Ezipt Lɔ Tulɛ'n 13:14 - NYANMIƐN NDƐ'N 1998

¹⁴ Sɛ cɛn kun amun mma'm be usa amun kɛ: ‹?Ɔ yo sɛ ti yɛ be yo sa nga-a?› Amun `tɛ bé su kɛ: ‹Anannganman i tinmin bɔ be jrɛn i nyrun-ɔn, ɔ yo-man ye'n ti ɔ fali e Ezipt lɔ bali. Kɛ ɔ ´yo sɔ'n, wuun e o kanga nun.

Ezipt Lɔ Tulɛ'n 13:14 ပူးပေါင်းရင်းမြစ်များ

Bo Bolɛ 30:33

Sɛ ɔ waan a ´kpɛ min ato bo'n, ainman bla nan nian nga n ´fa'n. Boli nga a wun i b'ɔ ti-man tata nun'n, ɔ nin bua ng'ɔ ti-man ble'n, wuun wualɛ yɛ n wuali-ɔ.»

1 Be Nyoliɛ 16:12

Nyanmiɛn sufuɛ Izraɛl i osu'n nunfuɛ mun, Zakɔb i mma mun, amun bɔ Nyanmiɛn'n kpali amun'n, man amún wla kpɛn abonuan sa nga Anannganman yoli mun nin i atrɛ ng'ɔ yili mun, ɔ nin jɔlɛ ng'ɔ dili'n be'n be su.

Neemi 1:10

Be ti ɔ sufuɛ mun, be ti ɔ nvle i nunfuɛ mun. Ɔ kwlalɛ bɔ a kwla'n ɔ nin ɔ tinmin dan'n yɛ man a deli be-ɔ.

Jue Mun 136:11

Kpɛkuun ɔ yili Izraɛlfuɛ mun be afiɛn fiteli, afin i klun-ufue'n wo lɛ tititi.

Jue Mun 145:4

Sa dandan nga a yo be'n, man sran akpasua nga be wu be'n be kan nan akpasua uflɛ nga be jaso su'n be kusu be ti.

Jue Mun 78:4

E su fa fia-man e mma'm bé wun. E ´kan e kle be nga be ´ba bé sin'n mun ekun, kɛ ɔ ´yo nan b'a si sa ti b'ɔ fata kɛ be manman Anannganman'n, yɛ kɛ ɔ ´yo nan b'a si kɛ ɔ kwla, nan b'a ti abonuan sa ng'ɔ yoli be'n ti.

Ezipt Lɔ Tulɛ'n 10:2

N ´yo i sɔ nan w'a kwla kan klelɛ nga n kleli Eziptfuɛ'm be nun'n ɔ nin abonuan sa nga n yoli be Ezipt mɛn'n nun'n w'a kle ɔ mma mun nin wɔ anunman mun'n ti. Kpɛkuun amun wa si kɛ min yɛ n ti Anannganman nin-ɔn.»

Ezipt Lɔ Tulɛ'n 12:41

Kɛ afuɛ ya nnan afuɛ ablasan'n wieli'n, cɛn kasiɛn'n su sɛsɛ'n, Anannganman i sran'm be tuli Ezipt lɔ. Be ´kɔ'n, be lɔngɔ su sɛsɛsɛ kɛ sonja mun sa.

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 13:8

Kɛ a nin ɔ wa'n be di cɛn sɔ'n, tu i bo kle i kɛ: ‹Sɛ n yo sa nga mun'n, ɔ fin like nga Nyanmiɛn yo mannin min i nun bɔ n ´tu m bo Ezipt lɔ'n.›

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 6:1

Anannganman seli Moiz kɛ: «Blɛ li yɛ a wa wun like nga n wa fa yo Ezipt famiɛn nin-ɔn. N wa miɛn i kɛ ɔ `yaci Izraɛlfuɛ'm be nun man be wɔ. Kɛ n wa miɛn i'n, ɔ wa kan bé bo kɛ be jaso i mɛn'n nun bɔbɔ.»

