Ezipt Lɔ Tulɛ'n 15:22 - NYANMIƐN NDƐ'N 1998

²² Moiz fali Izraɛlfuɛ mun ndɛma jenvie su lɔ ɔli Sir aawlɛ flɛnnɛn'n i ndɛnman. Be nantili aawlɛ flɛnnɛn'n nun cɛn ba nsan, b'a nyan-man nzue b'a nɔn-man.

Ezipt Lɔ Tulɛ'n 15:22 ပူးပေါင်းရင်းမြစ်များ

Bo Bolɛ 16:7

Anannganman i anz'n ko toli Agar aawlɛ flɛnnɛn'n nun lɔ nzue ti ng'ɔ o Sir atin'n su'n i nuan lɔ.

Bo Bolɛ 20:1

Abraam ɔli Negɛb lika'n nun lɔ. Ɔ ko trannin Kadɛs nin Sir be afiɛn, i sin ɔ ko trannin Gerar lɔ kan.

Bo Bolɛ 25:18

I bo mma'm be trannin Avila nin Sir be afiɛn'n nun. Sir nin Ezipt be mantan su. Ɔ o Asiri i ndɛnman lɛ. Be nin be niaan'm be mantan-man.

Jue Mun 136:16

Ɔ fɛli i nvle'n nunfuɛ mun sinnin aawlɛ flɛnnɛn'n nun lɔ, afin i klun-ufue'n wo lɛ tititi.

Jue Mun 77:20

A kpɛ wɔ atin'n jenvie'n nun. A yili wɔ sinwlɛ'n nzue dan'n nun. Sanngɛ b'a wun-man ɔ osu.

Jue Mun 78:52

Ɔ fɛli i nvle'n i nunfuɛ mun ɔli kɛ bua mun sa. Ɔ kankannin be aawlɛ flɛnnɛn'n nun kɛ bua mun sa.

Jue Mun 78:53

Ɔ fali be ɔli diin, srɛ ɔ'a kun-man be, jenvie'n katali be kpɔfuɛ'm be su.

Ezipt Lɔ Tulɛ'n 17:1

Izraɛlfuɛ'm be nvle wunmuan'n, be tuli be bo Sin aawlɛ flɛnnɛn'n nun lɛ, be jaso lika kun nun, be kɔ uflɛ nun, be jaso lika kun nun, be kɔ uflɛ nun kɛ Anannganman kan kleli be'n sa. I sin be ko yoli be ngblaliɛ Refidim lɔ, be nyan-man nzue be nɔn-man.

Ezipt Lɔ Tulɛ'n 3:18

Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Kalɛ 33:8

Kɛ be fɛli i Pi-Airɔt lɛ'n, be sinnin ndɛma jenvie'n i afiɛn aawlɛ flɛnnɛn'n i wun lɔ. Be fali cɛn nsan be nantili Etam aawlɛ flɛnnɛn'n nun. Be kpɛli be ngblaliɛ'n Mara lɛ.

1 Samiɛl 15:7

Nan Sail ɔ'a kwla Amalɛkfuɛ mun kɛ ɔ fɛ i Avila lele fa ju Sir aawlɛ'n nun lɔ, Ezipt lika ng'ɔ kpɛ wia afiliɛ lɔ'n.

1 Samiɛl 27:8

David nin i sran'm be ko wlu nvle wie nun be nin be ko kun alɛ, be kɔ be ba be kɔ be ba. Nvle sɔ mun yɛlɛ Gersir, nin Gerzɛr, ɔ nin Amalɛk. Kɛ ɔ fin lalafuɛ nun'n nvle sɔ'm, be tran Sir ndɛnman lele ´fa ju Ezipt mɛn'n i nuan.