Ezipt Lɔ Tulɛ'n 16:34 - NYANMIƐN NDƐ'N 1998

³⁴ Aarɔn yoli i kɛ Anannganman kan kleli Moiz'n sa. Ɔ jinnin sɛma'n nin i nun mani'n Anannganman i alaka'n nyrun lɛ, nan ɔ ´ka lɛ titi .

Ezipt Lɔ Tulɛ'n 16:34 ပူးပေါင်းရင်းမြစ်များ

1 Famiɛn Mun 8:9

Like ng'ɔ wo alaka nun'n, yɛlɛ yɛbuɛ paplaapla nnyɔn nga Moiz fali be sieli nun'n Orɛb lɔ'n. Be ngunmin cɛ yɛ be o nun-ɔn. Kɛ be fin Ezipt mɛn'n nun bali'n yɛ Anannganman fali yɛbuɛ paplaapla sɔ mun mannin be-ɔ. I blɛ sɔ'n nun yɛ Anannganman nin be trali aenguɛ nin-ɔn .

Ezipt Lɔ Tulɛ'n 25:16

Fa yɛbuɛ paplaapla nga Nyanmiɛn i mmla blu'n wo su bɔ n wa fa man wɔ'n sie i alaka'n nun.

Ezipt Lɔ Tulɛ'n 25:21

Man be fa alaka'n i tre'n kata alaka'n su'n, kpɛkuun yɛbuɛ paplaapla nnyɔn nga Nyanmiɛn i mmla blu'n wo su bɔ n wa fa man wɔ'n, man be fa sie i alaka'n nun.

Ezipt Lɔ Tulɛ'n 27:21

Man Aarɔn nin i mma'm be jin like nga be taka kannin'm bé su'n tannin sua'n nun lɔ. Be `jin i rido ng'ɔ kpɛ min alaka'n i nyin'n i nyrun lɛ. Man kannin'm be jue min nyrun lɛ nnɔsua lele nglɛmun. Man i sɔ mmla liɛ'n yo Izraɛlfuɛ nga be o lɛ ndɛkɛn kɛ e ´se yɛ'n nin be nga be wa jaso su'n be kwlakwla be liɛ. Ɔ fata kɛ be osu'n nunfuɛ'm be fa su tititi.»

Ezipt Lɔ Tulɛ'n 30:36

Man be yo wie sanmlɛn nan be fa sanndi min alaka'n nyrun tannin sua'n nun lɛ kan e nin wɔ e ´yia lɛ'n. Man ayre sɔ'n yo amun nyrun like kun b'ɔ ti saun kpa.

Ezipt Lɔ Tulɛ'n 30:6

Man be sie min sɔwlɛ sɔ'n rido ng'ɔ kpɛ min alaka'n i nyrun'n i nyrun lɛ, be `sie i alaka'n i su tre nga be fa kata su'n i nyrun lɛ kan e nin wɔ e ´yia lɛ'n.

Ezipt Lɔ Tulɛ'n 31:18

Blɛ bɔ Anannganman kannin ndɛ kleli Moiz Sinai oka'n su lɔ wieli'n, ɔ mɛnnin i yɛbuɛ paplaapla nnyɔn, bé su yɛ Nyanmiɛn bɔbɔ fɛli i sama klɛli i mmla mun nin-ɔn.

Ezipt Lɔ Tulɛ'n 38:21

Nyanmiɛn i tannin sua b'ɔ ti i bɔbɔ i alaka'n i siewlɛ'n i kplanlɛ'n wun ninnge'n kwlaa bé nuan'n yɛ: Moiz yɛ ɔ seli Levifuɛ'm be kɛ be `ka ninnge sɔ mun nan be `si bé nuan-an. Aarɔn i wa yasua Itamar b'ɔ ti Nyanmiɛn nyrun jranfuɛ'n yɛ ɔ ti ninnge'm be kalɛ sɔ'n i su kpɛnngbɛn nin-ɔn.

Ezipt Lɔ Tulɛ'n 40:20

I sin Moiz fali yɛbuɛ paplaapla nga mmla blu'm be klɛ su'n wlɛli i Nyanmiɛn i alaka'n nun. Be fali waka floloflolo mun wlali alaka'n i sa'm be nun, yɛ be fɛli i su tre'n be katali su.

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 17:10

«Amun `jaso sran nga'm be afiɛn man n nunnun be kpɛ kunngba.» Moiz nin Aarɔn be tɔli yɛ be utuli be nyin ase.

Mmla'n 10:5

Yɛ n fin oka'n su lɔ n jrali nan m'an fa yɛbuɛ paplaapla nnyɔn mun m'an sie be alaka'n nun. Be kali alaka'n nun lɛ kɛ Anannganman kan kleli min'n sa.