Ezipt Lɔ Tulɛ'n 15:1 - NYANMIƐN NDƐ'N 1998

¹ Moiz nin Izraɛlfuɛ'm be toli jue ng'ɔ o yɛ'n be manmannin Anannganman: «N ´to jue m ´manman Anannganman, afin kwlalɛ nga ɔ'a kwla yɛ'n, ɔ lɛ-man wunsu. Ɔ toli nnɛn kpanngɔ'm be nin bé su fufuɛ mun yili jenvie'n nun lɔ.

Ezipt Lɔ Tulɛ'n 15:1 ပူးပေါင်းရင်းမြစ်များ

Neemi 9:11

A kpɛli jenvie nun mannin be. Be nantili aunnyan siɛ'n su jenvie'n i afiɛn be sinnin. Yɛ be nga be su be su'n, a yoli man be mlɔnnin bunman'n nun kɛ yɛbuɛ bɔ b'a yi i nzue dan nun sa.

Zɔb I Nyrɛnnɛn Wunlɛ 36:24

Nán ɔ́ wla fi i sa nuan ninnge'm be manmanlɛ'n. I sa nuan ninnge sɔ mun'n, sran kwlaa fa to jue.

Jue Mun 105:43

Kɛ ɔ ´yi i nvle'n nunfuɛ mun Ezipt lɔ fite'n, be klun'n jɔ-man blɛblɛ. Be b'ɔ kpali be sɔ'n, be klun b'ɔ jɔli'n ti b'a bo b'a sro-man ngowa.

Jue Mun 106:12

Blɛ li yɛ be wa fɛli i ndɛ'n su-ɔ, nan b'a to jue b'a mɛnmɛn i.

Jue Mun 107:15

Man be sɔfuɛ'm be bo flɛ Anannganman i klun-ufue nin sa dandan ng'ɔ yo man sran mun ti.

Jue Mun 107:8

Man be sɔfuɛ'm be bo flɛ Anannganman i klun-ufue'n nin sa dandan ng'ɔ yo man sran mun ti.

Jue Mun 32:7

A ti min fiawlɛ, a sasa min, ɔ man nyrɛnnɛn tɔ-man min su. Kɛ a de min'n, n klun ti jɔwa, yɛ wɔ man jue ngunmin yɛ n sro-ɔ.

Jue Mun 76:6

Safunyrɛn'm bɔ be lɛ-man anwlɛn ngowa'n, be lafili sa pɔɔ. Ɔ man be trali be. Sran waka-waka sɔ'm b'a kwla kpli-man bé ti.

Jue Mun 76:7

Zakɔb Nyanmiɛn, kɛ a kannin ndɛ kekle kleli nnɛn kpanngɔ mun nin bé su fufuɛ mun'n, be wuli be klun sa kuɛɛn .

Ezipt Lɔ Tulɛ'n 14:26

Anannganman seli Moiz kɛ: «Tinngɛ ɔ́ sa'n nzue'n su nan ɔ yi sin i osu'n nun man ɔ kata Eziptfuɛ'm be nin be kakaklolo mun, ɔ nin be nnɛn kpanngɔ su fufuɛ'm be su.»

Ezipt Lɔ Tulɛ'n 14:27

Yɛ Moiz tinngɛli i sa'n nzue'n su-ɔ. Aliɛ njɛnniɛn su'n, jenvie'n sɛli i sin yili i osu'n nun ekun. Kɛ Eziptfuɛ'm be ´wanndi'n, be ´wun be wun-ɔn, nzue'n nin be ti kun, nan Anannganman ɔ'a kan be ɔ'a guɛ i jenvie'n i afiɛn.

Ezipt Lɔ Tulɛ'n 15:21

Mari sɔ jue'n su kɛ: «Amun `to jue be `manman Anannganman, afin kwlalɛ ng'ɔ kwlali yɛ'n, kwlalɛ sɔ'n ɔ yoli dan sakpa. Ɔ toli nnɛn kpanngɔ nin bé su fufuɛ mun yili jenvie'n nun lɔ!»

Ezipt Lɔ Tulɛ'n 18:11

Siɛn liɛ'n, m'an si kɛ Anannganman ti dan tra amuɛn'm be kwlakwla. Ɔ yili i dan b'ɔ ti'n i nglo blɛ bɔ Eziptfuɛ'm be ´kle Izraɛlfuɛ'm be nyrɛnnɛn'n.»

Nyanndra Mun 29:6

Klunwifuɛ'n i sa ng'ɔ yo'n ɔ ti i bɔbɔ wun aya yɛ ɔ sua-a. Sran kpa'n kusu i klun jɔ lele bobo su.

Ezai 42:10

Amun `to jue uflɛ uflɛ kun fa manman Anannganman. Kɛ ɔ fɛ i asiɛ'n awieliɛ lɔ lele ba'n, amun nga bɔ amun wlan-wlan jenvie'n nyin su'n, amun nga bɔ amun klɔ'm be o jenvie'n su'n, amun nga bɔ amun tran jenvie nuan mmua mmua lɔ'n, amun `manman Anannganman.

Zeremi 51:21

I nnɛn kpanngɔ mun o, be su fufuɛ mun o, wɔ yɛ n fa wɔ n fa kpuke be nun-ɔn. I kakaklolo mun o, be nun fufuɛ mun o, wɔ yɛ n fa wɔ n fa kpuke be nun-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 2:17

Kpɛkuun n ´fɛ i vinyi fie mun `mɛn i ekun. N ´yo man Nyrɛnnɛn kongo'n ´kaci i wla ase gualɛ lika. Ɔ wa to jue su min su kɛ i talua nun'n sa. Ɔ ´su min su kɛ blɛ ng'ɔ fin Ezipt ´ba-a, ɔ fa suli min su'n sa .»

Abakik 3:18

sanngɛ n liɛ'n, n lɛ aklunjuɛ Anannganman dunman nun, kɛ Nyanmiɛn ti min defuɛ'n ti n lɛ aklunjuɛ .

Kalɛ 21:17

Kpɛkuun Izraɛlfuɛ'm be sroli jue ng'ɔ o yɛ'n: «Man nzue fin gbo'n nun ɔ nyrɛn fite wa, man be bo su ndɛ, be `to su jue!

Kolɔsfuɛ Mun 2:15

Krist i waka sɔ'n ti, Nyanmiɛn buli mmusu mun nin kpɛnngbɛn'm be kwlalɛ'n i bue, kɛ ɔ fa be yili i kwlalɛ'n nglo'n, ɔ man be wun be wafa nga be ti'n.

Sa nglô yile 15:3

Be to Moiz b'ɔ ti Nyanmiɛn i sran'n nin Bua Gbanflɛn'n be jue'n, be se kɛ: «Anannganman Nyanmiɛn wɔ bɔ a kwla like kwlaa yo'n, sa dandan nga a yo be'n, be ti abonuan! Nvle-nvle'm be Famiɛn, a ti nanwlɛfuɛ yɛ a yo sa i nuan su !