Ezipt Lɔ Tulɛ'n 13:7 - NYANMIƐN NDƐ'N 1998

⁷ Cɛn sɔ'm be nun, nán amun di kpaun bɔ kpaun ayre o nun'n. Nán be wun kpaun bɔ kpaun ayre o nun'n annzɛ kpaun ayre amun awlo'm be nun mɛn wunmuan'n nun.

Ezipt Lɔ Tulɛ'n 13:7 ပူးပေါင်းရင်းမြစ်များ

Ezipt Lɔ Tulɛ'n 12:15

Anannganman waan: «Amun `di kpaun nga b'a gua-man nun kpaun ayre lele le nso. Kɛ ɔ bo i bo cɛn klikli'n su'n, nán be wun kpaun ayre amún sua'm be nun kun. Kɛ ɔ fɛ i cɛn klikli'n su b'ɔ fa ju cɛn nso su'n, sɛ sran kun di kpaun bɔ kpaun ayre o nun'n, be `fuɛn i Izraɛlfuɛ'm be afiɛn.

Ezipt Lɔ Tulɛ'n 12:19

Nán man be wun kpaun ayre amún sua'm be nun sɔ lele cɛn ba nso. Sɛ sran kun, aofuɛ annzɛ kusu Izraɛlfuɛ kun ng'ɔ di kpaun nga kpaun ayre o nun'n, be `fuɛn i Izraɛl nvle'n nun .

Matthieu 16:6

Jésus seli be kɛ: «An `nian amún wun kpa Farizifuɛ mun nin Sadisefuɛ'm be kpaun ayre'n i lika.»

1 Korɛntfuɛ Mun 5:8

Man e di cɛn sɔ'n, sanngɛ kpaun bɔ ayre laa'n wo nun b'ɔ kle klunwi'n nin sa tɛ yolɛ'n, nán man e fa di. Sanngɛ man e fa kpaun bɔ b'a gua-man nun kpaun ayre'n e fa di, i yɛ ɔ kle kpa yolɛ nin nanwlɛ dilɛ nin-ɔn .

Mmla'n 16:4

Cɛn ba nso ng'ɔ o lɛ'n be nun'n, nán be wun kpaun ayre amun mɛn wunmuan'n nun. Nnɛn nga kusu bɔ amun kun i cɛn klikli'n i nnɔsua'n, nán man aliɛ cɛn su.

Zozie 5:11

Kɛ aliɛ cɛnnin'n, be dili Kanaan mɛn'n nun lɔ like, ɔ nin kpaun bɔ b'a gua-man nun kpaun ayre'n, yɛ be nyintɔnnin ble mma be dili.