Ezipt Lɔ Tulɛ'n 15:2 - NYANMIƐN NDƐ'N 1998

² Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezipt Lɔ Tulɛ'n 15:2 ပူးပေါင်းရင်းမြစ်များ

Bo Bolɛ 17:7

Aenguɛ nga e nin wɔ e ´trɛ i yɛ'n, ɔ osu'n kwlakwla o nun. Aenguɛ sɔ'n ɔ lɛ-man awieliɛ. N ´yo a nin ɔ osu'n amun Nyanmiɛn .

Bo Bolɛ 49:18

Ee! Anannganman, n lafi su kɛ a ´de min.

2 Samiɛl 22:3

Min Nyanmiɛn'n ti kɛ yɛbuɛ sa, yɛ n talo i-ɔ, i nun yɛ n fia-a. Ɔ ti kɛ nyrɛn sa, i nun yɛ n nyan wunmiɛn-ɔn, i yɛ man n fite nun-ɔn. Ɔ ti min fiawlɛ dan ɔ man sa nyan-man min. Ee min Defuɛ! A de min sran wlɛfuɛ'm bé sa nun.

2 Samiɛl 22:47

Man Nyanmiɛn'n tran lɛ tititi o. N la Anannganman b'ɔ ti kɛ yɛbuɛ sa'n bɔ i yɛ n talo i i ase! Man Nyanmiɛn b'ɔ ti kɛ yɛbuɛ sa'n b'ɔ de mín'n, i dunman'n yo dan.

2 Samiɛl 22:51

Anannganman de famiɛn ng'ɔ sieli'n. Ɔ yo sran ng'ɔ sieli i famiɛn'n i ye titi. Ɔ yo David nin i osu nunfuɛ'm be ye tititi.»

2 Samiɛl 7:24

A yoli man Izraɛl nyannin wunmiɛn yɛ a fɛli i yoli ɔ nvle tititi, yɛ wɔ Anannganman a yoli i Nyanmiɛn.

2 Samiɛl 7:5

«Ko se min sufuɛ David kɛ: ‹Anannganman wan yoo: Nán wɔ yɛ a ´kplan sua nga n ko tran nun nin-ɔn.

1 Famiɛn Mun 8:13

Siɛn'n, m'an kplan tranwlɛ sroesroe kun m'an man wɔ. M'an kplan lika kun bɔ a ´kwla tran nun tititi.»

1 Famiɛn Mun 8:27

?Sakpa nan ɔ Nyanmiɛn a tran asiɛ'n su-ɔ, ɔ yo ye? Nyanmiɛn su lɔ dan ng'ɔ o lɔ lɛ'n, a sɔn-man lɔ nan se kɛ sua nga m'an kplɛn i yɛ'n, yɛ a ´sɔn nun-ɔn.

1 Be Nyoliɛ 16:14

I Anannganman'n yɛ ɔ ti e Nyanmiɛn nin-ɔn. Ɔ di mɛn wunmuan'n i nunfuɛ'm be jɔlɛ.

Jue Mun 109:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Nyanmiɛn, wɔ bɔ wɔ yɛ m manman wɔ'n, nán tɔ amule.

Jue Mun 118:14

Anannganman yɛ ɔ man min wunmiɛn dan nin-ɔn. I yɛ m mɛnmɛn i-ɔ. I yɛ ɔ deli min-ɔn.

Jue Mun 118:21

M ´manman wɔ afin kɛ n flɛli wɔ'n, a tɛli min su, wɔ yɛ a deli min-ɔn.

Jue Mun 118:28

A ti min Nyanmiɛn. M ´manman wɔ. Min Nyanmiɛn, n ´yi wɔ ayɛ!

Jue Mun 140:7

N seli Anannganman kɛ: «Min Nyanmiɛn'n yɛlɛ wɔ, tie min srɛwa tantrantan bɔ n srɛ wɔ'n.

Jue Mun 145:1

Nyanmiɛn i manmanlɛ jue nga ɔ o David i jue fluwa'n nun. I waan: Min Nyanmiɛn, min famiɛn, n ´yi wɔ ayɛ. N ´yaci-man wɔ ase lalɛ le nan kɛ ɔ yo-ɔ ɔ'a yo.

Jue Mun 18:46

Aofuɛ'm be wun-man like nga be `fa be wla'n gua su kun-ɔn. Kɛ be ´fin bé fiawlɛ'm be nun be fite'n, kɛ bé wun usu-usu be sa.

Jue Mun 22:10

Blɛ bɔ n wo mín nin klun lɔ'n, wɔ yɛ a yili min fiteli wa-a. Wɔ yɛ a niannin min su blɛ bɔ n tɛ nɔn nyɔnflɛn nin-ɔn.

Jue Mun 22:3

Min Nyanmiɛn, wia'n nun n kpan flɛ wɔ, a tɛ-man mín su. Kɔnguɛ'n, n nyan-man alaje mlɔnmlɔn.

