Ezipt Lɔ Tulɛ'n 14:30 - NYANMIƐN NDƐ'N 1998

³⁰ Cɛn sɔ nun'n, Anannganman deli Izraɛlfuɛ mun Eziptfuɛ'm bé sa nun, yɛ Izraɛlfuɛ'm be wunnin Eziptfuɛ'm be fuɛn mun jenvie'n nuan lɛ.

Ezipt Lɔ Tulɛ'n 14:30 ပူးပေါင်းရင်းမြစ်များ

2 Be Nyoliɛ 32:22

Wafa nga Anannganman deli Ezekias nin Zerizalɛmfuɛ mun'n yɛ ɔ o lɛ-ɔ. Ɔ deli be Sankerib b'ɔ ti Asiri famiɛn'n nin be kpɔfuɛ kun nga mun bé sa nun. Yɛ ɔ sasali be be nga be sin yia be'n be lika.

Jue Mun 106:10

Ɔ deli be be kpɔfuɛ'm bé sa nun. Ɔ deli be be nga be nin be kun'n bé sa nun.

Jue Mun 106:8

Sanngɛ kɛ ɔ ´yo nan Anannganman ɔ'a nyan dunman'n ti, ɔ deli be. Ɔ deli be sɔ nan be ´si kɛ kannzu ɔ kwla sakpa.

Jue Mun 58:10

Man be yo kɛ waka kanngan bɔ be nian kaci-man susrɛ'n sa. Kannzɛ be tɛ yo mɔnnɛn o, annzɛ sɛ b'a wu kee o, ɔ ti-man sa, aunngban dan'n ɔ fita be kɔ.

Jue Mun 59:10

Wɔ yɛ a man min wunmiɛn-ɔn, ɔ nyrun yɛ mín nyin ta-a. Wɔ Nyanmiɛn'n, wɔ yɛ a ti min fiawlɛ sua-a.

Jue Mun 91:8

Ɔli sie ɔ́ nyin ase diin nan nian, a wa wun kɛ Nyanmiɛn fa tannin klunwifuɛ'm be kalɛ ju'n.

Ezipt Lɔ Tulɛ'n 14:13

Moiz tɛli bé su kɛ: «Nán srɛ kun amun. Amun `jran kan amun o lɛ'n, an wa wun wafa nga Anannganman wa fa de amun ndɛ'n. Afin Eziptfuɛ nga amun wun be ndɛ yɛ'n, amun su wun-man be kun mlɔnmlɔn.

Ezai 63:11

Yɛ i nvle nunfuɛ'm bé wla kpɛnnin laa blɛ'n nin Moiz be su-ɔ. Be waan: «?Sran ng'ɔ fɛli i nvle'n nunfuɛ mun nin be sunianfuɛ mun jenvie'n nun fiteli'n, ɔ o nin? ?Sran ng'ɔ fɛli i Wawɛ'n sieli be afiɛn'n, ɔ o nin?

Ezai 63:8

Ɔ seli kɛ: «Be ti min nvle'n nunfuɛ mun, be ti ba bɔ be kpɛ-man gblɛ.» Ɔ yoli be defuɛ.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Ndɛ Nga Nyanmiɛn I Nuan Ijɔfuɛ Oze Kannin'n 1:7

Sanngɛ n wa si Zidafuɛ'm be aunnvuɛ. M bɔbɔ min Anannganman bɔ n ti be Nyanmiɛn'n n ´de be. Delɛ nga n ´de be'n, nán ta nin tokofi, nin alɛ kunlɛ, nin nnɛn kpanngɔ mun, ɔ nin nnɛn kpanngɔ su fufuɛ mun yɛ n ´fa de be-ɔ .»

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Jude 1:5

Ndɛ nga m ma kɛn i lɛ'n, an si i kpa, sanngɛ m ´bo su ekun. E Min Nyanmiɛn deli Izraɛlfuɛ mun Ezipt lɔ, sanngɛ i sin'n, be nga b'a lafi-mɛn i su kun'n, ɔ nunnunnin be.

Jɔlɛ Difuɛ Mun 10:11

Anannganman seli Izraɛlfuɛ'm be kɛ: «?I nun bɔ Eziptfuɛ mun, nin Amɔrfuɛ mun, nin Amɔnfuɛ mun, nin Filistifuɛ mun,

1 Samiɛl 11:13

Yɛ Sail waan: «Delɛ dan nga Anannganman ɔ'a de Izraɛlfuɛ mun ndɛ yɛ'n ti, be su kun-man sran fi wa andɛ.»

1 Samiɛl 14:23

Kɛ Anannganman man Izraɛlfuɛ'm be kwlali le kun sɔ'n nun sa. Be kunnin alɛ'n lele be kpɛli Bɛt-Avɛn klɔ'n.