Ezipt Lɔ Tulɛ'n 13:3 - NYANMIƐN NDƐ'N 1998

³ Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 13:3 ပူးပေါင်းရင်းမြစ်များ

Bo Bolɛ 15:16

Wɔ anunman siansian mun yɛ be ´ba wa-a, afin Amɔrfuɛ'm bé sa tɛ bɔ be yo'n ɔ nian bobo-man su bɔ man n ´fuan be-ɔ.»

1 Be Nyoliɛ 16:12

Nyanmiɛn sufuɛ Izraɛl i osu'n nunfuɛ mun, Zakɔb i mma mun, amun bɔ Nyanmiɛn'n kpali amun'n, man amún wla kpɛn abonuan sa nga Anannganman yoli mun nin i atrɛ ng'ɔ yili mun, ɔ nin jɔlɛ ng'ɔ dili'n be'n be su.

Neemi 1:10

Be ti ɔ sufuɛ mun, be ti ɔ nvle i nunfuɛ mun. Ɔ kwlalɛ bɔ a kwla'n ɔ nin ɔ tinmin dan'n yɛ man a deli be-ɔ.

Neemi 9:10

A yili atrɛ sunman yɛ a yoli abonuan sa dandan Ezipt famiɛn'n, nin i mantanfuɛ mun, ɔ nin i mɛn nunfuɛ mun be ti, afin a wunnin kɛ be su yo e nannan'm be tɛtɛ. Ɔ dunman'n fuli, lele ndɛ ɔ tɛ fu.

Jue Mun 105:5

Anannganman i sufuɛ Abraam i osu nunfuɛ mun, Zakɔb i osu nunfuɛ b'ɔ kpali amun'n, man amún wla kpɛn sa nyɛnmɛn-nyɛnmɛn ng'ɔ yoli be'n be su. Man amun wla kpɛn abonuan sa ng'ɔ yoli be'n, ɔ nin jɔlɛ ng'ɔ dili be'n be su.

Jue Mun 114:1

Kɛ ɔ fin cɛn bɔ Izraɛlfuɛ'm be tuli Ezipt lɔ, kɛ ɔ fin cɛn bɔ Zakɔb i osu'n nunfuɛ'm be jasoli sran bɔ be aniɛn ti i ngunmin'n be afiɛn'n,

Jue Mun 136:11

Kpɛkuun ɔ yili Izraɛlfuɛ mun be afiɛn fiteli, afin i klun-ufue'n wo lɛ tititi.

Jue Mun 136:12

I lɛ nun'n, ɔ yili i wunmiɛn dan'n i nglo, afin i klun-ufue'n wo lɛ tititi.

Jue Mun 89:14

A lɛ wunmiɛn, a kwla, a man ɔ sa fama'n su nglo .

Ezipt Lɔ Tulɛ'n 12:15

Anannganman waan: «Amun `di kpaun nga b'a gua-man nun kpaun ayre lele le nso. Kɛ ɔ bo i bo cɛn klikli'n su'n, nán be wun kpaun ayre amún sua'm be nun kun. Kɛ ɔ fɛ i cɛn klikli'n su b'ɔ fa ju cɛn nso su'n, sɛ sran kun di kpaun bɔ kpaun ayre o nun'n, be `fuɛn i Izraɛlfuɛ'm be afiɛn.

Ezipt Lɔ Tulɛ'n 12:17

Amun `di kpaun bɔ kpaun ayre nun-man nun'n i cɛn'n, nan amún wla `kpɛn cɛn bɔ min man amun tuli Ezipt lɔ'n su. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi be `fa kpɛn amún wun wla. Ɔ ti mmla kun bɔ be kwla kaci-mɛn i.

Ezipt Lɔ Tulɛ'n 12:19

Nán man be wun kpaun ayre amún sua'm be nun sɔ lele cɛn ba nso. Sɛ sran kun, aofuɛ annzɛ kusu Izraɛlfuɛ kun ng'ɔ di kpaun nga kpaun ayre o nun'n, be `fuɛn i Izraɛl nvle'n nun .

Ezipt Lɔ Tulɛ'n 12:2

«Anglo ng'ɔ o yɛ'n, ɔ wa yo amun afuɛ nuan'n i bo bolɛ anglo, ɔ ´yo amun afuɛ nuan'n i nun anglo'm be klikli'n.

