Ezipt Lɔ Tulɛ'n 16:32 - NYANMIƐN NDƐ'N 1998

³² Moiz waan: «Ndɛ nga Anannganman kan'n yɛ: ‹Amun `fa mani'n be sie like wie nun, be `sie i lɛ be sie amun mma nga amun ´wu be mun. Kɛ ɔ yo sɔ liɛ'n, be ´wun kpaun nga n fa tali amun aawlɛ flɛnnɛn'n nun lɔ'n kɛ amun fin Ezipt lɔ ba'n.› »

Ezipt Lɔ Tulɛ'n 16:32 ပူးပေါင်းရင်းမြစ်များ

Jue Mun 105:5

Anannganman i sufuɛ Abraam i osu nunfuɛ mun, Zakɔb i osu nunfuɛ b'ɔ kpali amun'n, man amún wla kpɛn sa nyɛnmɛn-nyɛnmɛn ng'ɔ yoli be'n be su. Man amun wla kpɛn abonuan sa ng'ɔ yoli be'n, ɔ nin jɔlɛ ng'ɔ dili be'n be su.

Ezipt Lɔ Tulɛ'n 16:16

I su mmla nga Anannganman mannin'n yɛ: ‹Man sran kun isɛ i liɛ ng'ɔ ko ju i'n i su sɛsɛsɛ. Man sran kun liɛ ng'ɔ isa'n yo kɔe litri nnan'n, kɛ sran'm bé nuan fa ti amun awlo'm be nun'n, i su yɛ amun `nian be `isa-a.› »

Ezipt Lɔ Tulɛ'n 16:31

Izraɛlfuɛ'm be flɛli aliɛ sɔ'n kɛ mani. Ɔ ti kɛ koriandri mma sa. Ɔ ti ufue, yɛ ɔ ti mlɛn-mlɛn kɛ gato bɔ wɛma nzue o nun'n sa.

Ezipt Lɔ Tulɛ'n 16:33

I sin Moiz seli Aarɔn kɛ: «Fa sɛma conjronjo kun nan fa mani'n i cɛn kun dilɛ liɛ fa gua nun. Fa sie i Nyanmiɛn nyrun kɛ ɔ ´yo nan mani'n wie ɔ'a ka lɛ nan amun mma nin amun anunman'm b'a kwla wun i'n ti.»

Zeremi 7:23

Ndɛ nga n fa sieli be nyrun'n yɛlɛ kɛ: sɛ an tie mín nuan ndɛ'n, n ´yo amun Nyanmiɛn, amun kusu amun ´yo min sran mun. An `nian atin nga n `kle amun'n cɛ be `fa su nan amu'an di alaje.

Ndɛ Nga Nyanmiɛn I Nuan Ijɔfuɛ Oze Kannin'n 11:4

Kɛ n ko yo'n yɛ n yoli i-ɔ, n kloli i klolɛ kpa, e nin i e trannin kɛ siɛ nin ba sa, n fɛli i m boli min wue su, n wlɛli i nuan nun aliɛ.

JÉSUS-CHRIST I DYASIN FE'N BO LUC KLELI'N 22:19

I sin ɔ fali kpaun, kɛ ɔ lali Nyanmiɛn ase'n, ɔ bubuli nun fa mannin be, ɔ seli kɛ: «Kpaun ng'ɔ o yɛ'n ti min wunnɛn i nzɔliɛ, [amun ti yɛ n su fa man-an. An `yo i kɛ nga n ´yo i yɛ'n sa, man amún wla kpɛn n su.»

Hébreu 2:1

I sɔ'n ti'n, man e fa ndɛ nga e tili be'n sie e klun kpa tra laa'n, sɛ y'a yo-man sɔ-ɔ ɔ cɛ-man nan y'a to a fuan atin'n.

Hébreu 9:4

Nyanmiɛn sɔwlɛ b'ɔ ti sika ɔkwlɛ'n, bɔ be yra ayre fannin su'n, ɔ nin Nyanmiɛn i alaka, bɔ be klo sika ɔkwlɛ guɛli i wun'n be o lɔ. Sika ɔkwlɛ sɛma'n bɔ mani'n wo nun'n, nin Aarɔn kpɔnman b'ɔ fɛfɛli'n, ɔ nin yɛbuɛ paplaapla bɔ be klɛ aenguɛ nga Nyanmiɛn waan ɔ nin sran'm be ´tra bé su'n, be wo alaka sɔ'n nun .