Ezipt Lɔ Tulɛ'n 12:6 - NYANMIƐN NDƐ'N 1998

⁶ Be `sie i lɛ lele anglo'n i le blu le nnan su. Cɛn sɔ'n, i nnɔsua nun'n, man Izraɛl nvle'n nunfuɛ'm be kwlaa be kpɛ be nnɛn nga be kpali be'n be kɔmin.

Ezipt Lɔ Tulɛ'n 12:6 ပူးပေါင်းရင်းမြစ်များ

2 Be Nyoliɛ 35:1

Zozias man be dili Delɛ-cɛn'n Zerizalɛm lɔ. Anannganman dunman nun yɛ be dili-ɔ. Anglo klikli'n i cɛn ba blu-nin-nnan'n su'n, be kpɛli nnɛn nga be fa di cɛn'n be kɔmin.

Ɛsdras 6:19

I afuɛ kun ekun b'ɔ ´ju'n, be kwlaa nga be trali be lomuɛn bɔ be sali be sin, be dili Delɛ-cɛn'n anglo klikli'n i le blu le nnan'n su.

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 12:17

Amun `di kpaun bɔ kpaun ayre nun-man nun'n i cɛn'n, nan amún wla `kpɛn cɛn bɔ min man amun tuli Ezipt lɔ'n su. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi be `fa kpɛn amún wun wla. Ɔ ti mmla kun bɔ be kwla kaci-mɛn i.

Ezipt Lɔ Tulɛ'n 12:18

Kɛ ɔ fɛ i anglo klikli'n i le blu le nnan su'n i nnɔsua nun'n, b'ɔ ´fa ju anglo'n i le ablaɔn-nin-kun'n i nnɔsua nun'n, amun `di kpaun nga kpaun ayre nun-man nun'n.

Ezipt Lɔ Tulɛ'n 12:47

Man Izraɛl nvle'n nunfuɛ'm be kwlakwla be di cɛn sɔ'n.

Ezipt Lɔ Tulɛ'n 16:1

Izraɛl nvle wunmuan'n tuli i bo Elim lɔ. Kɛ be tuli Ezipt lɔ'n i anglo nnyɔn su'n i cɛn ba blu-nin-nnun su'n, be juli Sin aawlɛ flɛnnɛn ng'ɔ o Elim lika nin Sinai oka'n be afiɛn'n nun lɔ.

Ezipt Lɔ Tulɛ'n 16:12

«N tili Izraɛlfuɛ'm be trikilɛ nga be trikili'n. Kan ndɛ nga kle be man min, se be kɛ: ‹Ndɛ nnɔsua amun ´di nnɛn, ainman nglɛmun kusu amun ´nyan kpaun ng'ɔ ko ju amun'n, kɛ ɔ ko yo sɔ'n, amun ´wun i wlɛ kɛ min yɛ n ti Anannganman amun Nyanmiɛn nin-ɔn.› »

Ezipt Lɔ Tulɛ'n 19:1

Izraɛlfuɛ'm be tuli bé bo Refidim lɔ. Kɛ be tuli Ezipt lɔ'n, be anglo nsan su'n i cɛn klikli'n su'n, be juli Sinai aawlɛ flɛnnɛn'n nun. Be kpɛli be ngblaliɛ aawlɛ flɛnnɛn'n nun Sinai oka'n i wun lɛ.

Ezipt Lɔ Tulɛ'n 29:39

Man be fa kun be man min nglɛmun, kun'n kusu be `fa man min nnɔsua.

Ezipt Lɔ Tulɛ'n 29:41

Kɛ be ´fa nnɔsua nun bua liɛ be ´kɔ tɛ'n i yilɛ'n, man be fa like nga be fa man'n, ɔ nin nzan, kɛ be fa yoli i nglɛmun nun'n sa. Man be yra tɛ sɔ'n, ɔ ´bɔn min bue nun fannin.

Ezai 53:6

E kwlaa e ti kɛ bua bɔ b'a bo je'n sa, sran kun fɛ i bɔbɔ klun klo atin, yɛ Anannganman'n fali e kwlaa e fɔnlɛ bɔ e fɔnnin'n i su afɛ'n fa guɛli i su-ɔ.

