Ezipt Lɔ Tulɛ'n 14:12 - NYANMIƐN NDƐ'N 1998

¹² ?Nán ndɛ nga yɛ e kan kleli wɔ Ezipt lɔ nin-ɔn? ?Y'a se-man wɔ kɛ a yaci e lɛ nan e yo Eziptfuɛ'm be kanga, nan kɛ e ko wu aawlɛ flɛnnɛn'n nun lɔ'n, ɔ flunman kɛ e su Eziptfuɛ mun?»

Ezipt Lɔ Tulɛ'n 14:12 ပူးပေါင်းရင်းမြစ်များ

Jue Mun 106:7

Atrɛ nga a yili be Ezipt lɔ'n, é si'm b'a wun-mɛn i wlɛ. Ye dandan nga a yoli be'n, bé wla ɔ'a kpɛn-man su. Be yoli nyin kekle Ndɛma jenvie'n i nuan lɔ.

Ezipt Lɔ Tulɛ'n 13:17

Kɛ Ezipt famiɛn'n yacili Izraɛlfuɛ'm be nun kɛ be wɔ'n, Nyanmiɛn ɔ'a fa-man be ɔ'a sin-man Filistifuɛ'm be mɛn'n i atin'n su, sanngɛ atin sɔ'n yɛ ɔ ti koko-ɔ. Nyanmiɛn seli i klun lɔ kɛ: «Sɛ be ko tɔ alɛ nun nan srɛ kun be'n, be ´sa bé sin Ezipt lɔ.»

Ezipt Lɔ Tulɛ'n 3:9

N tili Izraɛlfuɛ'm be kpanlɛ'n b'ɔ toli min wa'n, kpɛkuun n wunnin wafa nga Eziptfuɛ'm be fa yo be tɛtɛ'n.

Ezipt Lɔ Tulɛ'n 5:21

Yɛ be seli be kɛ: «Man Nyanmiɛn wun nga amun yoli i lɛ'n, nan ɔ `bu amun fɔ. Amun ti'n, famiɛn'n nin i mantanfuɛ'm b'a kpɔ ye. Amu'an man be tokofi kɛ be fa kun ye.»

Ezipt Lɔ Tulɛ'n 6:9

Moiz ko kannin ndɛ sɔ mun kleli Izraɛlfuɛ mun, sanngɛ afɛ b'ɔ o bé su'n ti'n, kanga junman dilɛ'n ti'n, b'a sie-man bé su i bo.

Ndɛ Nga Nyanmiɛn I Nuan Ijɔfuɛ Oze Kannin'n 4:17

Efraimfuɛ'm b'a fa amuɛn sɔlɛ'n b'a cici bé ti. Yaci be lɛ!

Zonas 4:3

Nga kwlaa ti kpɛ kpo kun min kpɛkun. Kɛ n ko tran nguan nun'n, ɔ flunman kɛ n wu .»

Zonas 4:8

Wia'n fili, Anannganman man aunngban wie fitali. Aunngban sɔ'n fin wia afiliɛ lɔ, i sɔ'n ti ɔ lo kɛ sin sa. Wia sɔ'n boli Zonas kekle kpa. Ɔ ka kaan nan i nyrun ɔ'a ´blu. Yɛ Zonas waan: «Kɛ n ko tran nguan nun'n, ɔ flunman kɛ n `wu!»

Marc 1:24

ɔ kpan se kɛ: «?Jésus bɔ a fin Nazarɛt, nguɛ sa yɛ ɔ o e nin wɔ ye afiɛn-ɔn? A bali e nunnunlɛ. N si wɔ kpa, a ti Nyanmiɛn i Sran.»

Marc 5:7

ɔ kpannin kekle kpa kɛ: «?Jésus, Nyanmiɛn bɔ like fi nun-mɛn i sin'n i Wa, nguɛ ndɛ yɛ ɔ o min nin wɔ ye afiɛn-ɔn? N ´srɛ wɔ, nian Nyanmiɛn'n ti, nán kle n yalɛ.»