Ezipt Lɔ Tulɛ'n 15:9 - NYANMIƐN NDƐ'N 1998

⁹ E kpɔfuɛ'm be waan: ‹E ´fuan be lele e ´to be kpɔ, e ´cɛcɛ bé bo ninnge'm be nun, e ´fɛ i kwlaa nga e klo'n, e ´fa tratra su, e ´cuɛn e tokofi mun nan e ´nunnun be.›

Ezipt Lɔ Tulɛ'n 15:9 ပူးပေါင်းရင်းမြစ်များ

Bo Bolɛ 49:27

Bɛnzamɛn ti kɛ blo alua wlɛfuɛ sa. Nglɛmun ɔ di nnɛn ng'ɔ trɛli i'n. Nnɔsua ɔ cɛcɛ like ng'ɔ nyɛnnin i'n nun.»

2 Samiɛl 22:38

N su n kpɔfuɛ'm bé su, n fuan be, n nunnun be. Sɛ n nian nunkun-man be'n, n nian sa-man n sin.

1 Famiɛn Mun 19:2

Zezabɛl sunmannin sran kun kɛ ɔ ko se Eli kɛ: «Sɛ ainman dɔ kunngba nga su'n, m man b'a kun-man wɔ kɛ a fa kunnin Baal i nuan ijɔfuɛ'm be sa'n, man amuɛn'm be kun min.»

1 Famiɛn Mun 20:10

Yɛ i kusu toli Akab ngaliɛ kɛ: «Sɛ Samari lɔ ndutre'n yi min sran nga be su min su'n be kwlaa bé sa buɛ'n cɛ'n, man amuɛn'm be kun min.»

Ezipt Lɔ Tulɛ'n 14:5

Kɛ Ezipt famiɛn'n tili i kɛ Izraɛlfuɛ'm b'a wanndi'n, ɔ nin i mantanfuɛ'm be akunndan'n kacili, be waan: «?Nguɛ sa li yɛ y'a yo i yɛ? ?Ɔ yo sɛ ti yɛ e yacili be lɛ be ɔli bɔ y'a tra-man be ase kɛ be yo e kanga-a?»

Nyanndra Mun 16:19

Kɛ a nin wun tufuɛ'n amún bo ko yo kun amun ko cɛ like nga be nyɛn i alɛ nun'n be ko fa'n, ɔ flunman kɛ a kan ɔ́ wun ase nan a nin yalɛfuɛ'm be tran.

Ezai 36:20

?Amuɛn sɔ mun'n, be nun onin cɛ yɛ ɔ kwla deli i mɛn'n mín sa nun-ɔn? ?Yɛ Anannganman'n ɔ ´yo i sɛ yɛ ɔ kwla de Zerizalɛm min sa nun-ɔn?› »

Ezai 53:12

Ɔ man n fɛ i n wlali sran dandan'm be nun. Ɔ nin be bɔ be kwla'n be yɛ be ´cɛ alɛ ninnge'n nun-ɔn, yɛlɛ kɛ i bɔbɔ kplinnin su kɛ ɔ ´wu, ɔ man be fɛli i wlali sa tɛ yofuɛ'm be nun, ɔ jrannin sran kpanngban bé sa tɛ'n i nuan, yɛ ɔ kpatali sa tɛ yofuɛ'm be ti .

Zeremi 46:17

Siɛn'n, nga be kan'n yɛlɛ kɛ: ‹Ezipt famiɛn'n yoli sɔ ngbɛn, ɔ'a kwla-man like fi yo.›

Abakik 3:14

E kpɔfuɛ'm bé su kpɛnngbɛn nga be ´kpla be ´ba sa'n, a ´se kɛ aunngban dan wie yɛ ɔ su fita-a. Kɛ be ´ba'n, wuun be ´kpan aklunjuɛ kpanlɛ'n be ba kɛ be wa keje e nun. Be ´ba'n, be buabua bé wun kɛ be ´fia be ´kun ye, sanngɛ a de be bɔbɔ bé sa nun ta mma mun fa fitifiti bé ti'n.

JÉSUS-CHRIST I DYASIN FE'N BO LUC KLELI'N 11:22

Sanngɛ sɛ sran uflɛ b'ɔ lɛ wunmiɛn trɛ i'n, ɔ wa tɔ i su kwlɛ i'n, ɔ ´de i ninnge b'ɔ fa kun alɛ b'ɔ lafi su'n kwlaa, ɔ ´fɛn i bo ninnge'n, ɔ `fa cɛ.

Jɔlɛ Difuɛ Mun 5:30

‹Kɛlɛ be su cɛ be kpɔfuɛ'm bé bo ninnge'm be nun, be su cɛ talua nga be tra be lomuɛn'm be nun: sonja kun talua kun annzɛ talua nnyɔn. Sizɛra i liɛ yɛlɛ be kondro bɔ be di nun aba nglanman-nglanman kpa mun. Kwlafuɛ'n i liɛ yɛlɛ tannin nga be di nun aba klanman kpa sakpa bɔ be fa gua be kɔmin nun'n.›

1 Samiɛl 30:8

David fa usali Anannganman kɛ: «?N su alɛ kunfuɛ sɔ'm bé su? ?Sɛ n kɔ'n n ´to be?» Anannganman waan: «Su bé su, a ´to be yɛ a ´de sran nga be trali be lomuɛn'n.»