Ezekiɛl 45:21

Anglo klikli'n i cɛn ba blu-nin-nnan'n ɔ ti Delɛ-cɛn i dilɛ, ɔ ti cɛn dilɛ kun bɔ be di i cɛn ba nso, be di kpaun nga kpaun ayre nun-man nun'n.

Saun Yolɛ 23:5

Afuɛ kun nun sra klikli'n i le blu-nin-nnan su'n, nnɔsua nun amun `di Delɛ-cɛn min dunman nun be `man min.

Kalɛ 28:16

«Anglo klikli'n, i cɛn ba blu-nin-nnan su'n ɔ ti Delɛ-cɛn'n b'ɔ ti min liɛ'n i dilɛ blɛ.

Kalɛ 28:18

Cɛn ba klikli'n su'n, amun `yia nan amun `su min. Nán amun di amun junman nga amun di i titi'n.

Kalɛ 9:11

Sanngɛ anglo i nnyɔn su'n, i le blu-nin-nnan'n i nnɔsua nun yɛ be `di be cɛn liɛ nin-ɔn. Man be di bua bɔ b'a kpɛ cro'n bɔ be fa yili tɛ'n nin kpaun bɔ b'a gua-man nun kpaun ayre'n, yɛ ijre wiwi mun.

Matthieu 27:20

Nyanmiɛn nyrun jranfuɛ dandan mun nin kpɛnngbɛn'm be di wlali sran'm be kɛ be srɛ Barabas ti nan be kun Jésus.

Matthieu 27:25

Yɛ sran'm be kwlaa be seli i kɛ: «Man i wie ndɛ'n ka e nin e mma mun ye su .»

Marc 15:1

Kɛ aliɛ'n cɛnnin'n, Nyanmiɛn nyrun jranfuɛ dandan mun, nin kpɛnngbɛn mun, yɛ mmla klefuɛ mun be nin jɔlɛ difuɛ'm be kwlaa be yiali nan b'a wun bé wun. Kɛ be cili Jésus'n, be fɛ i ɔli nan b'a fɛ i a wla Pilat sa nun.

Marc 15:11

Sanngɛ Nyanmiɛn nyrun jranfuɛ dandan'm be seli sran'm be kɛ be `se Pilat kɛ ɔ yaci Barabas nun man be.

Marc 15:25

Nglɛmun wia'n nun yɛ be boboli i-ɔ .

Marc 15:8

Kɛ sran'm be ɔli Pilat wun lɔ, be srɛli i kɛ ɔ yo sa ng'ɔ yo man be titi'n.

JÉSUS-CHRIST I DYASIN FE'N BO LUC KLELI'N 23:1

Be kwlaa be jao fa Jésus ɔli Pilat ja su.

JÉSUS-CHRIST I DYASIN FE'N BO LUC KLELI'N 23:18

Yɛ be kwlaa be kpan seli kɛ: «Kun bian nga nan yi Barabas man ye.»

Sa nga bé yôli'n 2:23

Kɛ Nyanmiɛn bɔbɔ dun mmua buli i akunndan b'ɔ sieli i kɛ be `fa bian sɔ'n be man sran mun'n, be kunnin i.

Sa nga bé yôli'n 3:14

Nyanmiɛn i Sran'n, sran Nanwlɛfuɛ'n sɔ'n, an yili i blo. An kpatali sran kunfuɛ'n i ti kɛ be yaci i nun man amun.

Sa nga bé yôli'n 4:27

Nanwlɛ, klɔ nga su wa'n, Erɔd nin Pɔns Pilat, ɔ nin be bɔ be ti-man Zuif'n be nin Izraɛlfuɛ'm bé bo yoli kun ɔ sran Jésus bɔ a guɛli i su ngo kɛ ɔ yo famiɛn'n i wun ,

Zozie 5:10

Izraɛlfuɛ'm be kali Gilgal i nanmue nun lɛ be dili Delɛ-cɛn'n anglo'n i le blu le nnan su, nnɔsua nun, lika kpɛtɛkplɛɛ ng'ɔ mantan Zeriko lɛ'n nun.