Ezipt Lɔ Tulɛ'n 12:41

Kɛ afuɛ ya nnan afuɛ ablasan'n wieli'n, cɛn kasiɛn'n su sɛsɛ'n, Anannganman i sran'm be tuli Ezipt lɔ. Be ´kɔ'n, be lɔngɔ su sɛsɛsɛ kɛ sonja mun sa.

Ezipt Lɔ Tulɛ'n 12:42

Kɛ Anannganman niannin Izraɛlfuɛ'm be su kɔnguɛ sɔ'n nun'n b'ɔ fali be Ezipt lɔ fiteli'n, i ti, afuɛ kwlaa nun'n, kɛ kɔnguɛ sɔ'n i blɛ'n ko ju'n, Izraɛlfuɛ'm be nian su be fa di cɛn be man Anannganman, afin ɔ ti i liɛ klonglo.

Ezipt Lɔ Tulɛ'n 12:8

Amun `wlɛ nnɛn sɔ'n sin su, kpɛkuun kɔnguɛ amun `di i nin kpaun bɔ kpaun ayre nun-man nun'n nin ijre wiwi mun.

Ezipt Lɔ Tulɛ'n 13:14

Sɛ cɛn kun amun mma'm be usa amun kɛ: ‹?Ɔ yo sɛ ti yɛ be yo sa nga-a?› Amun `tɛ bé su kɛ: ‹Anannganman i tinmin bɔ be jrɛn i nyrun-ɔn, ɔ yo-man ye'n ti ɔ fali e Ezipt lɔ bali. Kɛ ɔ ´yo sɔ'n, wuun e o kanga nun.

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 20:8

Man ɔ́ wla kpɛn wunmiɛn-delɛ-cɛn'n su, man ɔ yo min liɛ klonglo.

Ezipt Lɔ Tulɛ'n 23:15

Cɛn klikli ng'ɔ fata kɛ amun di'n yɛlɛ kpaun bɔ b'a gua-man nun kpaun ayre'n i cɛn'n. Afin anglo sɔ'n nun yɛ an jasoli Ezipt lɔ-ɔ. Anglo nga be flɛ i Abib'n nun'n, amun `di cɛn sɔ'n lele cɛn ba nso kɛ n seli amun kɛ an fa yo'n sa. Nán amun fa amún sa ngbɛn bla min lika saun'n nun.

Ezipt Lɔ Tulɛ'n 3:20

I ti'n, m ´ba yasua su Eziptfuɛ'm be afiɛn, kpɛkuun n ´fa abonuan sa nga n ´yo be'n n ´fa kle be nyrɛnnɛn. I sin famiɛn'n ´yaci amun nun amun ´kɔ.

Ezipt Lɔ Tulɛ'n 34:18

Amun `di kpaun bɔ kpaun ayre nun-man nun'n i cɛn'n. Amun `di i cɛn ba nso Abib anglo'n nun. Afin anglo sɔ'n nun yɛ amun tuli Ezipt lɔ-ɔ. Amun `di kpaun nga kpaun ayre nun-man nun'n kɛ n kan kleli amun kɛ amun `di'n sa.

Ezipt Lɔ Tulɛ'n 6:1

Anannganman seli Moiz kɛ: «Blɛ li yɛ a wa wun like nga n wa fa yo Ezipt famiɛn nin-ɔn. N wa miɛn i kɛ ɔ `yaci Izraɛlfuɛ'm be nun man be wɔ. Kɛ n wa miɛn i'n, ɔ wa kan bé bo kɛ be jaso i mɛn'n nun bɔbɔ.»

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezipt Lɔ Tulɛ'n 7:4

Famiɛn'n su sie-mɛn i su amún nuan bo. N wa yi min tinmin'n i nglo n ´fa kle Ezipt mɛn'n, n ´tu i nunfuɛ'm be fɔ. Kpɛkuun n ´fa Izraɛl b'ɔ ti min nvle'n n ´fa jaso Ezipt mɛn'n nun. Izraɛlfuɛ'm be ´kɔ nyanman su sɛsɛsɛ kɛ sonja mun sa.

Zeremi 34:13

«Min Anannganman'n bɔ n ti Izraɛl Nyanmiɛn'n min wan yoo: ‹Kɛ n ´fa amun nannan mun Ezipt lɔ kan be yoli afanniɛn lɔ'n m ´ba'n, e nin be e nuan sɛli é wun

Daniɛl 9:15

E Min e Nyanmiɛn, wɔ tinmin'n bɔ be jrɛn i nyrun-ɔn ɔ yo-man ye'n ti, a fali ɔ nvle'n nunfuɛ mun Ezipt mɛn'n nun lɔ bali, ɔ man ɔ dunman'n fuli, yɛ kɛ e ´se yɛ'n ɔ tɛ fu. Sanngɛ é nyin a yi-man wɔ, e fɔnnin.

