnvuɛ srɛlɛ'n.

Jue Mun 95:3

Afin Anannganman ti Nyanmiɛn kun b'ɔ ti kpli. Ɔ ti famiɛn dan ɔ sie ninnge'n kwlaa.

Jue Mun 97:9

Afin wɔ Anannganman, like fi nun-man ɔ sin asiɛ'n su wa. Ɔ dan tra amuɛn mun fatifatifati.

Ezipt Lɔ Tulɛ'n 1:10

Man e kunndɛ wafa nga e ko yo nan b'a yaci trɛlɛ'n, afin sɛ ɔ'a yo-man sɔ-ɔ, sɛ alɛ wie wa fu e nun'n, be ´uka e kpɔfuɛ mun be nin ye ´kun, kpɛkuun be ´jaso e mɛn'n nun wa be ´kɔ.»

Ezipt Lɔ Tulɛ'n 1:16

Ezipt famiɛn'n wlali bé su nun kpa kɛ: «Blɛ bɔ amun ´uka Ebre bla mun be ´wu ba'n, amun `nian ba nga be wu i'n kpa. Sɛ ɔ ti yasua'n, amun `kun i, sɛ kusu ɔ ti bla'n, amun `yaci i lɛ.»

Ezipt Lɔ Tulɛ'n 1:22

Siɛn liɛ'n, Ezipt famiɛn wlali i nvlefuɛ'm be kwlaa be su nun kɛ: «Ebre'm be wa yasua nɔnman kwlaa nga be wu be'n, amun `to be gua Nil nzue'n nun lɔ, sanngɛ amun `yaci ba bla'm be lɛ.»

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 12:12

Kɔnguɛ nga, n wa sinsin Ezipt mɛn'n nun'n, n ´kun sran'm bé wa klikli mun, n ´kun nnɛn'm bé wa klikli'm be wie. N wa bu amuɛn nga be wo Ezipt mɛn'n nun'n be fɔ. Min yɛ n ti Anannganman nin-ɔn.

Ezipt Lɔ Tulɛ'n 14:18

Kɛ n ko kwla be'n, bɔ sran'm be ko manman min'n, Eziptfuɛ'm be wa si kɛ min yɛ n ti Anannganman nin-ɔn.»

Ezipt Lɔ Tulɛ'n 14:8

Anannganman yoli man famiɛn'n i anwlɛn keteli, kɛ bɔ Izraɛlfuɛ'm be ´kɔ'n, be jasoli Ezipt lɔ kɛ b'a dun mmua b'a nyan be ti sa.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezipt Lɔ Tulɛ'n 5:7

«Nán amun man Izraɛlfuɛ'm be ijre nga be fa kpɛ bliki'n kun kɛ laa'n sa, man be bɔbɔ be ko kunndɛ ijre'n.

Kalɛ 33:4

Kɛ be ´kɔ'n, wuun Eziptfuɛ'm be su sie be talua ba nga Anannganman boli be bɔ be wuli bé sa nun'n mun. Talua ba'm be wulɛ sɔ'n, Anannganman fa guali Eziptfuɛ'm be amuɛn'm be nyin ase.

JÉSUS-CHRIST I DYASIN FE'N BO LUC KLELI'N 1:51

Ɔ yili i kwlalɛ'n nglo, Ɔ buli wun tufuɛ'm bɔ be gugu dandan'n bé bue.

Jacques 4:6

Sanngɛ ye nga Nyanmiɛn yo ye'n ti dan, afin be klɛli i kɛ: «Nyanmiɛn nin be nga be tu be wun'n mun be lɛ i, sanngɛ ɔ yo aenvuɛfuɛ'm be ye .»

1 Piɛr 5:5

Gbanflɛn mun, amun kusu an `bu kpɛnngbɛn'm be sran. Amun kwlaa an `yo amún wun kɛ kanga sa, yɛ an `uka amun wun, afin be klɛli i Nyanmiɛn Ndɛ'n nun kɛ: «Nyanmiɛn nin be nga be tu bé wun mun be lɛ i, sanngɛ ɔ yo aenvuɛfuɛ'm be ye .»

1 Samiɛl 2:3

Man be yaci ndɛ dandan'm be kanlɛ beblebe'n! Man be yaci ndɛ tɛtɛ'm be kanlɛ, afin Anannganman ti Nyanmiɛn kun b'ɔ si sa'n ngba, yɛ sɛ n ´kwla se'n, ɔ sunnzun sa'n kwlaa i toe'n su.