Ezipt Lɔ Tulɛ'n 16:14 - NYANMIƐN NDƐ'N 1998

¹⁴ Kɛ bɔlɛ ufue'n i nzue'n nɔnnɔnnin, i osu nun lɛ like wie'm be ti nyɛnklɛn-nyɛnklɛn kɛ ijre mma kanngan sa, be kali asiɛ'n su lɛ.

Ezipt Lɔ Tulɛ'n 16:14 ပူးပေါင်းရင်းမြစ်များ

Neemi 9:15

Kɛ awe kunnin be'n, a mannin be nyanmiɛn su lɔ kpaun be dili. Kɛ nzue we kunnin be'n, wɔ man nzue fin yɛbuɛ nun fiteli, be nɔnnin. Wɔ man be bali mɛn nga a tali nda kɛ a ´fa man be'n, i falɛ .

Jue Mun 105:40

Be waan ɔ blɛ be nnɛn. Ɔ yoli man aoko wie'm be bali. Nyanmiɛn su lɔ kpaun yɛ ɔ fa tali be-ɔ.

Jue Mun 147:16

Ɔ tɔ nzue'n ɔ fa kata lika'n su fuaii kɛ kondro ufue kata like su'n sa. Ɔ gua bɔlɛ ufue'n, ɔ fa sanndi lika'n nun fuaii kɛ nzuɛn sa.

Jue Mun 78:24

Yɛ ɔ man aliɛ guali bé su kɛ nzue'n b'ɔ tɔ'n sa, ɔ mannin be mani be dili .

Ezipt Lɔ Tulɛ'n 16:31

Izraɛlfuɛ'm be flɛli aliɛ sɔ'n kɛ mani. Ɔ ti kɛ koriandri mma sa. Ɔ ti ufue, yɛ ɔ ti mlɛn-mlɛn kɛ gato bɔ wɛma nzue o nun'n sa.

Mmla'n 8:3

Ɔ kannin amun ase, ɔ fali awe kleli amun nun. Kpɛkuun mani bɔ amun si-mɛn i laa'n, ɔ fa tali amun. Amun nannan'm b'a si-mɛn i bɔbɔ. I waan ɔ ´yo sɔ nan amu'an si kɛ nán aliɛ kunngba yɛ ɔ man sran nguan-an, nan ndɛ kwlaa ng'ɔ fin Anannganman'n nuan fite'n yɛ ɔ man sran nguan-an.