Ezipt Lɔ Tulɛ'n 14:4 - NYANMIƐN NDƐ'N 1998

⁴ N wa kete famiɛn'n i anwlɛn'n, ɔ wa su amun su. Min kwlalɛ bɔ n ´fa kwla famiɛn'n nin i alɛ kunfuɛ mun'n ti, sran'm be wa manman min. Kɛ ɔ ko yo sɔ'n, Eziptfuɛ'm be wa si kɛ min yɛ n ti Anannganman nin-ɔn.» Izraɛlfuɛ'm be yoli nga Moiz kan kleli be kɛ be yo'n.

Ezipt Lɔ Tulɛ'n 14:4 ပူးပေါင်းရင်းမြစ်များ

Neemi 9:10

A yili atrɛ sunman yɛ a yoli abonuan sa dandan Ezipt famiɛn'n, nin i mantanfuɛ mun, ɔ nin i mɛn nunfuɛ mun be ti, afin a wunnin kɛ be su yo e nannan'm be tɛtɛ. Ɔ dunman'n fuli, lele ndɛ ɔ tɛ fu.

Ezipt Lɔ Tulɛ'n 10:2

N ´yo i sɔ nan w'a kwla kan klelɛ nga n kleli Eziptfuɛ'm be nun'n ɔ nin abonuan sa nga n yoli be Ezipt mɛn'n nun'n w'a kle ɔ mma mun nin wɔ anunman mun'n ti. Kpɛkuun amun wa si kɛ min yɛ n ti Anannganman nin-ɔn.»

Ezipt Lɔ Tulɛ'n 10:27

Anannganman yoli man famiɛn'n keteli i anwlɛn'n, ɔ man i waan ɔ man-man be atin be kɔ-man.

Ezipt Lɔ Tulɛ'n 12:28

I sin be ɔli be ko yoli sa nga Anannganman'n kan kleli Moiz nin Aarɔn'n i kwlaa.

Ezipt Lɔ Tulɛ'n 14:23

Eziptfuɛ'm be suli bé su. Famiɛn'n i nnɛn kpanngɔ'm be kwlaa yɛ i kakaklolo tinngɛfuɛ'm be nin be alɛ kakaklolo mun, yɛ i nnɛn kpanngɔ su fufuɛ'm be wluli bé sin jenvie'n nun lɔ-ɔ.

Ezipt Lɔ Tulɛ'n 14:25

Be kakaklolo'm bé ja'm b'a kpɛ-man bé wun kun, be kɔ-ɔ, ɔ yo-man ye kun. Kpɛkuun Eziptfuɛ'm be kpannin be seli kɛ: «Amun man e wanndi Izraɛlfuɛ'm be nyrun, afin Anannganman b'ɔ o bé sin'n nin e su kun.»

Ezipt Lɔ Tulɛ'n 14:3

Famiɛn'n wa bu i kɛ wuun amun su wlan lika'n nun daan sa nan amun ´mlin aawlɛ flɛnnɛn'n nun.

Ezipt Lɔ Tulɛ'n 14:5

Kɛ Ezipt famiɛn'n tili i kɛ Izraɛlfuɛ'm b'a wanndi'n, ɔ nin i mantanfuɛ'm be akunndan'n kacili, be waan: «?Nguɛ sa li yɛ y'a yo i yɛ? ?Ɔ yo sɛ ti yɛ e yacili be lɛ be ɔli bɔ y'a tra-man be ase kɛ be yo e kanga-a?»

Ezipt Lɔ Tulɛ'n 14:8

Anannganman yoli man famiɛn'n i anwlɛn keteli, kɛ bɔ Izraɛlfuɛ'm be ´kɔ'n, be jasoli Ezipt lɔ kɛ b'a dun mmua b'a nyan be ti sa.

Ezipt Lɔ Tulɛ'n 18:11

Siɛn liɛ'n, m'an si kɛ Anannganman ti dan tra amuɛn'm be kwlakwla. Ɔ yili i dan b'ɔ ti'n i nglo blɛ bɔ Eziptfuɛ'm be ´kle Izraɛlfuɛ'm be nyrɛnnɛn'n.»

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezipt Lɔ Tulɛ'n 7:17

I sɔ'n ti Anannganman waan ɔ wa kle wɔ siɛn'n kɛ ɔ fa ti'n. Nian, n wa fa waka nga n fin Nil nzue'n i nyin su yɛ nzue'n wa kaci mmoja.

