Ezipt Lɔ Tulɛ'n 15:20 - NYANMIƐN NDƐ'N 1998

²⁰ Kɛ ɔ yoli sɔ'n, Nyanmiɛn nuan ijɔfuɛ bla bɔ be flɛ i Mari, b'ɔ ti Aarɔn i niaan bla'n, ɔ fali klɛn ba kun. Kɛ ɔ ´bo'n, wuun Izraɛl mmla'm be kwlaa be ´si able be su i su.

Ezipt Lɔ Tulɛ'n 15:20 ပူးပေါင်းရင်းမြစ်များ

Bo Bolɛ 31:27

?Nzu ti yɛ a laka min bɔ a fia bali, bɔ a kale-man min-ɔn? Sɛ ɔ ti kɛ a kaleli'n, wuun n guali amun atin'n, wuun e toli jue e boli klɛn nin jru'n, wuun e sili able yɛ m mannin wɔ atin-ɔn.

2 Samiɛl 1:20

N ´srɛ, nán be bo jasin nga Gat lɔ. Nán be kan sin Askalɔn akpɔ'm bé su, sɛ ɔ yo sɔ'n, Filisti talua'm be klun ´jɔ, sɛ ɔ yo sɔ'n, be nga b'a wla-man be klɛn sɔ'n be mma bla'm be ´bo sro.

2 Samiɛl 6:14

Kpɛkuun David wlɛli i wun ase sili able Anannganman nyrun. Nyanmiɛn nyrun jranfuɛ'm bé tannin kan'n yɛ ɔ ci i bo-ɔ.

2 Samiɛl 6:16

Kɛ be ´fa Anannganman i alaka'n ´ju David Klɔ lɛ'n, wuun Sail i wa bla Mikal jin fenɛtri'n nun lɔ, i nyin ta be. Ɔ ´nian-an, famiɛn David yɛ ɔ su si able ´tu kpɛn Anannganman nyrun yɛ, ɔ yoli i tɛ nan ɔ'a yo i finfin.

2 Samiɛl 6:5

Be ´kɔ'n, wuun David nin Izraɛlfuɛ'm be kwlaa be ´kan ngowa Anannganman nyrun. Ngowa kanlɛ ninnge nga be fa siprɛs waka be yo'n, nin jru mun, nin aluku mun, nin klɛn mun, nin sɛkɛsɛkɛ mun, nin aaba ndɛ mun, i kwlaa o bé sa nun.

2 Famiɛn Mun 22:14

Ilkiza b'ɔ ti Nyanmiɛn nyrun jranfuɛ'n, nin Asikam, nin Akbɔr, nin Safan, ɔ nin Azaza be ɔli Nyanmiɛn nuan ijɔfuɛ bla nga be flɛ i kɛ Ilda'n i sin. Bla sɔ'n, i wun yɛlɛ Aras i wa Tikva i klun ba Salɔm b'ɔ nian Nyanmiɛn i sua'n nun tralɛ'm be su'n. Bla sɔ'n tran Zerizalɛm klɔ uflɛ'n su lɔ. Be kannin ndɛ'n be kleli i.

1 Be Nyoliɛ 15:16

David seli Levifuɛ'm be kpɛnngbɛn'm be kɛ be siesie be niaan jue tofuɛ'm be sɛsɛsɛ. I waan be kan kle be kɛ be fa be ngowa kanlɛ ninnge mun. Ɔ seli be kɛ be bo be jru mun, nin be aluku mun, ɔ nin be aaba ndɛ mun. I waan be bo i kekle kpa be fa yi be aklunjuɛ'n i nglo.

1 Be Nyoliɛ 6:3

Keat i mma mun yɛlɛ Amram, nin Zizear, nin Ebrɔn, ɔ nin Iziɛl.

Neemi 6:14

«Min Nyanmiɛn, nán ɔ wla fi Tɔbiza nin Sanbalat be nyoliɛ'm be su. Nán ɔ wla fi ɔ nuan ijɔfuɛ Nɔadia, ɔ nin ɔ nuan ijɔfuɛ kun nga mun bɔ be kunndɛ kɛ be ´wla min srɛ'n be su.»

Jue Mun 149:3

Man be si able nan be bo flɛ i. Man be bo klɛn nin jru yɛ be to jue be mɛnmɛn i.

Jue Mun 150:4

An `bo klɛn be fa si able be mɛnmɛn i. An `bo aluku nin blo be fa mɛnmɛn i.

Jue Mun 30:11

Anannganman, sie ɔ su. Si min aunnvuɛ. Anannganman, de min.

Jue Mun 68:11

Ee Nyanmiɛn, ɔ klun-ufue'n ti ɔ sran'm be wa trannin mɛn sɔ'n b'ɔ a siesieli i kɛ a ´fa man be bɔ be ti nyrɛnnɛnfuɛ'n i nun.

Jue Mun 68:25

Ee Nyanmiɛn, wɔ bɔ a ti min Nyanmiɛn'n, wɔ bɔ a ti min famiɛn'n, be wunnin kɛ ɔ sran'm be suli wɔ su woo be ɔli ɔ́ sua saun'n nun lɔ.

Jue Mun 68:26

Jue tofuɛ mun yɛ be dun mmua-a, be nga be bo ngowa kanlɛ ninnge fanunfanun'm be o siɛn, yɛ talua'm be o afiɛn. Kɛ be ´kɔ'n, wuun talua'n be ´bo klɛn kanngan mun.

