Ezipt Lɔ Tulɛ'n 13:12 - NYANMIƐN NDƐ'N 1998

¹² amun `fa amún wa yasua klikli'm be mɛn i. Amun nnɛn'm bé wa yasua klikli'm be kusu be ti i liɛ.

Ezipt Lɔ Tulɛ'n 13:12 ပူးပေါင်းရင်းမြစ်များ

Neemi 10:36

E waan afuɛ kwlaa e ´fa e fie'n su ninnge klikli'n, ɔ nin e waka'n kwlaa be su mma klikli'n, e ´fa ba Anannganman i sua'n nun.

Neemi 10:37

E waan e ´fa e talua ba yasua mun, ɔ nin e nnɛn'm be talua ba mun, e ´fa be ba kɛ ɔ ti klɛwa mmla'n nun'n sa. E ´fa be ba e Nyanmiɛn i sua'n nun, e ´fa be blɛ Nyanmiɛn nyrun jranfuɛ mun bɔ be di e Nyanmiɛn i sua'n nun junman'n. E ´fa e nannin mun nin e bua'm be talua ba mun e ba.

Ezipt Lɔ Tulɛ'n 13:1

Anannganman seli Moiz kɛ:

Ezipt Lɔ Tulɛ'n 13:2

«Ba klikli mun'n, fa be wla mín sa nun, afin bla kun i wa yasua klikli'n ɔ nin nnɛn kun i wa yasua klikli'n, be ti min liɛ .»

Ezipt Lɔ Tulɛ'n 22:28

Amun fie'm be su ninnge be mma klikli'n, ɔ nin amun vinyi mma klikli'n, amun `fa blɛ min ndɛndɛ, nán man ɔ cɛ. Amun `fa amún wa yasua klikli mun be wla min sa nun.

Ezipt Lɔ Tulɛ'n 22:29

Nannin mun, nin bua mun, ɔ nin boli'm bé wa klikli nga be wu be'n, kɛ be ko di cɛn ba nso be nin bo wun'n, amun `fa be yi tɛ man min be le mɔcuɛ'n su.

Ezipt Lɔ Tulɛ'n 34:19

Ba yasua klikli nga be wu i'n ti min liɛ. Nnɛn'm bé wa yasua klikli mun: sɛ nannin ba o, sɛ bua ba o, sɛ boli ba o, be ti min liɛ wie.

Ezipt Lɔ Tulɛ'n 34:20

Amun `fa bua yasua nga ɔ'a kpɛ cro'n `fa kpɔ aflunmun ba yasua klikli'n i ti. Sɛ amun waan amun kpɔ-mɛn i'n, amun `fa like wie fin i kɔminsin `kun i. Amun `kpɔ amun nvle'n nun ba yasua klikli'm bé ti. Nán amun ba min nyrun nin amún sa ngbɛn.

Ezekiɛl 16:20

«Ɔ klun ba yasua mun nin ɔ klun ba bla'm bɔ a wuli be mannin min'n, a fa be sɔli be, ɔ waan be `kun be. ?Nan blɔdɛ nga a sili'n, ɔ́ nyin a yi-mɛn i?

Ezekiɛl 44:30

Fie'm be su ninnge klikli'n nga be nyan be'n nin ninnge nga Izraɛlfuɛ'm be yi be anyanbeun ninnge'm be su'n, be ti min nyrun jranfuɛ'm be liɛ. Be ble sanmlɛn'n i kpafuɛ'n, man be fa man be nan n `yo be liɛ ye.

Saun Yolɛ 27:26

«Klɔ nnɛn kɛ nannin sa wie kusu-ɔ kɛ bua sa annzɛ kɛ boli sa, ng'ɔ ti talua ba'n, be bo-man wɛ be se-man kɛ b'a fa man min'n. Afin nnɛn'm be talua ba'm be kwlaa be ti min liɛ laa.

Kalɛ 18:15

Like kwlaa i wa klikli nga be fa blɛ min'n, sɛ sran o, sɛ nnɛn o, ɔ ti amun liɛ. Sanngɛ amun `kpɔ sran'm be wa klikli'm be ti, amun `kpɔ nnɛn nga be ti fiɛn'n bé wa klikli'm bé ti wie.

Kalɛ 3:12

«Nian, m bɔbɔ min yɛ n fali Levifuɛ mun Izraɛlfuɛ'm be nun-ɔn. Be yɛ be ´sin Izraɛl talua ba'm be ajalɛ nun be ´di n sua'n nun junman nin-ɔn.

Kalɛ 3:13

Afin talua ba'm be kwlaa be ti min liɛ, kɛ ɔ fin cɛn bɔ n yoli man Eziptfuɛ'm be wa klikli'm be kwlaa be wuli'n, n sieli Izraɛlfuɛ'm be talua ba liɛ'm be nin be nnɛn'm be wa klikli liɛ'm be ngunmin kɛ be `yo min liɛ. Min yɛ n ti Anannganman nin-ɔn.»

Kalɛ 8:17

Afin talua ba nga be wu be'n, be ti min liɛ, sɛ sran o, sɛ nnɛn o, be ti min liɛ. Kɛ ɔ fin cɛn bɔ n yoli man Eziptfuɛ'm be talua ba yasua'm be wuli'n, Izraɛlfuɛ'm be talua ba yasua'm be ti min liɛ klonglo.

JÉSUS-CHRIST I DYASIN FE'N BO LUC KLELI'N 2:23

«Sɛ sran o, sɛ nnɛn o, be talua ba kwlaa b'ɔ ti yasua'n, be `fɛ i man e Min Nyanmiɛn'n .»

Mmla'n 15:19

Amun nannin mun, nin amun bua mun, nin amun boli'm be talua ba yasua mun'n, amun `fa be sie be ngunmin nan amun `fa man Anannganman amun Nyanmiɛn'n. Nán amun fa amun nannin tola ng'ɔ ti talua ba'n be fa di junman. Amun bua nga be ti talua ba yasua'n kusu, nán amun kpɛkpɛ be ndrɛ'n.