Ezipt Lɔ Tulɛ'n 15:8 - NYANMIƐN NDƐ'N 1998

⁸ Kɛ a fitali ɔ bue'n nun sa'n, kpɛkuun nzue'm be tiannin bé nuan, nzue ng'ɔ bo'n keteli kɛ talɛ sa, yɛ jenvie'n i bunman'm be keteli.

Ezipt Lɔ Tulɛ'n 15:8 ပူးပေါင်းရင်းမြစ်များ

2 Samiɛl 22:16

Kɛ Anannganman ´wlanwlan be'n, kɛ ɔ ´fitɛ i bue nun bɔ i nun aunngban'n ´fite'n, kpɛkuun jenvie'n nzue'n ɔ'a wie nun, be nyin tɛ i bo lɔ ninnge mun, kpɛkuun asiɛ'n i ase wlawlɛ'n ɔ'a fite su.

Zɔb I Nyrɛnnɛn Wunlɛ 4:9

Nyanmiɛn i ya'n ɔ fita be kɛ aunngban dan sa, ɔ fa be kɔ yɛ be wu.

Jue Mun 33:7

Ɔ tian jenvie'n i nzue'n i nuan kwle kun. Ɔ fa nzue dandan mun gua bunman'n nun.

Jue Mun 78:13

Ɔ kpɛli jenvie'n nun nan b'a sin nun. Ɔ jrannin nzue'n kɛ b'a fa talɛ b'a si i nyrun ce sa .

Ezipt Lɔ Tulɛ'n 14:29

Sanngɛ Izraɛlfuɛ'm be liɛ be kpɛli jenvie'n bé ja nun. Be sinnin nzue ng'ɔ jrannin kɛ talɛ sa bé sa fama su nin bé sa bɛ su'n i afiɛn.

Ezai 11:4

Be nga be ti yalɛfuɛ'n, ɔ ´di be ndɛ'm be kpa. Be nga be kle be yalɛ mɛn'n nun'n, ɔ ´bu be ndɛ mun kɛ ɔ fata'n sa. I ndɛ ng'ɔ fin i nuan ´fite'n ɔ ´yo kɛ waka bɔ be fa bo sran'n sa, ɔ ´fa bo mɛn'n nunfuɛ mun. Ndɛ ng'ɔ fin i nuan fite'n, ɔ ´yo man sran tɛ'm be wu.

Ezai 37:7

Nian, Asiri famiɛn'n ɔ wa ti ndɛ kun. Kpɛkuun n ´fa akunndan kun n ´wlɛ i ti nun. Ɔ ´sɛ i sin i mɛn'n nun. Kpɛkuun m man be ´fa tokofi be ´kun i lɔ.› »

Abakik 3:10

Kɛ oka'm be wun wɔ'n, be usu. Kɛ nzue'n ɔ tɔ dandan'n, kpɛkuun ɔ'a kata asiɛ'n su kplu. Jenvie'n ɔ bo kpɛkuun ɔ wunndun kendengleiin to nyanmiɛn'n.

Abakik 3:15

Kɛ jenvie'n ɔ ´wunndun kpɔlu-kpɔlu'n, wuun a ´fa ɔ nnɛn kpanngɔ mun sin nun.

2 Tɛsalonikfuɛ Mun 2:8

Kɛ ɔ ko yo sɔ'n, bian b'ɔ di-man mmla'n su'n ɔ wa yi i wun nglo, yɛ kɛ e Min Jésus ´ba bɔ i nyrun ti nyannyan'n, ɔ ´fitɛ i fuu, ɔ ´kun i ɔ ´nunkun i .

Zozie 3:13

Kɛ Nyanmiɛn nyrun jranfuɛ nga be sua Nyanmiɛn i alaka'n bé ja ´tia Zurdɛn nun cɛ'n, nzue'n ɔ wa kpɛ. Nzue i bue ng'ɔ fin nglo lɔ'n, ɔ wa jran, ɔ ´bo kofie kunndunngluun'n kɛ b'a si i nyrun ce sa.»

Zozie 3:16

nzue'n i bue ng'ɔ fin nglo lɔ'n, ɔ jrannin, ɔ boli kofie kunndunngluun'n mmua lɔ, klɔ nga be flɛ i Adam b'ɔ mantan Zartan'n i kokolɛ'n i ndɛnman. Kpɛkuun i bue ng'ɔ sonji kɔ jenvie b'ɔ ti njin nzue klakla'n nun lɔ'n, ɔ wieli nun weiin, nan Izraɛlfuɛ'm b'a kpɛ i be ja nun Zeriko ndɛnman lɛ .