Ezipt Lɔ Tulɛ'n 17:3 - NYANMIƐN NDƐ'N 1998

³ Nzue we'n b'ɔ kun be dan'n ti be trikili Moiz su ekun, be waan: «?Nzu ti yɛ a fali e Ezipt lɔ bali wa-a? ?A fali e bali kɛ nzue we'n kun ye nin e mma mun, ɔ nin e nnɛn mun?»

Ezipt Lɔ Tulɛ'n 17:3 ပူးပေါင်းရင်းမြစ်များ

Neemi 9:15

Kɛ awe kunnin be'n, a mannin be nyanmiɛn su lɔ kpaun be dili. Kɛ nzue we kunnin be'n, wɔ man nzue fin yɛbuɛ nun fiteli, be nɔnnin. Wɔ man be bali mɛn nga a tali nda kɛ a ´fa man be'n, i falɛ .

Neemi 9:20

A fali ɔ Wawɛ'n mannin be kɛ ɔ kle be ngwlɛlɛ. W'a yaci-man ɔ mani'n be fa manlɛ le. A mannin be nzue kɛ be nɔn.

Jue Mun 107:5

Kɛ awe nin nzue we'n ko kle be nyrɛnnɛn'n yɛ ɔ kleli be-ɔ. Be wla'n boli bé wun.

Ezipt Lɔ Tulɛ'n 12:38

Sran sunman bɔ be ti nvle uflɛ wie'm be nun sran'n be nin Izraɛlfuɛ mun yɛ be ɔli-ɔ. Be bua mun nin be boli mun, ɔ nin be nannin'm be sɔnnin kpa.

Ezipt Lɔ Tulɛ'n 14:11

Yɛ be seli Moiz kɛ: «?Asieliɛ nun-man Ezipt lɔ-ɔ? ?Nzu ti yɛ a fali ye bali aawlɛ flɛnnɛn'n nun wa kɛ e wa wu-ɔ? ?Nzu like yɛlɛ nga a yoli e yɛ'n, bɔ a fali e Ezipt lɔ bali-ɔ?

Ezipt Lɔ Tulɛ'n 15:24

Nzrafuɛ'm be trikili Moiz su, be seli i kɛ: «?Nzu yɛ e ´nɔn-ɔn?»

Kalɛ 14:22

Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,

Kalɛ 20:4

?Nzu ti yɛ amun fali e bɔ e ti Anannganman i sran mun'n bali aawlɛ flɛnnɛn nga nun wa-a? ?E nin e nnɛn mun e kunlɛ ti yɛ amun fali ye bali wa-a?