Ezipt Lɔ Tulɛ'n 7:3

Yɛ n kusu n wa kete Ezipt famiɛn i anwlɛn'n. N wa yo atrɛ ninnge nin abonuan sa mun kaka kpa i mɛn'n nun.

Ezipt Lɔ Tulɛ'n 7:5

N ´yi n tinmin'n i nglo n kle Eziptfuɛ mun. N ´fa Izraɛlfuɛ mun Eziptfuɛ'm be afiɛn n ´fite. Yɛ Eziptfuɛ'm be wa wun i wlɛ weiin kɛ min yɛ n ti Anannganman nin-ɔn.»

Ezipt Lɔ Tulɛ'n 9:16

Sanngɛ ɔ yacili wɔ lɛ kɛ ɔ ´yo nan w'a wun i tinmin'n, nan kusu i dunman'n ɔ'a fu asiɛ'n su'n ti .

Ezekiɛl 20:9

Sanngɛ kɛ ɔ ´yo nan min dunman'n ɔ'a saci-man be nga be nin be tran lɛ'm bé afiɛn'n ti'n, n guali min ya i ase. Afin be tili i kɛ n seli be kɛ n ´fa Izraɛlfuɛ'm be Ezipt lɔ n fite.

Ezekiɛl 28:22

Se kɛ Anannganman Nyanmiɛn wan yoo: ‹Sidɔn, e nin wɔ e lɛ i, min dunman'n ɔ wa fu wɔ afiɛn, yɛ blɛ bɔ n wa di n jɔlɛ'n, sran'm be wa si jrɛiin kɛ min yɛ n ti Anannganman nin-ɔn. N ´kle kɛ min nzuɛn'n nin klɔ sran liɛ'n ti-man kun.

Ezekiɛl 32:15

Kɛ n wa yo man like fi su tran-man Ezipt mɛn nun kun'n, blɛ bɔ n ´nunnun be nga be tran nun'n, be wa si jrɛiin kɛ min yɛ n ti Anannganman nin-ɔn.

Ezekiɛl 38:16

A wa kata min nvle Izraɛl'n i su kɛ aosin bɔ ɔ'a kata mɛn'n su'n sa. Gɔg, kɛ ɔ ´cɛ lele'n, n ´fa wɔ a ko tɔ min mɛn'n su kɛ ɔ ´yo nan nvle-nvle'm b'a si min'n ti, yɛ n fa wɔ n kle be kɛ min nzuɛn'n nin klɔ sran liɛ'n ti-man kun.»

Ezekiɛl 38:23

N wa yi min dan bɔ n ti nin min nzuɛn b'ɔ nin klɔ sran liɛ ti-man kun'n be nglo. N ´yi mín wun nglo nvle kpanngban be nyrun, yɛ be wa si jrɛiin kɛ min yɛ n ti Anannganman nin-ɔn.»

Ezekiɛl 39:13

Mɛn'n bɔ be o nun i nun sran'm be kwlaa be ´sie be yɛ be ´nyan su dunman blɛ bɔ n ´yi min nyrun bɔ n lɛ i'n i nglo'n. Min Anannganman Nyanmiɛn yɛ n kan sɔ-ɔ.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Rɔmfuɛ Mun 9:17

Afin e kɛnngɛn i Nyanmiɛn ndɛ nga be klɛli'n nun kɛ Nyanmiɛn seli Ezipt famiɛn kɛ: «N sieli wɔ famiɛn kɛ n ´fa wɔ n yi mín wun nglo kɛ n kwla sa'n kwlaa yo nan n dunman'n fu mɛn wunmuan'n nun.»

Rɔmfuɛ Mun 9:18

Ɔ man e si kɛ sran nga i waan ɔ ´yo i ye, ɔ yo i ye, yɛ sran nga i waan ɔ ´kete i'n, ɔ kete i.

Zozie 11:20

Afin Anannganman man mɛn sɔ nunfuɛ'm be waan san alɛ yɛ be nin Izraɛlfuɛ'm be ´kun-ɔn. I sɔ'n ti, Izraɛlfuɛ'm be kusu be kunnin be kwlakwla kɛ Anannganman fa kan kleli Moiz'n sa.

Jɔlɛ Difuɛ Mun 4:7

N wa cuɛn Zabɛn i alɛ kunfuɛ'm bé su kpɛnngbɛn Sizɛra, nin i kakaklolo mun, ɔ nin i alɛ kunfuɛ mun, n ´fa be m ´ba ɔ́ wun lɛ Kizɔn nzue ba'n i nuan lɛ. Yɛ n ´fa be m ´man wɔ.»›