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Zeremi 34:13

«Min Anannganman'n bɔ n ti Izraɛl Nyanmiɛn'n min wan yoo: ‹Kɛ n ´fa amun nannan mun Ezipt lɔ kan be yoli afanniɛn lɔ'n m ´ba'n, e nin be e nuan sɛli é wun

Daniɛl 9:15

E Min e Nyanmiɛn, wɔ tinmin'n bɔ be jrɛn i nyrun-ɔn ɔ yo-man ye'n ti, a fali ɔ nvle'n nunfuɛ mun Ezipt mɛn'n nun lɔ bali, ɔ man ɔ dunman'n fuli, yɛ kɛ e ´se yɛ'n ɔ tɛ fu. Sanngɛ é nyin a yi-man wɔ, e fɔnnin.

Sa nga bé yôli'n 13:17

Izraɛlfuɛ'm be Nyanmiɛn'n fa e nannan mun be ko trannin Ezipt mɛn'n nun. Kɛ be o lɔ'n, ɔ man be trɛli, kpɛkuun be nvle'n yoli dan. I sin ɔ deli be kekle su mɛn sɔ'n nun .

Mmla'n 5:15

Nán ɔ́ wla fi kɛ a yoli kanga Ezipt mɛn'n nun lɔ yɛ min Anannganman ɔ Nyanmiɛn'n n fali wɔ lɔ n bali-ɔ. Afin sran fi kwla jran-man min nyrun. I sɔ'n ti yɛ min Anannganman ɔ Nyanmiɛn'n n waan a de wunmiɛn wunmiɛn-delɛ-cɛn'n nun nin-ɔn.

Mmla'n 5:6

«N ti Anannganman ɔ Nyanmiɛn'n. Min yɛ man a tuli Ezipt lɔ blɛ bɔ a tɛ o kanga nun nin-ɔn.

Mmla'n 6:12

Sanngɛ amun `nian amún wun kpa, nán amún wla fi Anannganman su. Afin i yɛ ɔ yili amun kanga'n nun fiteli Ezipt mɛn'n nun lɔ-ɔ.

Zozie 22:24

Srɛ b'ɔ kun ye'n ti yɛ e yoli sɔ-ɔ. Atrɛkpa-a, cɛn wie lele amun mma'm be wa se e liɛ'm be kɛ: ‹?Amun li, nguɛ nzɔliɛ yɛ ɔ wo amun nin Anannganman b'ɔ ti Izraɛl Nyanmiɛn'n amun afiɛn-ɔn?

Zozie 24:17

Anannganman e Nyanmiɛn'n yɛ ɔ toli e nin é si mun e ti Eziptfuɛ'm bé sa nun-ɔn. Ɔ yili atrɛ dandan mun e bɔbɔ e nyrun, ɔ sasali ye atin wunmuan'n nun. Ɔ sasali e nvle nga e sinnin nun e bali'n be lika.

Zozie 4:6

Yɛbuɛ sɔ'm be ti kɛ nzɔliɛ sa amun afiɛn. Sɛ cɛn wie amun mma'm be usa kɛ: ‹?Yɛbuɛ nga be siesie i yɛ'n i bo'n kle sɛ?›

Jɔlɛ Difuɛ Mun 2:12

Anannganman b'ɔ ti bé nannan'm be Nyanmiɛn'n, bɔ i yɛ ɔ fali be Ezipt lɔ bali'n, be yacili i lɛ be ɔli nvle nga be o bé wun lɛ'n nun, be ko tuli be amuɛn mun, be kotoli bé bo. Ɔ man Anannganman fali ya.

Jɔlɛ Difuɛ Mun 6:8

yɛ Anannganman sunmannin i nuan ijɔfuɛ kun Izraɛlfuɛ'm be wun lɔ-ɔ. Nyanmiɛn nuan ijɔfuɛ'n seli kɛ: «Anannganman b'ɔ ti Izraɛl Nyanmiɛn'n i wan yoo: ‹Min fanngan nun yɛ man amun fin Ezipt kan amun yoli kanga lɔ'n bali-ɔ.