Jue Mun 81:2

Amun `bo sro be yi amun aklunjuɛ'n i nglo kle Nyanmiɛn b'ɔ ti e sasafuɛ'n. Amun `kpan be yi Zakɔb i Nyanmiɛn'n i ayɛ.

Ezipt Lɔ Tulɛ'n 2:4

Bakan'n i niaan bla'n jran mmua lɔ niɛn i su nan ɔ ´wun sa nga ɔ ´ju bakan'n su'n.

Akunndanfuɛ'n 3:4

Ɔ lɛ blɛ kun bɔ be fa sun-ɔn, yɛ ɔ lɛ blɛ kun bɔ be fa sri-ɔ. Ɔ lɛ blɛ kun bɔ be fa yi ngwlɛ-ɔ, yɛ ɔ lɛ blɛ kun bɔ be fa si able-ɔ.

Zeremi 31:4

Izraɛl, min adeba, n ´yo man a ´kpɛn ɔ osu laa'n nun. A wa fa ɔ klɛn klanman'n ekun. A ´wlu be nga be klun ɔ'a jɔ bɔ be si able'n be nun.

Mise 6:4

?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Kalɛ 12:1

Moiz jali Kis lɔ bla kun. Mari nin Aarɔn be kannin i wun ndɛ tɛtɛ i bla aja sɔ'n ti.

Kalɛ 12:2

Be seli kɛ: «?Moiz i ngunmin li yɛ Anannganman ijɔ kle i-ɔ? ?Ɔ'a ijɔ-man ɔ'a kle-man e bɔbɔ nga e wie?» Anannganman tili be ndɛ nga be kannin'n.

Kalɛ 20:1

Anglo klikli'n nun'n, Izraɛlfuɛ'm be kwlakwla be juli Zin aawlɛ flɛnnɛn'n nun, be trannin Kadɛs lɛ. Lɛ yɛ Mari wuli-ɔ, be sieli i lɛ.

Kalɛ 26:59

Amram jali Zokebɛd, Levi i wa bla bɔ be wuli i Ezipt lɔ nin-ɔn. Zokebɛd nin Amram be wuli Aarɔn nin Moiz yɛ be niaan bla Mari.

JÉSUS-CHRIST I DYASIN FE'N BO LUC KLELI'N 2:36

Nyanmiɛn nuan ijɔfuɛ bla kun kusu o lɛ, be flɛ i kɛ Ani, Faniɛl b'ɔ fin Azɛr osu nun'n, i wa-a. Ɔ'a yo oke kpa. Kɛ be wuli i'n, ɔ'a si-man yasua fi san i wun b'ɔ jɛli i'n. Be trannin afuɛ nso, i wun'n wuli,

Sa nga bé yôli'n 21:9

Ɔ lɛ ba bla nnan bɔ be nian si-man bian, be ijɔ Nyanmiɛn nuan.

1 Korɛntfuɛ Mun 11:5

Sanngɛ kusu bla kwlaa nga kɛ ɔ ´koko yalɛ kle Nyanmiɛn annzɛ ɔ ´ijɔ Nyanmiɛn nuan asɔnun nun'n ɔ kɛtɛ-mɛn i ti'n, ɔ gua yasua b'ɔ sie i'n i nyin ase. Sɛ ɔ yo i sɔ'n, ɔ ti kɛ ɔ'a yi i ti'n kplekekpleke sa.

Jɔlɛ Difuɛ Mun 11:34

Zɛfte ɔ ´sɛ i sin ´bɛ i awlo Mizpa lɔ'n, ɔ ´nian-an, i wa bla'n ɔ'a fite ɔ'a bɛ i atin kpalɛ. Ɔ ´ba'n, wuun ɔ ´bo klɛn ´si able. Zɛfte i wa ng'ɔ lɛ i yɛ ɔ o lɛ-ɔ. Zɛfte lɛ-man ba yasua fi, ɔ lɛ-man ba bla uflɛ fi.

Jɔlɛ Difuɛ Mun 21:21

Kɛ amun ´nian nan Silo talua'm b'a fite nan be su si able'n, amun `fin vinyi fie'm be nun fite, amun `ko tra amun ti nun bla kunngun, nan amun `fa be ɔ amun mɛn'n nun be `ko ja be.»

Jɔlɛ Difuɛ Mun 4:4

I blɛ sɔ nun'n, wuun Lapidɔt i yi Debora b'ɔ ti Nyanmiɛn nuan ijɔfuɛ'n, ɔ di jɔlɛ Izraɛl mɛn'n nun.

1 Samiɛl 10:5

Kpɛkuun kɔ Gibea-Elɔim kan Filisti siefuɛ'm be o lɔ'n. Kɛ a ju klɔ'n i wun lɛ'n, a nin Nyanmiɛn nuan ijɔfuɛ akpasua kun bɔ be fin Nyanmiɛn sɔwlɛ lɔ ´jra ba'n be ´yia. Jru bofuɛ mun, nin klɛn bofuɛ mun, nin blo bofuɛ mun, ɔ nin aluku bofuɛ'm be dun mmua be nyrun. Kɛ Nyanmiɛn nuan ijɔfuɛ'm be ´ba'n, wuun be ´kan Nyanmiɛn nuan ndɛ'n.

1 Samiɛl 18:6

Kɛ bɔ David kunnin Filisti bian'n bɔ be ´ba'n, bla'm be fɛ i Izraɛl klɔ'm be kwlaa su bali Sail atin kpalɛ. Be ´ba'n, wuun be ´bo klɛn ɔ nin jru, wuun be ´to jue, be ´si able be bo sro.