Ezipt Lɔ Tulɛ'n 13:18 - NYANMIƐN NDƐ'N 1998

¹⁸ I sɔ'n ti yɛ ɔ fali be sinnin atin klɛklɛ wie b'ɔ o aawlɛ flɛnnɛn'n nun lɔ'n su nin-ɔn. Atin sɔ'n kɔ ndɛma jenvie'n su lɔ'n. Kɛ Izraɛlfuɛ'm be ´jaso Ezipt lɔ'n, be siesieli bé wun alɛ kunlɛ'n ti.

Ezipt Lɔ Tulɛ'n 13:18 ပူးပေါင်းရင်းမြစ်များ

Bo Bolɛ 50:25

Zozɛf seli i niaan'm be kɛ: «N si kɛ Nyanmiɛn ɔ ´uka amun. An `ta min nda kɛ sɛ an ´kɔ'n, an ´tu min owie'n be ´fa kɔ .»

Jue Mun 107:7

Ɔ fali be sinnin atin trele wie su kɛ ɔ ´yo nan b'a ko fite klɔ bɔ sran tran su'n i su'n ti.

Jue Mun 136:16

Ɔ fɛli i nvle'n nunfuɛ mun sinnin aawlɛ flɛnnɛn'n nun lɔ, afin i klun-ufue'n wo lɛ tititi.

Jue Mun 68:8

Nyanmiɛn, kɛ a dunnin mmua ɔ sran'm be nyrun'n, kɛ a nantili aawlɛ flɛnnɛn'n nun lɔ'n,

Ezipt Lɔ Tulɛ'n 12:51

Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Ezipt Lɔ Tulɛ'n 14:2

«Kan kle Izraɛlfuɛ'm be kɛ be sa bé sin nan be wa kpɛ be ngblaliɛ klɔ nga be flɛ i Pi-Airɔt'n i nyrun lɛ, Migdɔl nin ndɛma jenvie'n be afiɛn. Lika sɔ'n nun lɛ yɛ amun `kpɛ amun ngblaliɛ'n yɛ amun `tran-an. Amun `tran klɔ nga be flɛ i Baal-Zefɔn'n i nyrun lɛ ndɛma jenvie'n i wun lɛ.

Ezipt Lɔ Tulɛ'n 14:9

Eziptfuɛ'm be alɛ kunfuɛ'm be fali be nnɛn kpanngɔ mun nin be alɛ kunlɛ kakaklolo mun, be nin nnɛn kpanngɔ su fufuɛ mun be suli Izraɛlfuɛ'm bé su. Be wa toli be Pi-Airɔt, Baal-Zefɔn'n nyrun ndɛnman su lɛ kan be kpɛli be ngblaliɛ'n lɛ'n, jenvie wun lɛ.

Mmla'n 17:16

Sanngɛ nán man ɔ nyan nnɛn kpanngɔ kpanngban, nán ɔ sunman sran Ezipt lɔ kɛ be ko to wie nan ɔ nyan wie kpanngban. Anannganman seli amun kɛ nán amun sa amún sin be ɔ Ezipt lɔ kun.

Mmla'n 32:10

Aawlɛ flɛnnɛn'n nun lɔ yɛ ɔ ko fiteli Izraɛl'n i su-ɔ, lika sɔ'n nun lɔ'n, nnɛn mun yɛ be ti be kpanlɛ-ɔ. Ɔ ko fali Izraɛl, ɔ niɛnnin i lika, ɔ sɛsɛli i. Ɔ niɛnnin i su kpa kɛ be fa nian be nyinma ba'n su sa.

Zozie 1:14

Amún yi mun, amún bo mma mun, amun nnɛn'm be wa ka lika nga Moiz mannin amun Zurdɛn i bue kun wa'n nun. Sanngɛ amun kwlaa nga b'a jran alɛ kunlɛ'n, amun `fa be alɛ ninnge mun, amun `dun amun niaan'm be nyrun nan amun `uka be,

Zozie 4:12

Ribɛn i akpasua'n, nin Gad i akpasua'n, nin Manase i akpasua bue'm be sonja'm be nin be alɛ ninnge mun be dun mmua Izraɛlfuɛ'm be nyrun be kpɛli Zurdɛn'n kɛ Moiz kan kleli be'n sa.

Zozie 4:13

Sonja akpi-akpi ablanan (40.000) be tanndannin, be alɛ ninnge'n wo be sa nun sɛsɛsɛ, be sinnin Anannganman i nyrun lɛ, nan b'a fa Zeriko lɔ lika kpɛtɛkplɛɛ i ndɛnman.