Ezipt Lɔ Tulɛ'n 18:10 - NYANMIƐN NDƐ'N 1998

¹⁰ Kpɛkuun i waan: «Man manmanlɛ'n yo Anannganman b'ɔ deli amun Ezipt famiɛn'n nin Eziptfuɛ'm bé sa nun'n i liɛ! Man be manman Anannganman b'ɔ deli i sran mun Eziptfuɛ'm be sa nun'n!

Ezipt Lɔ Tulɛ'n 18:10 ပူးပေါင်းရင်းမြစ်များ

Bo Bolɛ 14:20

Man manmanlɛ'n yo Nyanmiɛn b'ɔ o like'n kwlaa ti su'n i liɛ. Afin i yɛ ɔ fali ɔ kpɔfuɛ mun wlali ɔ́ sa nun-ɔn .» Nan Abram ɔ'a fa ninnge ng'ɔ nyɛnnin i'n i kwlaa i blusu'n ɔ'a mɛn i.

Bo Bolɛ 24:27

Ɔ seli kɛ: «Ee! Anannganman min min Abraam i Nyanmiɛn, n ´la wɔ ase, nanwlɛ a yaci-man min min'n i nɛnnɛn dilɛ le, a nian kpɔci-mɛn i le. Afin a kleli min min bian'n i osufuɛ'm bé sin atin. Ajalɛ bɔ n tuli'n nun'n wɔ man m'an fite min min'n i osufuɛ'm be su.»

2 Samiɛl 18:28

Asimaaz kpan seli famiɛn'n kɛ: «E wun ti kpa!» Yɛ ɔ kotoli nan ɔ'a utu i nyin ase famiɛn'n i bo. I waan: «Nannan, man manmanlɛ'n ɔ yo Anannganman ɔ Nyanmiɛn'n i liɛ. Ɔ'a yi be nga be jasoli ɔ wun mun ɔ'a man wɔ.»

1 Famiɛn Mun 8:15

I sin ɔ seli kɛ: «N ´la Anannganman b'ɔ ti Izraɛl Nyanmiɛn'n i ase, afin ɔ'a yia ndɛ ng'ɔ kan kleli mín si David'n i nuan.

1 Famiɛn Mun 8:56

«N ´la Anannganman b'ɔ man Izraɛlfuɛ'm bɔ bé ti i sran mun'n bé wun ɔ'a jɔ be fɔun'n kɛ ɔ kan kleli be sa'n i ase. Anannganman i ndɛ b'ɔ fa wlali Moiz nuan kɛ ɔ ´kan'n ɔ yoli i su sa'n ngba, i nun kaan sa ɔ nun-man lɛ bɔ ɔ'a yiɛ-mɛn i nuan-an.

Jue Mun 41:13

Min liɛ'n, kɛ bɔ m'an yo-man sa'n, i ti a suannin min bo. A fali min sieli ɔ wun lɛ tititi.

JÉSUS-CHRIST I DYASIN FE'N BO LUC KLELI'N 1:68

«Izraɛl'm be Nyanmiɛn b'ɔ ti e Min'n, i kwla o, yɛlɛ kɛ ɔ'a niɛn i sran'm be osu, ɔ'a de bé.

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.

1 Tɛsalonikfuɛ Mun 3:9

Kɛ Nyanmiɛn wun kɛ amun ti e klun jɔ dan kpa'n, e wun-man asenna kun nga e `fa lɛ i-ɔ.

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

1 Samiɛl 15:6

Yɛ ɔ seli Kenfuɛ'm be kɛ: «Amun `jaso Amalɛkfuɛ'm bé wun wa wɔ mmua. Sɛ ɔ'a yo-man sɔ-ɔ, ɔ cɛ-man nan m'an kun amun wie. Amun liɛ'n, kɛ Izraɛlfuɛ'm be fin Ezipt ´ba'n, amun yoli be kpa.» Yɛ Kenfuɛ'm be cuɛnnin bé wun-ɔn.

1 Samiɛl 25:32

David tɛli Abigail su kɛ: «Anannganman b'ɔ ti Izraɛlfuɛ'm be Nyanmiɛn'n, b'ɔ sunmannin wɔ kɛ a wa kpa min atin'n, i mmo!