Ezipt Lɔ Tulɛ'n 14:7 - NYANMIƐN NDƐ'N 1998

⁷ Ɔ fali Ezipt kakaklolo'n i ngba yɛ ɔ fa ɔli-ɔ. Kakaklolo sɔ'm be nun ya nsiɛn be ti kpakpa dan. Kakaklolo'm be kwlaa'n, kun lɛ i su sran liɛ mun, kun lɛ i su sran liɛ mun.

Ezipt Lɔ Tulɛ'n 14:7 ပူးပေါင်းရင်းမြစ်များ

Bo Bolɛ 50:9

Kɛ Zozɛf ´kɔ'n, ɔ fali kakaklolo nin nnɛn kpanngɔ nga be cuɛn kakaklolo sɔ mun'n be su fufuɛ mun. Sran nga be ɔli'n be sɔnnin kpa.

Jue Mun 20:7

Siɛn'n m'an wun i kɛ Anannganman de famiɛn b'ɔ sieli i'n. Kɛ ɔ o nyanmiɛn su lɔ kan ɔ tran lɔ'n, ɔ tie i srɛlɛ'n yɛ ɔ tɛ i su. Ɔ tu i klun ukɛ i, ɔ de i.

Jue Mun 68:17

?Amun bɔ amun sɔ ninnge mun oka bɔ i ti'm be sɔnnin'n su'n, onin yɛlɛ amun nyin bɔ amun fa blo be nga be sɔ Anannganman i oka b'ɔ kloli i'n b'ɔ fɛli i kɛ ɔ ´fa yo i tranwlɛ'n i wun'n? Anannganman ´tran lɛ titi.

Ezipt Lɔ Tulɛ'n 14:23

Eziptfuɛ'm be suli bé su. Famiɛn'n i nnɛn kpanngɔ'm be kwlaa yɛ i kakaklolo tinngɛfuɛ'm be nin be alɛ kakaklolo mun, yɛ i nnɛn kpanngɔ su fufuɛ'm be wluli bé sin jenvie'n nun lɔ-ɔ.

Ezipt Lɔ Tulɛ'n 14:6

Famiɛn'n man be fɛli i nnɛn kpanngɔ be minndali i kakaklolo'n, ɔ yiali i sonja'm bé nuan, yɛ fuauun yɛ ɔ nin be ɔli-ɔ.

Ezipt Lɔ Tulɛ'n 14:8

Anannganman yoli man famiɛn'n i anwlɛn keteli, kɛ bɔ Izraɛlfuɛ'm be ´kɔ'n, be jasoli Ezipt lɔ kɛ b'a dun mmua b'a nyan be ti sa.

Ezipt Lɔ Tulɛ'n 15:4

Ɔ toli Ezipt famiɛn'n i alɛ kakaklolo mun nin i sonja kpakpa mun guali be jenvie'n nun.

Ezai 37:24

A sunmannin sran kɛ be wa kpɛ m bɔbɔ min Anannganman min nzowa. Yɛ a se kɛ: M bɔbɔ min Sankerib, min kakaklolo kpanngban'n, n fa n fuli oka'm bé su. N fa ɔli Liban mɛn'n i bo'n nun lɔ crɔcrɔcrɔ, n kpɛli sɛdri waka'm be nun ndɛnndɛn kpa mun, ɔ nin siprɛs waka'm be nun nglaannglaan kpa mun. N wɔli lele n juli Liban'n i oka nga be o mmua-mmua kpa'n bé wun lɔ, n fuli be su. N wɔli lele n wluli i bo mle kpa'm be nun.

Jɔlɛ Difuɛ Mun 4:15

Anannganman man Sizɛra nin i kakaklolo'm b'a nyan-man jranwlɛ, be wanndili Barak bo. Sizɛra fin i kakaklolo nun jrali nan ɔ'a wanndi i ja nun.

Jɔlɛ Difuɛ Mun 4:3

Izraɛlfuɛ'm be kpan flɛli Anannganman afin Sizɛra lɛ blalɛ kakaklolo ya ngwlan. Ɔ kleli Izraɛlfuɛ'm be nun afuɛ kɔe ablaɔn.