Jue Mun 27:1

Jue nga ti David liɛ. I waan: Anannganman ti mín kannin nin min defuɛ. ?Wan yɛ n tɛ sro i ekun-ɔn? Anannganman ti min nguan'n i nun trafuɛ. ?Wan li wun yɛ srɛ tɛ kun min-ɔn?

Jue Mun 28:8

Anannganman yɛ ɔ man i nvlefuɛ'm be wunmiɛn-ɔn. Ɔ ti famiɛn ng'ɔ sieli'n i fiawlɛ, sɛ ɔ ´nyɛn i ti'n, ɔ fin i.

Jue Mun 30:1

Jue nga ti David liɛ. Kɛ be ´yi Nyanmiɛn i sua'n i nglo'n, yɛ ɔ kpɛli-ɔ. I waan:

Jue Mun 34:3

Anannganman yɛ n fa di min nuan-an. Awlaboɛfuɛ mun, amun `tie nan amun klun jɔ!

Jue Mun 48:14

Amun `niɛn i talɛ'n siin kpa. Amun `niɛn i lika nga be sisi bé wun mun kpa nan cɛn wie amu'an kan kle amun mma nga be wa jaso su'n,

Jue Mun 59:17

M ´manman wɔ ɔ kwlalɛ bɔ a kwla'n ti. Nglɛmun kwlaa n ´to jue, n ´yi wɔ ayɛ ɔ klun-ufue'n ti, afin a ti kɛ min fiawlɛ sua sa. Kɛ nyrɛnnɛn tɔ min su'n, ɔ sin yɛ n fia-a.

Jue Mun 68:20

Man be la e Min'n i ase cɛn kwlakwla. Nyanmiɛn b'ɔ de ye'n, ɔ nian e lika.

Jue Mun 99:5

An `yi Anannganman e Nyanmiɛn'n i ayɛ. An `koto i ja takatakawlɛ'n i nyrun lɛ. I nzuɛn'n nin klɔ sran liɛ'n ti-man kun.

Jue Mun 99:9

An `yi Anannganman e Nyanmiɛn'n i ayɛ. An `koto i oka'n su, afin Anannganman e Nyanmiɛn'n i nzuɛn'n nin klɔ sran liɛ'n ti-man kun.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ezipt Lɔ Tulɛ'n 3:6

N ti ɔ si i Nyanmiɛn, n ti Abraam, nin Izaak, nin Zakɔb be Nyanmiɛn.» Moiz kɛtɛli i nyrun, afin ɔ kwla nian-man Nyanmiɛn srɛ b'ɔ kun i'n ti.

Ezipt Lɔ Tulɛ'n 4:22

I blɛ sɔ nun'n, se i kɛ: ‹Ndɛ nga Anannganman kan'n yɛ: Izraɛl nvle'n ti kɛ min wa yasua sa, min wa yasua klikli nin-ɔn.

Ezipt Lɔ Tulɛ'n 40:34

I blɛ sɔ nun'n, sin wɛnsrɛn'n wa katali tannin sua nga Nyanmiɛn yi i wun nglo nun'n su. Anannganman i nyrun nyannyan'n deli tannin sua wunmuan'n .

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezai 12:2

Amun `nian, e Nyanmiɛn b'ɔ de ye'n yɛ, e lafi i su, ɔ man srɛ kun-man ye. Afin Anannganman yɛ ɔ man ye wunmiɛn-ɔn. I yɛ man e klun jɔ-ɔ, ɔ'a yo e defuɛ.»

Ezai 25:1

Anannganman, a ti min Nyanmiɛn, m ´manman wɔ, n ´to jue m bo flɛ wɔ. Afin a yoli abonuan sa mun. Like nga a buli be akunndan'n, bɔ a yoli be ɔ'a cɛ'n, be tɛ o lɛ, be ti cinnjinnjin.

Ezai 45:17

Sanngɛ Izraɛlfuɛ'm be liɛ'n, Anannganman yɛ ɔ de be-ɔ, be ´ka sɔ tititi. Be nyin su gua-man ase le, Be su wun-man nyannzuɛn le .

Ezai 49:6

Ɔ seli min kɛ: «Kɛ a ti min sufuɛ'n, bɔ min waan a man Zakɔb osu'n nunfuɛ'm be su'n, nan Izraɛlfuɛ nga bé nyin o su'n a `fa be sa bé sin'n, i sɔ'n ɔ ju-man. N ´yo man a ´kpaja nvle-nvle'm be nyrun, ɔ ti sran'm be ´nyan be ti lele ju asiɛ'n i awieliɛ'n, be ´wun delɛ bɔ n de sran'n .»

Ezai 66:1

Anannganman wan yoo: «Nyanmiɛn b'ɔ la nglo lɔ plaii'n ɔ ti min bia, yɛ asiɛ ɔ ti mín ja takatakawlɛ. ?Nzu sua cɛ yɛ amun kwla ´kplan man min-ɔn? ?Yɛ ninfan yɛ n ´tran n ´de wunmiɛn-ɔn ?

