Ezipt Lɔ Tulɛ'n 17:6 - NYANMIƐN NDƐ'N 1998

⁶ Min kusu, n wa jran ɔ nyrun lɛ Orɛb oka'n i yɛbuɛ'n kun su. Fa kpɔnman fin yɛbuɛ sɔ'n, yɛ nzue wa fin nun fite, kpɛkuun be ´nɔn.» Moiz fali Nyanmiɛn i ndɛ ng'ɔ kannin'n su, kpɛnngbɛn'm be nyin ta nun.

Ezipt Lɔ Tulɛ'n 17:6 ပူးပေါင်းရင်းမြစ်များ

Neemi 9:15

Kɛ awe kunnin be'n, a mannin be nyanmiɛn su lɔ kpaun be dili. Kɛ nzue we kunnin be'n, wɔ man nzue fin yɛbuɛ nun fiteli, be nɔnnin. Wɔ man be bali mɛn nga a tali nda kɛ a ´fa man be'n, i falɛ .

Jue Mun 105:41

Ɔ kpacili yɛbuɛ nun, kpɛkuun nzue fin nun fiteli. Nzue'n sonjili asiɛ kee'n su kɛ nzue ba sa.

Jue Mun 114:8

afin ɔ fa yɛbuɛ kaci fɛtɛ. Ɔ fa kpangba lika'n ɔ kaci nzue ti .

Jue Mun 74:15

A mannin nzue ti nin nzue ba'm be sonjiwlɛ. Wɔ yɛ man nzue ba dandan nga be nian wie-man nun le'n be wie nun-ɔn .

Jue Mun 78:18

Be kan Nyanmiɛn niannin, be waan ɔ `man be be klun klo like liɛ nga be waan be ´di'n.

Jue Mun 78:20

Ɔ'a yo man nzue'n ɔ'a fin yɛbuɛ'n nun ɔ'a fite ɔ'a sonji, y'a wun i lili. ?Sanngɛ ɔ ´kwla man ye aliɛ nin nnɛn?»

Jue Mun 81:7

«M'an sike ɔ wati su trɔ'n m'an jin, yɛ ɔ sa'm b'a yaci gbogbo dan'n i nun tralɛ.

Ezipt Lɔ Tulɛ'n 14:16

Ɔ liɛ'n, man ɔ kpɔnman'n su tinngɛ i jenvie'n su, kpɛ jenvie'n nun nan Izraɛlfuɛ'm be nanti aunnyan siɛ'n su be sin.

Ezipt Lɔ Tulɛ'n 16:10

Kɛ bɔ Aarɔn i nuan tɛ o ndɛ ng'ɔ ´kan kle Izraɛlfuɛ'm be kwlakwla'n i su'n, be kpɛli bé nyin aawlɛ flɛnnɛn lika liɛ'n nun lɔ. Be ´nian-an, Anannganman i nyrun nyannyan'n yɛ ɔ o sin wɛnsrɛn'n nun yɛ.

Ezai 48:21

Asiɛ kee b'ɔ ´fa be ´sin nun'n, nzue we su kun-man be lɔ. Ɔ ´yo man nzue ´fin yɛbuɛ'n nun fite ɔ ´fa man be. Ɔ ´kpaci yɛbuɛ'n nun, kpɛkuun nzue'n su nyrɛn.

Kalɛ 20:8

«Fa kpɔnman'n nan a nin ɔ niaan bian Aarɔn amun `yia sran'm be kwlaa. Yɛ be nyrun lɛ'n, amun `kan ndɛ kle yɛbuɛ nga nan ɔ `man amun nzue. A wa yo man nzue ´fin yɛbuɛ nga nun ´fite, kpɛkuun a ´fa man Izraɛlfuɛ'm be nin be nnɛn'm be ´nɔn.»

Jean 4:10

Jésus seli i kɛ: «Sɛ a si like nga Nyanmiɛn fa man sran mun'n, yɛ sɛ a si sran ng'ɔ se wɔ kɛ a mɛn i nzue lɛ'n, wuun ɔ bɔbɔ a ´srɛ i wie, yɛ ɔ ´man wɔ nzue b'ɔ sonji'n.»

Jean 4:14

sanngɛ sran ng'ɔ nɔn nzue nga n fa mɛn i'n, ɔ ´kaci kɛ nzue ti sa i nun b'ɔ ´nyrɛn piaa lele ɔ man ɔ ´nyan Anannganman nguan.»

1 Korɛntfuɛ Mun 10:4

yɛ nzue kunngba b'ɔ fin Nyanmiɛn sa nun'n yɛ be kwlaa be nɔnnin-ɔn, afin be kwlaa be nɔnnin nzue b'ɔ fin yɛbuɛ b'ɔ su be su'n i nun, yɛbuɛ sɔ'n yɛlɛ Krist .

Mmla'n 1:2

Kɛ a fɛ i Orɛb oka'n su lɔ bɔ a ´fa ju Kadɛs-Barnea lɛ'n, sɛ a fa Seir oka'm be atin'n, ɔ ti cɛn ba blu-nin-kun nantilɛ.

Mmla'n 8:15

Ɔ fali amun sinnin aawlɛ flɛnnɛn dan sroesroe ɔ nin nun wuo bɔ be lɛ bɔyre kpa ɔ nin nyannglan'm be nun. Ɔ fali amun sinnin lika kee sɔ bɔ nzue nun-man nun'n i nun, sanngɛ ɔ yoli man nzue fin yɛbuɛ kekleke'n nun fiteli yɛ amun nɔnnin.

Sa nglô yile 22:17

Nyanmiɛn Wawɛ'n nin Atɔnvlɛ'n be se kɛ: «Bla!» Sran ng'ɔ ti sa sɔ'n, man ɔ se kɛ: «Bla!» Sran nga nzue we kun i'n, man ɔ bla, man sran ng'ɔ klo kɛ ɔ ´fa nzue ng'ɔ man nguan'n, ɔ fa, dein su fite-man nun !