Matthieu 10:12

Kɛ an wlu awlo sɔ nun'n, an `yo like se kɛ: ‹Man alaje'n tran awlo nga nun.›

JÉSUS-CHRIST I DYASIN FE'N BO LUC KLELI'N 22:19

I sin ɔ fali kpaun, kɛ ɔ lali Nyanmiɛn ase'n, ɔ bubuli nun fa mannin be, ɔ seli kɛ: «Kpaun ng'ɔ o yɛ'n ti min wunnɛn i nzɔliɛ, [amun ti yɛ n su fa man-an. An `yo i kɛ nga n ´yo i yɛ'n sa, man amún wla kpɛn n su.»

1 Korɛntfuɛ Mun 11:24

kɛ ɔ lali Nyanmiɛn ase'n, ɔ bubuli nun, ɔ seli kɛ: «Kpaun ng'ɔ o yɛ'n ti min wunnɛn, ɔ ti amun liɛ. An `yo i kɛ nga n yo i yɛ'n sa, man amún wla kpɛn n su.»

1 Korɛntfuɛ Mun 5:8

Man e di cɛn sɔ'n, sanngɛ kpaun bɔ ayre laa'n wo nun b'ɔ kle klunwi'n nin sa tɛ yolɛ'n, nán man e fa di. Sanngɛ man e fa kpaun bɔ b'a gua-man nun kpaun ayre'n e fa di, i yɛ ɔ kle kpa yolɛ nin nanwlɛ dilɛ nin-ɔn .

Efɛzfuɛ Mun 1:19

Yɛ n srɛ i ekun kɛ an si i kwlalɛ dan b'ɔ lɛ-man wunsu b'ɔ yi i nglo kle e bɔ e lafili i su'n. I kwlalɛ kunngba sɔ'n

Mmla'n 13:10

Amun `finfin i sɔ sran'm be yɛbuɛ be `kun be. Sran nga be lɛkɛ i'n yɛ ɔ dun mmua fin be yɛbuɛ-ɔ, yɛ sran'm be nian su finfin be wie kun be.

Mmla'n 13:11

Amun `fin be yɛbuɛ kun be, afin be waan amun kaci amun sin si Anannganman amun Nyanmiɛn'n b'ɔ yili amun kanga nun Ezipt mɛn'n nun lɔ bali'n.

Mmla'n 13:5

Anannganman amun Nyanmiɛn'n yɛ amun `su i-ɔ. Amun nyin `yi i, amun `fɛ i mmla'm bé su, amun `tie i aniɛn'n, amun `su i, yɛ amun `fa amún wun mɛntɛn i kpa.

Mmla'n 13:6

Sran nga i waan ɔ ti Nyanmiɛn nuan ijɔfuɛ sɔ'n, annzɛ i ti wun ase'n, man be kun i. Afin Anannganman amun Nyanmiɛn b'ɔ ko yili amun kanga nun Ezipt mɛn'n nun lɔ'n, sran sɔ i waan amun jaso i wun. I waan amun yaci Anannganman amun Nyanmiɛn'n i atin ng'ɔ kleli amun kɛ an fa su'n. I sɔ'n ti, sɛ be kun i'n, sa tɛ'n ´tu amun afiɛn.

Mmla'n 15:15

Nán amún wla fi kɛ laa amun ti kanga Ezipt mɛn'n nun lɔ yɛ Anannganman amun Nyanmiɛn'n kpɔli amún ti-ɔ. I sɔ'n ti yɛ n fa ndɛ nga n fa sie amun nyrun ndɛkɛn nin-ɔn.

Mmla'n 16:1

Kɛ Abib anglo'n ju'n, amun `di Delɛ-cɛn'n amun `fa manman Anannganman amun Nyanmiɛn'n. Afin Abib anglo'n i kɔnguɛ kun nun yɛ amun Nyanmiɛn'n fali amun Ezipt lɔ bali-ɔ.

Mmla'n 16:12

Nán amún wla fi su kɛ laa amun ti kanga Ezipt lɔ. Amun `fa mmla nga be `sie, yɛ amun `nian su be nanti.

