Ezipt Lɔ Tulɛ'n 13:11 - NYANMIƐN NDƐ'N 1998

¹¹ Moiz seli ekun kɛ: «Kɛ Anannganman ko fa amun ko wɔ Kanaan mɛn'n nun b'ɔ ko fa ko man amun kɛ ɔ fa boli i kasiɛ kleli amun nannan mun ɔ nin amun bɔbɔ'n sa'n,

Ezipt Lɔ Tulɛ'n 13:11 ပူးပေါင်းရင်းမြစ်များ

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Bo Bolɛ 28:15

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

Jue Mun 105:42

Afin nda ng'ɔ tali Abraam b'ɔ ti i sufuɛ'n, i wla o su.

Ezipt Lɔ Tulɛ'n 13:5

Kɛ Anannganman ko fa amun ko wɔ mɛn bɔ Kanaanfuɛ mun, nin Ɛtfuɛ mun, nin Amɔrfuɛ mun, nin Ferezfuɛ mun, nin Evfuɛ mun, yɛ Zɛbisfuɛ'm be tran nun lɔ'n i nun'n, afuɛ kwlaa nun anglo kunngba nga nun'n, amun `di cɛn sɔ'n. Mɛn sɔ'n yɛ Anannganman kan kleli amun nannan'm be kɛ ɔ ´fa man amun nin-ɔn. Lɔ asiɛ'n ɔ yo like ye kpa. I kunngba'n, ɔ ti nnɛn tawlɛ klanman.

Ezipt Lɔ Tulɛ'n 32:13

Man ɔ́ wla kpɛn ɔ sufuɛ Abraam, nin Izaak, nin Zakɔb be su. A tali nda, a seli be kɛ: ‹N wa yo man amun osu'n wa trɛ kɛ nzraama nga be o nglo'n sa. Mɛn nga n seli kɛ n ´fa man amun osufuɛ mun'n, n ´fa man be, yɛ be ´tran nun tititi.› »

Kalɛ 11:12

?Min yɛ n wunnzɛli nvle nga nunfuɛ mun-ɔn? ?Min yɛ n wuli be-ɔ? ?Nguɛ ti yɛ ɔ waan n `ju be kɛ bla ta b'ɔ ju i wa nɔnman'n sa, nan n `fa be n wɔ mɛn nga a seli be nannan'm be kɛ a ´fa man be'n i nun nin-ɔn?