Ezipt Lɔ Tulɛ'n 14:11 - NYANMIƐN NDƐ'N 1998

¹¹ Yɛ be seli Moiz kɛ: «?Asieliɛ nun-man Ezipt lɔ-ɔ? ?Nzu ti yɛ a fali ye bali aawlɛ flɛnnɛn'n nun wa kɛ e wa wu-ɔ? ?Nzu like yɛlɛ nga a yoli e yɛ'n, bɔ a fali e Ezipt lɔ bali-ɔ?

Ezipt Lɔ Tulɛ'n 14:11 ပူးပေါင်းရင်းမြစ်များ

Bo Bolɛ 43:6

Izraɛl kusu usali be kɛ: «?Sanngɛ nguɛ ti yɛ an yoli min tɛ sɔ bɔ an seli bian sɔ'n kɛ an lɛ niaan uflɛ wa nin-ɔn?»

Ezipt Lɔ Tulɛ'n 13:17

Kɛ Ezipt famiɛn'n yacili Izraɛlfuɛ'm be nun kɛ be wɔ'n, Nyanmiɛn ɔ'a fa-man be ɔ'a sin-man Filistifuɛ'm be mɛn'n i atin'n su, sanngɛ atin sɔ'n yɛ ɔ ti koko-ɔ. Nyanmiɛn seli i klun lɔ kɛ: «Sɛ be ko tɔ alɛ nun nan srɛ kun be'n, be ´sa bé sin Ezipt lɔ.»

Ezipt Lɔ Tulɛ'n 32:1

Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Ezipt Lɔ Tulɛ'n 5:21

Yɛ be seli be kɛ: «Man Nyanmiɛn wun nga amun yoli i lɛ'n, nan ɔ `bu amun fɔ. Amun ti'n, famiɛn'n nin i mantanfuɛ'm b'a kpɔ ye. Amu'an man be tokofi kɛ be fa kun ye.»

Ezipt Lɔ Tulɛ'n 5:22

Moiz sɛli i sin Anannganman wun lɔ, ɔ ko seli i kɛ: «?Ee Anannganman, ɔ yo sɛ ti yɛ a yo sran nga'm be tɛ nin-ɔn? ?Ɔ yo sɛ ti yɛ a sunmannin min-ɔn?

Kalɛ 11:1

Cɛn kun Izraɛlfuɛ'm be ijɔli Nyanmiɛn tɛtɛ kpa. Kɛ Anannganman tili i sɔ'n, ɔ fali ya nan sin ɔ'a nunnun ngblaliɛ'n i bue kun.

Kalɛ 11:15

Sɛ ɔ waan a ´yo min sɔ'n, wuun kun min kpɛkun. Kɛ ɔ ko yo sɔ'n, wuun ndɛ ti a kpɛ, wuun w'a yo min ye, kpɛkuun n su wun-man min nyrun kun.»

Kalɛ 14:22

Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,