Ezipt Lɔ Tulɛ'n 17:14 - NYANMIƐN NDƐ'N 1998

¹⁴ Anannganman seli Moiz kɛ: «Klɛ i kwlaa sɔ'n fluwa'n nun nan bé wla ɔ'a fi-man su. Kan kle Zozie kɛ n wa nunnun Amalɛkfuɛ mun. Sran fi wla su kpɛn-man bé su asiɛ'n su wa kun .»

Ezipt Lɔ Tulɛ'n 17:14 ပူးပေါင်းရင်းမြစ်များ

2 Samiɛl 1:1

Kɛ Sail wuli'n, David b'ɔ ko kwlali Amalɛkfuɛ mun'n, ɔ sɛli i sin bali Ziklag nan ɔ'a di lɛ le nnyɔn.

2 Samiɛl 8:12

Nvle sɔ be yɛ: Siri, nin Moab, nin Amɔn osu'n, nin Filisti, yɛ Amalɛk. Ɔ fali ninnge ng'ɔ deli be Adadezɛr sa nun'n kusu fa mannin Anannganman.

1 Be Nyoliɛ 4:42

Simeɔn akpasua sufuɛ wie'm be ɔli Seir i oka-oka lika'n nun lɔ. Be ti sran ya nnun. Be nga be dunnin be mmua'n, yɛlɛ Pɛlatia, nin Nearia, nin Rɛfaza, ɔ nin Iziɛl. Be ti Zisɛi i mma mun.

1 Be Nyoliɛ 4:43

Be kunnin Amalɛkfuɛ nga be kali'n bɔ be wanndi ɔli lɔ'n, nan b'a tran lɔ. Be tɛ o lɔ lele ndɛ.

Ɛsdras 9:14

yɛ e wa saci ɔ mmla mun ekun-ɔn? ?E ´fa e wun mantan nvle nga be ti tete bofuɛ mun ekun? ?Sɛ a fa ya'n, a ko nunnun-man ye mlɔnmlɔn siɛn ?

Zɔb I Nyrɛnnɛn Wunlɛ 18:17

Be wla ´fi i su asiɛ'n su, be su bo-mɛn i dunman lika fi nun kun.

Zɔb I Nyrɛnnɛn Wunlɛ 19:23

Sɛ ɔ ti kɛ n su nyan sran ɔ ´klɛ min ndɛ nga'n, wuun ɔ ´yo min fɛ o, wuun ɔ ´klɛ be fluwa kun nun bɔ cɛ,

Jue Mun 9:6

A tu be bɔ be su-man wɔ'n be fɔ. A nunnun sa tɛ yofuɛ sɔ mun. A yo man be dunman'n ɔ mlin mlɔnmlɔnmlɔn.

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Ezipt Lɔ Tulɛ'n 17:13

Zozie nin i sran mun be kwlali Amalɛk alɛ kunfuɛ mun tɛtɛ kpa.

Ezipt Lɔ Tulɛ'n 24:4

Moiz klɛli ndɛ nga Anannganman kan kleli i'n i kwlaa. Kɛ aliɛ'n cɛnnin'n, ɔ jasoli nglɛmun ndɛ kpa, ɔ kplannin Nyanmiɛn i sɔwlɛ kun oka'n i bo wun lɛ. Yɛ ɔ siesieli yɛbuɛ blu-nin-nnyɔn, be ti Izraɛl akpasua blu-nin-nnyɔn'm be nzɔliɛ.

Ezipt Lɔ Tulɛ'n 32:33

Anannganman tɛli i su kɛ: «Sran ng'ɔ fɔnnin min wun'n yɛ n ´nunnun i dunman min fluwa'n nun-ɔn.

Ezipt Lɔ Tulɛ'n 34:27

Anannganman seli Moiz kɛ: «Klɛ ndɛ nga n kannin be lɛ mun! Afin bé su yɛ n ´jran n ´siesie min nin wɔ yɛ Izraɛlfuɛ mun ye aenguɛ nga e ´tra nin-ɔn.»

Nyanndra Mun 10:7

Sran kpa sa'n, i dunman liɛ'n ɔ jaso-man bé nuan'n nun le. Sanngɛ klunwifuɛ'm be dunman liɛ'n, ɔ tɔ nzue nun.

Zeremi 30:2

«Min bɔ n ti Anannganman'n bɔ n ti Izraɛl Nyanmiɛn'n, min wan yoo: ‹Ndɛ nga n kan kleli wɔ'n, klɛ be kwlakwla'n fluwa kun nun.›

Zeremi 36:2

«Fa fluwa nan Izraɛl, nin Zida, ɔ nin nvle kun'm bé wun ndɛ bɔ n ´kan kleli wɔ'n, klɛ. Kɛ ɔ fin cɛn bɔ m boli ɔ ndɛ kan klelɛ bo'n ɔliɛ Zozias blɛ su b'ɔ ´fa ju ndɛ'n, klɛ i sɔ'n ndɛ liɛ'n kwlakwla.

Kalɛ 24:20

I sin Balaam wa wunnin Amalɛkfuɛ mun, ɔ seli be kɛ: «Amalɛk, nvle dan b'ɔ lɛ fanngan'n yɛ. Sanngɛ i agualiɛ'n yɛlɛ sacilɛ b'ɔ wa saci mlɔnmlɔn'n.»

Kalɛ 33:2

Moiz klɛklɛli lika nga Anannganman seli be kɛ be `jran be nun bɔ be jrannin be nun'n, ɔ nin lika ng'ɔ seli be kɛ be `jaso lɛ be wɔ nan b'a wɔ'n. Lika sɔ mun be yɛ:

Mmla'n 31:9

Moiz klɛli Nyanmiɛn i mmla'n, ɔ fa mannin Nyanmiɛn nyrun jranfuɛ'm bɔ be ti Levifuɛ'n, bɔ be sua Anannganman i alaka'n. Ɔ fa mannin be ɔ nin Izraɛl kpɛnngbɛn'm be kwlaa.

Zozie 4:7

Amun `se be kɛ: ‹Kɛ be ´fa Anannganman i alaka'n kpɛ Zurdɛn nzue'n, nzue nun'n kpɛli. Nzue'n nun kpɛli sakpa Nyanmiɛn i alaka'n i nyrun. I sɔ'n ti, yɛbuɛ sɔ'm be ti Izraɛlfuɛ'm be wla kpɛnlɛ like tititi.› »

1 Samiɛl 15:18

Yɛ Anannganman sunmannin wɔ b'ɔ seli wɔ kɛ: ‹Kɔ ko nunnun Amalɛkfuɛ'm bɔ be ti sa tɛ yofuɛ'n, nan a nin be `kun lele man be nunnun'n.›

1 Samiɛl 30:1

I le nsan su'n, kɛ David nin i sran'm be ´ju Ziklag'n, wuun Amalɛkfuɛ'm b'a ba, be nin Zida nvle i bo ngua lɔfuɛ mun, ɔ nin Ziklag lɔfuɛ mun b'a kun, b'a saci Ziklag klɔ'n, b'a wɔ klɔ'n nun.

1 Samiɛl 30:17

David kunnin be aliɛ njɛnniɛn su lele aliɛ fa cɛnnin fa sannin. Sran fi ɔ'a ka-man, san gbanflɛn ya nnan yɛ be fuli nyɔnngɔnmɛn'm be su be wanndili-ɔ.