Ezipt Lɔ Tulɛ'n 17:12 - NYANMIƐN NDƐ'N 1998

¹² Kɛ Moiz i sa nnyɔn'm be kpɔli'n, Aarɔn nin Ir be fali yɛbuɛ be sieli i bo nan ɔ'a tran su. Aarɔn nin Ir, kun jin i bue kun wa, kun jin i bue kun wa, be trɛtrɛ i sa'm be nun. I sa sɔ'm be kali nglo lele san wia'n tɔli.

Ezipt Lɔ Tulɛ'n 17:12 ပူးပေါင်းရင်းမြစ်များ

Jue Mun 35:3

Fa cua'n sunnzun min yalɛ klefuɛ'm bé wun. Yɛ cuɛn cua tika'n bé wun. Kpɛn min wla kɛ min defuɛ'n yɛlɛ wɔ.

Ezipt Lɔ Tulɛ'n 17:11

Kɛ Moiz mɛn i sa'n su'n, Izraɛlfuɛ'm bé sa ti Amalɛkfuɛ mun, sanngɛ kɛ ɔ kɛn i sa'n i ase'n, Amalɛkfuɛ mun yɛ bé sa ti be-ɔ.

Ezipt Lɔ Tulɛ'n 17:13

Zozie nin i sran mun be kwlali Amalɛk alɛ kunfuɛ mun tɛtɛ kpa.

Ezipt Lɔ Tulɛ'n 24:14

Ɔ seli kpɛnngbɛn'm be kɛ: «Amun `minndɛ e wa, e ´kɔ nan e ´ba, man e to amun wa. Aarɔn nin Ir be ´ka amún wun wa, sɛ sran wie waan be di i ndɛ wie be mɛn i'n, ɔ `kan kle be.»

Ezai 35:3

Be nga bé sa'm b'a kpɔ'n, amun `wla be fanngan. Be nga bé ja nannglunman'm be usu'n, amun `suan be bo .

Efɛzfuɛ Mun 6:18

Kɛ an ko yo i kwlaa sɔ'n, an `srɛ Nyanmiɛn kɛ ɔ jran amún sin. Sa'n kwlaa nun'n, amun nin Nyanmiɛn koko yalɛ i Wawɛ'n i fanngan nun tititi. An `niɛn i sɔ'n su yo i titi, nán an kpɔnzɔ. An `srɛ Nyanmiɛn kɛ ɔ niɛn i sran'm be kwlaa bé su.

Filipfuɛ Mun 1:19

afin n si kɛ i kwlaa sɔ'n ɔ man n ´nyan n ti Nyanmiɛn bɔ an srɛ i kɛ ɔ jran ń sin nin Jésus-Krist i Wawɛ b'ɔ jin n sin'n ti.

Kolɔsfuɛ Mun 4:2

An `koko yalɛ kle Nyanmiɛn titi, an `fa amún wla'n kwlaa gua su yo, yɛ an `lɛ i ase.

1 Tɛsalonikfuɛ Mun 5:25

Aniaan mun, an `srɛ Nyanmiɛn man ye.

Hébreu 12:12

I sɔ'n ti, an `kpɛntɛn amún sa bɔ b'a kpɔ'n nin amún ja bɔ b'a nyan amun wun'n, be nun .

Jacques 1:6

Sanngɛ kɛ ɔ ´kan kle i'n, man ɔ lafi i su. Nán man ɔ sie i nyin nnyɔn-nnyɔn, afin sran ng'ɔ lafi-mɛn i su kpa'n, ɔ ti kɛ jenvie'n bɔ aunngban'n kpɛ su b'ɔ man ɔ keje kɔ wa kɔ wa'n sa.

Zozie 8:26

Zozie i cua ng'ɔ tinngɛli i Ai ndɛnman'n, ɔ sieli i lɛ lele san be wieli be kwlakwla be nunnun.