Zeremi 3:23

Sakpa, amuɛn nga be sɔ be kpɔlɛ'm be su lɔ'n, nin oka'm bé su'n i nganniɛn ng'ɔ gua e su wa'n ɔ ti ngbɛn. Sakpa Anannganman e Nyanmiɛn'n i kunngba i fanngan nun yɛ e kwla nyan é ti-ɔ.

Zeremi 31:33

Anannganman kɛn i ekun kɛ: «Aenguɛ nga cɛn wie e nin Izraɛl nvle'n e ´tra'n yɛ: n ´fa min mmla'n n ´wla be akunndan'n nun. Sɛ n ´kwla se'n, n ´fa klɛ be anwlɛn'n nun. N ´yo be Nyanmiɛn, be kusu be ´yo min sran.

Zeremi 32:38

Be ´yo min nvle, n kusu n ´yo be Nyanmiɛn.

Abakik 3:13

Ɔ sran'm be delɛ yɛ a ´tiatia kɔ blɛblɛ lɛ-ɔ. Ɔ famiɛn bɔ a fa sieli'n, i delɛ yɛ a su kɔ lɛ-ɔ. A ´kun klunwifuɛ'm be famiɛn'n, kpɛkuun a ´nunnun i bo mma'm be kwlaa kpan.

Zakari 13:9

Be sɔfuɛ mun'n n ´yi be nun fiɛn'n, n ´yo be kɛ sika ɔkwlɛ bɔ be klo i be yi i nun fiɛn'n sa. Kpɛkuun sɛ be flɛ min'n, n ´tɛ be su, n ´se kɛ: ‹Min sran yɛlɛ amun.› Be kusu be ´se kɛ: ‹Anannganman'n ti e Nyanmiɛn.› »

JÉSUS-CHRIST I DYASIN FE'N BO LUC KLELI'N 1:77

Wɔ yɛ man Nyanmiɛn sran'm be ´si kɛ kɛ ɔ yaci bé wun sa'n cɛ be'n b'a nyan bé ti-ɔ.

JÉSUS-CHRIST I DYASIN FE'N BO LUC KLELI'N 2:30

Afin m bɔbɔ m'an wun defuɛ'n bɔ a fa mannin ye'n nin min nyinma.

Jean 4:22

Amun Samarifuɛ mun'n, an si-man sran nga an koto i bo an mɛnmɛn i'n, sanngɛ e liɛ'n, e si sran nga e koto i bo e mɛnmɛn i'n, afin sran'm bé ti nyanlɛ'n fin Zuif mun.

Jean 5:23

nan sran'm be kwlaa be bu i sran kɛ be bu i Si sran'n sa. Sran ng'ɔ bu-mɛn i Wa'n sran'n, wuun ɔ bu-mɛn i Si b'ɔ sunmɛnnin i'n i sran.

Sa nga bé yôli'n 4:12

I kunngba cɛ yɛ ɔ kwla de sran-an yɛlɛ kɛ Nyanmiɛn a sie-man sran uflɛ fi mɛn'n nun wa bɔ i dunman nun e kwla fite nun-ɔn.»

2 Korɛntfuɛ Mun 5:19

Nyanmiɛn nin Krist be sran kun bɔ be ti'n ti'n, ɔ'a nian-man sa nga sran'm be yoli'n ti, ɔ yoli man mɛnmɛnfuɛ'm be kwlaa be nin i be afiɛn a sɛ. Yɛ ɔ fa afiɛn siesielɛ ndɛ sɔ'n wlali é sa nun.

Efɛzfuɛ Mun 2:22

Amun kusu, sran wunmuan bɔ amun nin i amu'an kaci'n ti'n, Nyanmiɛn Wawɛ'n i fanngan nun an ti sua bɔ Nyanmiɛn tran nun'n i yɛbuɛ'n wie.

Mmla'n 10:21

I yɛ ɔ ti bɔ amun `mɛnmɛn i-ɔ. Nyanmiɛn ng'ɔ yoli sa dandan'n, Nyanmiɛn ng'ɔ yoli sa sroesroe mun amun bɔbɔ amun nyrun'n, i-ɔ.

Filipfuɛ Mun 2:11

yɛ ɔ `fite be kwlaa bé nuan kɛ Jésus-Krist ti be Min, nan e Si Nyanmiɛn'n `nyan nyrun .

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

Kolɔsfuɛ Mun 2:9

Afin kɛ e wun Krist b'ɔ kacili sran'n, e wun wafa nga Nyanmiɛn ti'n i kwlaa.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !

Sa nglô yile 19:1

I sin n tili sran kpanngban kpa be nɛn nyanmiɛn su lɔ, be kpan kekle kpa, be seli kɛ: «An `manman Nyanmiɛn! E Nyanmiɛn'n de sran, ɔ ti nyannyannyan, yɛ ɔ kwla like'n kwlaa yo.

Jɔlɛ Difuɛ Mun 5:21

Kizɔn nzue ba'n bɔ nán andɛ sa yɛ ɔ sonji'n, ɔ fali be ɔli. Man n sin n nanti yasua su n wɔ ke!