Ezipt Lɔ Tulɛ'n 12:8 - NYANMIƐN NDƐ'N 1998

⁸ Amun `wlɛ nnɛn sɔ'n sin su, kpɛkuun kɔnguɛ amun `di i nin kpaun bɔ kpaun ayre nun-man nun'n nin ijre wiwi mun.

Ezipt Lɔ Tulɛ'n 12:8 ပူးပေါင်းရင်းမြစ်များ

2 Be Nyoliɛ 35:13

Be nyintɔnnin bua sɔ mun bɔ be fa yili Delɛ-cɛn'n i tɛ'n, sanngɛ tɛ nnɛn kun mun'n, be tɔnnin be blalɛ sɛ nin sɛ uflɛ dandan wie'm be nun, ɔ nin like uflɛ'm be nun. Kɛ be yoli sɔ wieli'n be ko mannin Izraɛlfuɛ'm be wie ndɛndɛ.

Jue Mun 22:14

Be trɛ bé nuan'n nun be kpan kɛ asɔmɔli bɔ i waan ɔ ´di nnɛn'n sa. Be waan be ´di min.

Ezipt Lɔ Tulɛ'n 1:14

Junman'n i kekle b'ɔ yoli'n ti'n, Izraɛlfuɛ'm b'a wun-man be wun fɛ, afin be si fa, be kpɛ bliki, be di blo junman'n kwlakwla kpan. E `kpɛ kpo e `se kɛ be dili junman tɛtɛ'n kwlaa. B'a si-man be aunnvuɛ mlɔnmlɔn.

Ezipt Lɔ Tulɛ'n 12:9

Nán amun di nnɛn sɔ'n i nga ɔ'a be-man kpa'n nin i tɔnwa'n, san nnɛn nga be wlɛli i wunmuan'n sin su'n yɛ amun `di-ɔ. Amun `di i nin i ti'n, nin i ja mun, ɔ nin i klun lɔ ninnge mun.

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 13:7

Cɛn sɔ'm be nun, nán amun di kpaun bɔ kpaun ayre o nun'n. Nán be wun kpaun bɔ kpaun ayre o nun'n annzɛ kpaun ayre amun awlo'm be nun mɛn wunmuan'n nun.

Ezipt Lɔ Tulɛ'n 23:18

Blɛ bɔ amun ´fa nnɛn nga amun kunnin i'n blɛ min'n, nán amun fa kpaun nga kpaun ayre o nun'n fa sie su. Nán amun fa nnɛn nga amun fa yi tɛ nnɔsua nun'n i lui'n be sie lɛ lele man aliɛ cɛn su.

Ezipt Lɔ Tulɛ'n 34:25

Blɛ bɔ amun ´fa nnɛn nga amun ´kun i'n be ´blɛ min'n, nán an fa kpaun bɔ kpaun ayre o nun'n sie su. Nán amun sie Delɛ-cɛn i nnɔsua nun tɛ'n i nnɛn'n lɛ lele nglɛmun.

Ezai 53:10

Anannganman bɔbɔ klun su i waan afɛ ´tɔ i su nan i wla ´bo kpa. Sɛ ɔ fɛ i wun yi sraka sa tɛ'n ti ko wie'n, i osu'n nunfuɛ'm be ´sɔn kpa, yɛ ɔ ´cɛ kpa, yɛ i yɛ ɔ ´yia Anannganman i klun sa'n i nuan-an.

Amɔs 4:5

Kpaun nga kpaun ayre o nun'n, an `yrɛ i be `fa yi bo kun yolɛ'n i su tɛ be fa man min. Amun klun klo like nga amun waan amun ´fa man'n, an `bo i ndolo. Afin nga amun waan be `fa man amun nan amun yo'n yɛ ɔ o lɛ-ɔ.» Anannganman'n yɛ ɔ kan sɔ kle amun-ɔn.

Zakari 12:10

Kpɛkuun m ´man David i osufuɛ mun nin Zerizalɛmfuɛ'm be akunndan klanman kɛ be `kpata min. Be ´kaci bé nyin min bɔ be wɔli min cua'n min wun wa. Be ´sun kɛ be wa ba kunngba cenje wie ɔ'a wu yɛ be su sun i sa. Be ´sun sunlɛ kpa kɛ bé wa yasua klikli ɔ'a wu yɛ be su sun i sa .

Matthieu 16:12

Yɛ be wunnin i wlɛ kɛ nán kpaun ayre'n i lika yɛ i waan be nian bé wun nin-ɔn, sanngɛ like nga Farizifuɛ mun nin Sadisefuɛ'm be kle'n i lika yɛ i waan be nian bé wun nin-ɔn.

Matthieu 26:26

Kɛ be ´di like'n, Jésus fali kpaun yɛ ɔ lali Nyanmiɛn ase. Kɛ ɔ lali Nyanmiɛn ase wieli'n, ɔ bubuli nun fa mɛnnin i sɔnnzɔnfuɛ mun nan ɔ'a se be kɛ: «Kpaun ng'ɔ o yɛ'n ti min wunnɛn, an `fa di»

Galasifuɛ Mun 5:9

Kpaun ayre kaan'n bɔ be fa guɛ i kpaun nzuɛn nun'n yɛ man i wunmuan'n wla-a .

Mmla'n 16:7

Kpɛkuun amun `tɔn be di i lika nga Anannganman amun Nyanmiɛn'n ɔ kle'n i nun lɔ. Kpɛkuun nglɛmun amun `sa amún sin wɔ amun tranwlɛ.

1 Tɛsalonikfuɛ Mun 1:6

Kɛ an fali Nyanmiɛn ndɛ'n su'n, an wunnin nyrɛnnɛn dan kpa. Sanngɛ ɔ nin i sɔ ngba'n, Nyanmiɛn Wawɛ'n man amun klun jɔli. An niannin e nzuɛn'n nin Krist liɛ'n su an yoli .