Mmla'n 16:3

Nán amun fa kpaun nga be fali kpaun ayre wlali nun'n be di cɛn sɔ'n. Amun `di i nin kpaun nga kpaun ayre nun-man nun'n. Ɔ ti amun ndawlɛ kpaun. Amun `di i sɔ cɛn ba nso. Afin kɛ amun ´fin Ezipt mɛn'n nun lɔ amun ´ba'n, ɔ yoli kplilɛ su. Amun `di i sɔ nan amún wla kpɛn su kɛ amun fin Ezipt mɛn'n nun lɔ bali cɛn kun.

Mmla'n 24:18

Nán amún wla fi kɛ amun yoli kanga Ezipt lɔ yɛ Anannganman deli amún-ɔn. I sɔ'n ti yɛ n fa mmla nga man amun kɛ amun nian su amun nanti nin-ɔn.

Mmla'n 24:22

Nán amún wla fi kɛ amun yoli kanga Ezipt mɛn'n nun lɔ. I sɔ'n ti yɛ n fa mmla nga man amun kɛ amun nian su amun nanti nin-ɔn.

Mmla'n 26:8

Ɔ man Anannganman fali e Ezipt lɔ bali. Ɔ ´fa e ´ba'n, sran fi ɔ'a kwla jrɛn-mɛn i nyrun. Ɔ yoli sa sroesroe mun. Ɔ yoli abonuan sa mun. Ɔ yili atrɛ mun.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.

Mmla'n 5:6

«N ti Anannganman ɔ Nyanmiɛn'n. Min yɛ man a tuli Ezipt lɔ blɛ bɔ a tɛ o kanga nun nin-ɔn.

Mmla'n 6:12

Sanngɛ amun `nian amún wun kpa, nán amún wla fi Anannganman su. Afin i yɛ ɔ yili amun kanga'n nun fiteli Ezipt mɛn'n nun lɔ-ɔ.

Mmla'n 6:21

Amun `tɛ bé su kɛ: «E yoli Ezipt famiɛn'n i kanga, yɛ Anannganman i tinmin bɔ be jrɛn i nyrun-ɔn ɔ yo-man ye'n ti, ɔ fali e Ezipt lɔ bali.

Mmla'n 7:8

Sanngɛ kɛ Anannganman klo amun'n ti'n, yɛ aenguɛ ng'ɔ nin amun nannan'm be trali'n i su bɔ i waan ɔ ´nian'n ti, ɔ yili amun Ezipt lɔ fiteli. Kɛ ɔ ´yo sɔ'n, wuun amun wo kanga nun, i tinmin bɔ be jrɛn i nyrun ɔ yo-man ye'n ti, ɔ deli amun Ezipt famiɛn'n i sa nun.

Mmla'n 8:14

amun `nian amun wun, nán amun tu amún wun. Nán amún wla fi Anannganman amun Nyanmiɛn'n b'ɔ fali amun kanga nun Ezipt lɔ bali'n.

Mmla'n 9:12

Ɔ seli min kɛ: «Jaso, kan ɔ́ wun jra, afin ɔ sran nga a fa be Ezipt lɔ bali'n, b'a yo sa tɛ dan. B'a yaci atin nga n kleli be'n lɛ lalaa, b'a klo sika ɔkwlɛ b'a yo amuɛn.»

Zozie 24:17

Anannganman e Nyanmiɛn'n yɛ ɔ toli e nin é si mun e ti Eziptfuɛ'm bé sa nun-ɔn. Ɔ yili atrɛ dandan mun e bɔbɔ e nyrun, ɔ sasali ye atin wunmuan'n nun. Ɔ sasali e nvle nga e sinnin nun e bali'n be lika.

Jɔlɛ Difuɛ Mun 2:12

Anannganman b'ɔ ti bé nannan'm be Nyanmiɛn'n, bɔ i yɛ ɔ fali be Ezipt lɔ bali'n, be yacili i lɛ be ɔli nvle nga be o bé wun lɛ'n nun, be ko tuli be amuɛn mun, be kotoli bé bo. Ɔ man Anannganman fali ya.

Jɔlɛ Difuɛ Mun 6:8

yɛ Anannganman sunmannin i nuan ijɔfuɛ kun Izraɛlfuɛ'm be wun lɔ-ɔ. Nyanmiɛn nuan ijɔfuɛ'n seli kɛ: «Anannganman b'ɔ ti Izraɛl Nyanmiɛn'n i wan yoo: ‹Min fanngan nun yɛ man amun fin Ezipt kan amun yoli kanga lɔ'n bali-ɔ.