Ezipt Lɔ Tulɛ'n 15:10 - NYANMIƐN NDƐ'N 1998

¹⁰ Sanngɛ wɔ Anannganman a fitali wɔ aunngban'n, kpɛkuun jenvie'n katali bé su kplu. Be mlɔnnin kɛ sunmun sa nzue sroesroe sɔ'n nun.

Ezipt Lɔ Tulɛ'n 15:10 ပူးပေါင်းရင်းမြစ်များ

Bo Bolɛ 8:1

Nyanmiɛn buli Noe nin nnɛn nga be wo i sin lɔ'n be kwlaa be akunndan. Ɔ man ɔ fitali aunngban kun asiɛ'n su kpɛkuun nzue'n su kan ase.

2 Samiɛl 18:8

Alɛ'n sali nvle wunmuan'n. Sran nga bo'n dili be'n be sɔnnin tra be nga be kunnin be tokofi nun'n.

Neemi 9:11

A kpɛli jenvie nun mannin be. Be nantili aunnyan siɛ'n su jenvie'n i afiɛn be sinnin. Yɛ be nga be su be su'n, a yoli man be mlɔnnin bunman'n nun kɛ yɛbuɛ bɔ b'a yi i nzue dan nun sa.

Jue Mun 135:7

ɔ yo man nyanmiɛn ble'n ɔ jaso nyanmiɛn'n b'ɔ la nglo lɔ plaii'n i bue kun lɔ ba. Ɔ yo man nyanmiɛn'n ɔ kpa sin man nzue tɔ, ɔ yo man aunngban'n ɔ fita.

Jue Mun 147:18

Kɛ ɔ ko uke i nuan'n sa'n, b'ɔ ko fitɛ i aunngban'n, wuun laglasi sɔ'n ɔ'a klo lalaa. Kpɛkuun laglasi'n b'ɔ kloli sɔ'n i nzue'n ɔ su sonji.

Ezipt Lɔ Tulɛ'n 14:21

Moiz tinngɛli i sa'n jenvie'n su. Anannganman yoli man aunngban dan kun b'ɔ fin wia afiliɛ lɔ'n fitali kɔnguɛ wunmuan'n nun. Ɔ suli nzue'n ɔli wa, ɔ suli ɔli wa, nan nzue'n i nun ɔ'a kpɛ, kpɛkuun i osu'n yoli wisiwisi.

Ezipt Lɔ Tulɛ'n 15:5

Be mlɔnnin nzue'n nun piɔɔ kpa kɛ yɛbuɛ wie mun sa, kpɛkuun nzue'n katali bé su sa kplu.

Nyanndra Mun 30:4

?Wan li cɛ yɛ ɔ'a fu Nyanmiɛn su lɔ bɔ ɔ'a ba-a ? ?Wan li cɛ yɛ ɔ'a fɛ i sa ɔ'a tra aunngban le-ɔ? ?Wan li cɛ yɛ ɔ'a fa nzue'n ɔ'a bo i tralɛ i nuan le-ɔ? ?Wan yɛ ɔ siesieli asiɛ'n i nuan su nin-ɔn? ?Sran sɔ'n be flɛ i sɛ? ?Be flɛ i wa'n sɛ? Sɛ a si i-ɔ, kan.

Ezai 11:15

Anannganman ´yo man Ezipt jenvie'n ɔ `wie nun. Ɔ ´tinngɛ i sa Efrata nzue ba'n su. Ɔ ´fita su kekle kpa fuu, Ɔ ´kpacikpaci nzue ba sɔ'n nun nso, kpɛkuun sran'm be ´nanti be ja be ´kpɛ.

Zeremi 10:13

I nuan b'ɔ ´uke sa'n, kpɛkuun nyanmiɛn su lɔ nzue'm b'a kan b'a bo nun. Nzue'n mlan dan kpa asiɛ'n i bue kun lɔ. Ɔ man nyanmiɛn'n kpa sin kpɛkuun nzue'n tɔ. Aunngban'n fin i finwlɛ nun fite.

Zeremi 46:17

Siɛn'n, nga be kan'n yɛlɛ kɛ: ‹Ezipt famiɛn'n yoli sɔ ngbɛn, ɔ'a kwla-man like fi yo.›

Amɔs 4:13

I yɛ ɔ yili oka mun nin aunngban nin-ɔn. Sa ng'ɔ wa yo'n, ɔ dun mmua bo su kle sran mun. Ɔ cɛn aliɛ yɛ ɔ san aliɛ. I dunman'n yɛlɛ Anannganman, b'ɔ ti mɛn wunmuan'n i Nyanmiɛn'n .»

Matthieu 8:27

Bé nuan boli bé wun, nan b'a usa be wiengu kɛ: «?Nzu sran yɛlɛ nga bɔ aunngban'n nin nzue'n bɔbɔ be sro i sɔ-ɔ?»

Mmla'n 11:4

Amun wunnin sa ng'ɔ fa yoli Ezipt sonja mun, nin be nnɛn kpanngɔ mun, ɔ nin be kakaklolo mun'n. Amun wunnin kɛ ɔ yoli man ndɛma jenvie ɔ katali be su, yɛ ɔ nunnunnin be i nun bɔ be fuan be'n.