Ezipt Lɔ Tulɛ'n 16:2 - NYANMIƐN NDƐ'N 1998

² Aawlɛ sɔ'n nun lɛ'n, Izraɛlfuɛ'm be wa plannin Moiz nin Aarɔn bé su.

Ezipt Lɔ Tulɛ'n 16:2 ပူးပေါင်းရင်းမြစ်များ

Bo Bolɛ 19:4

Be nian ɔ-man lalɛ kpɛkuun Sodɔm klɔ'n su yasua mun, i gbanflɛn mun o, i kpɛnngbɛn mun o, ɔ lɛ-man be nun kun, be kwlakwla'n b'a a bo b'a sin b'a yia sua'n.

Jue Mun 106:13

Sanngɛ i sin ɔ'a cɛ-man, be wla wa fili sa dandan ng'ɔ yoli'n. Like ng'ɔ guguli kɛ ɔ ´yo be'n, b'a minndɛ-man be yolɛ blɛ'n.

Jue Mun 106:25

Be o be tannin sua'm be nun lɔ yɛ be ijɔ be konviabo-ɔ. B'a ti-man Anannganman i ndɛ ng'ɔ kan'n kun mlɔnmlɔn.

Jue Mun 106:7

Atrɛ nga a yili be Ezipt lɔ'n, é si'm b'a wun-mɛn i wlɛ. Ye dandan nga a yoli be'n, bé wla ɔ'a kpɛn-man su. Be yoli nyin kekle Ndɛma jenvie'n i nuan lɔ.

Ezipt Lɔ Tulɛ'n 14:11

Yɛ be seli Moiz kɛ: «?Asieliɛ nun-man Ezipt lɔ-ɔ? ?Nzu ti yɛ a fali ye bali aawlɛ flɛnnɛn'n nun wa kɛ e wa wu-ɔ? ?Nzu like yɛlɛ nga a yoli e yɛ'n, bɔ a fali e Ezipt lɔ bali-ɔ?

Ezipt Lɔ Tulɛ'n 15:24

Nzrafuɛ'm be trikili Moiz su, be seli i kɛ: «?Nzu yɛ e ´nɔn-ɔn?»

Ezipt Lɔ Tulɛ'n 17:3

Nzue we'n b'ɔ kun be dan'n ti be trikili Moiz su ekun, be waan: «?Nzu ti yɛ a fali e Ezipt lɔ bali wa-a? ?A fali e bali kɛ nzue we'n kun ye nin e mma mun, ɔ nin e nnɛn mun?»

Ezipt Lɔ Tulɛ'n 5:21

Yɛ be seli be kɛ: «Man Nyanmiɛn wun nga amun yoli i lɛ'n, nan ɔ `bu amun fɔ. Amun ti'n, famiɛn'n nin i mantanfuɛ'm b'a kpɔ ye. Amu'an man be tokofi kɛ be fa kun ye.»

Kalɛ 14:22

Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,

1 Korɛntfuɛ Mun 10:10

Nán an ijɔ amun konviabo kɛ be nun wie'm be ijɔli b'ɔ man wie'n tɔli be nun nunnunnin be'n sa .