Ezipt Lɔ Tulɛ'n 16:23 - NYANMIƐN NDƐ'N 1998

²³ Yɛ Moiz seli be kɛ: «I sɔ yɛ Anannganman waan be yo-ɔ. Ainman ti cɛn bɔ i nun yɛ be de wunmiɛn-ɔn. Ɔ ti Anannganman liɛ klonglo. I sɔ'n ti, like nga amun waan amun ´nyintɔn'n, amun `nyintɔn, yɛ like nga amun waan amun ´tɔn'n, amun `tɔn. Kpɛkuun man i onga'n ka lɛ lele aliɛ cɛn su.»

Ezipt Lɔ Tulɛ'n 16:23 ပူးပေါင်းရင်းမြစ်များ

Neemi 9:13

A fin nyanmiɛn su lɔ jrali Sinai oka'n su. A kannin ndɛ kleli be. A kleli be sa nuan su yolɛ mmla mun, ɔ nin mmla nga be ti nanwlɛ mun. A fali atin klelɛ mmla mun, nin ɔ ndɛ kpakpa mun sieli be nyrun.

Neemi 9:14

Wɔ man ɔ sufuɛ Moiz kleli be wunmiɛn-delɛ-cɛn* b'ɔ ti wɔ liɛ'n, nin ɔ ndɛ mun, nin wɔ atin klelɛ mmla mun.

Ezipt Lɔ Tulɛ'n 16:19

Moiz seli be kɛ: «Nán sran fi yaci wie lɛ nan aliɛ cɛn su.»

Ezipt Lɔ Tulɛ'n 23:12

Fa cɛn ba nsiɛn fa di ɔ junman mun. Sanngɛ cɛn'n i nso su'n, ɔ ti wunmiɛn-delɛ-cɛn. Nán di junman, kɛ ɔ ´yo nan ɔ nannin mun, nin aflunmun mun, nin ɔ sa nun junman difuɛ mun, ɔ nin aofuɛ'm b'a kwla de wunmiɛn'n ti.

Ezipt Lɔ Tulɛ'n 31:15

Man be fa cɛn ba nsiɛn be di junman, sanngɛ cɛn ba'n i nso su fuɛ'n, ɔ ti wunmiɛn-delɛ-cɛn. Ɔ ti min cɛn klonglo. Sran kwlaa ng'ɔ di junman cɛn sɔ nun'n, man be kun i.

Zeremi 17:22

Kusu nán an fa trɔ amun awlo lɔ be fite. Nán an yo junman fi. An `sie wunmiɛn-delɛ-cɛn'n i ngunmin man min kɛ n fa kan kleli amun nannan mun'n sa.

Saun Yolɛ 23:3

Le mɔcuɛ kun nun amun `fa cɛn ba nsiɛn be `di junman. I cɛn ba nso'n su'n, ɔ ti wunmiɛn-delɛ-cɛn, amun fa be `yia min dunman nun. Kan kwlaa bɔ amun wo'n, i sɔ wunmiɛn-delɛ-cɛn liɛ nun'n, nán man amun di junman, amun `fɛ i sɔ cɛn liɛ'n be man min.»

Kalɛ 11:7

Mani'n ti kɛ awie mma sa, kpɛkuun ɔ ti ufue kɛ bdeliɔm sa.

Kalɛ 11:8

Kɔnguɛ kɛ bɔlɛ ufue'n ´gua'n, yɛ mani'n kusu gua-a. Kpɛkuun nglɛmun'n, sran'm be bo sanndi lika'n nun be kɔ i isalɛ. Be ko tin i yɛbuɛ su annzɛ be si i kpokpo nun. Be tɔn i blalɛ sɛ nun, be fa yo gato. I fɛ'n ti kɛ gato bɔ be fa ngo yɛ be fa yoli'n sa-a.

JÉSUS-CHRIST I DYASIN FE'N BO LUC KLELI'N 23:56

Kɛ be sali bé sin'n, be ko yoli ayre fannin nin nyanngo. Yɛ wunmiɛn-delɛ-cɛn nun'n, be trannin ase deli wunmiɛn, afin kɛ ɔ ti sɔ be mmla'n nun-ɔn .

Mmla'n 5:12

Man ɔ wla kpɛn wunmiɛn-delɛ-cɛn'n su, man ɔ yo min liɛ klonglo kɛ n kan kle wɔ'n sa.

Sa nglô yile 1:10

E Min'n i cɛn'n nun, Nyanmiɛn Wawɛ'n yili i wun nglo min nun yɛ n tili sran kun nɛn kekle kpa kɛ awɛ sa min sin lɔ.