Ezipt Lɔ Tulɛ'n 12:51 - NYANMIƐN NDƐ'N 1998

⁵¹ Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Ezipt Lɔ Tulɛ'n 12:51 ပူးပေါင်းရင်းမြစ်များ

Bo Bolɛ 50:24

Le kun Zozɛf seli i niaan'm be kɛ: «N su wa wu, sanngɛ n si kɛ Nyanmiɛn ɔ ´uka amun, ɔ ´fa amun kɔ mɛn ng'ɔ tali Abraam nin Izaak nin Zakɔb be nda kɛ ɔ ´fa man be'n nun.»

1 Famiɛn Mun 6:1

Kɛ Izraɛlfuɛ'm be fin Ezipt lɔ bali'n, i afuɛ ya nnan afuɛ ablaɔcuɛ su yɛ Salomɔn boli Anannganman i sua'n i kplanlɛ bo-ɔ. Afuɛ sɔ'n i anglo nnyɔn su yɛ be boli sua'n i junman'n i bo-ɔ. Be flɛ anglo sɔ'n kɛ Ziv. Kɛ ɔ ´yo sɔ'n, wuun Salomɔn yoli famiɛn ɔ'a di afuɛ nnan.

2 Be Nyoliɛ 14:12

Aza nin i sran mun be suli be su lele juli Gerar. Etiopifuɛ nga alɛ dili be'n be sɔnnin kpa. Be nun kun sa ɔ'a nyɛn-mɛn i ti. Be kwlaa sɔ'm be nunnunnin sekeseke Anannganman nin i alɛ kunfuɛ'm be nyrun lɛ. Zidafuɛ'm be fali bé bo ninnge mun ɔli. Ninnge sɔ'm be ti kaka kpa.

Jue Mun 114:1

Kɛ ɔ fin cɛn bɔ Izraɛlfuɛ'm be tuli Ezipt lɔ, kɛ ɔ fin cɛn bɔ Zakɔb i osu'n nunfuɛ'm be jasoli sran bɔ be aniɛn ti i ngunmin'n be afiɛn'n,

Jue Mun 136:11

Kpɛkuun ɔ yili Izraɛlfuɛ mun be afiɛn fiteli, afin i klun-ufue'n wo lɛ tititi.

Ezipt Lɔ Tulɛ'n 12:41

Kɛ afuɛ ya nnan afuɛ ablasan'n wieli'n, cɛn kasiɛn'n su sɛsɛ'n, Anannganman i sran'm be tuli Ezipt lɔ. Be ´kɔ'n, be lɔngɔ su sɛsɛsɛ kɛ sonja mun sa.

Ezipt Lɔ Tulɛ'n 12:50

Izraɛlfuɛ'm be kwlaa be yoli nga Anannganman kan kleli Moiz nin Aarɔn'n. Be niannin su sɛsɛ be yoli.

Ezipt Lɔ Tulɛ'n 13:1

Anannganman seli Moiz kɛ:

Ezipt Lɔ Tulɛ'n 16:1

Izraɛl nvle wunmuan'n tuli i bo Elim lɔ. Kɛ be tuli Ezipt lɔ'n i anglo nnyɔn su'n i cɛn ba blu-nin-nnun su'n, be juli Sin aawlɛ flɛnnɛn ng'ɔ o Elim lika nin Sinai oka'n be afiɛn'n nun lɔ.

Ezipt Lɔ Tulɛ'n 19:1

Izraɛlfuɛ'm be tuli bé bo Refidim lɔ. Kɛ be tuli Ezipt lɔ'n, be anglo nsan su'n i cɛn klikli'n su'n, be juli Sinai aawlɛ flɛnnɛn'n nun. Be kpɛli be ngblaliɛ aawlɛ flɛnnɛn'n nun Sinai oka'n i wun lɛ.

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Ezipt Lɔ Tulɛ'n 6:26

Aarɔn nin Moiz yɛ Nyanmiɛn seli be kɛ: «Amun `fa Izraɛlfuɛ mun Ezipt lɔ fite awlobo-awlobo sɛsɛsɛ» nin-ɔn.

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezipt Lɔ Tulɛ'n 7:4

Famiɛn'n su sie-mɛn i su amún nuan bo. N wa yi min tinmin'n i nglo n ´fa kle Ezipt mɛn'n, n ´tu i nunfuɛ'm be fɔ. Kpɛkuun n ´fa Izraɛl b'ɔ ti min nvle'n n ´fa jaso Ezipt mɛn'n nun. Izraɛlfuɛ'm be ´kɔ nyanman su sɛsɛsɛ kɛ sonja mun sa.

Saun Yolɛ 23:43

Nan be nga be ´wu be kasiɛn'n b'a si kɛ i nun bɔ n ´yi be nannan mun Ezipt mɛn'n nun n ´fite'n, be trannin kpata'm bé bo. Min yɛ n ti Anannganman amun Nyanmiɛn nin-ɔn.»

Amɔs 2:10

N fali amun Ezipt lɔ m bali. N ko sunmannin amun afuɛ ablanan aawlɛ flɛnnɛn'n nun lɔ lele nan m'an fa Amɔrfuɛ'm be mɛn'n m'an man amun.

Mise 6:4

?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Kalɛ 23:22

I yɛ ɔ fali be Ezipt lɔ bali-ɔ, i fanngan bɔ like fi kwla jrɛn-mɛn i nyrun b'ɔ ti kɛ awɛ'n i fanngan sa'n ti.

Kalɛ 26:4

Be kan kleli be kɛ Anannganman seli Moiz kɛ ɔ `klɛ yasua nga be lɛ afuɛ ablaɔn nin afuɛ ablaɔn gua su'n be kwlaa be dunman. Izraɛl akpasua nga be fin Ezipt lɔ'n be yɛ:

Kalɛ 33:1

Kɛ Izraɛlfuɛ'm be tuli bé bo Ezipt lɔ'n, lika nga be sinsinnin be nun mun be yɛ. Kɛ be ´kɔ'n, Moiz nin Aarɔn yɛ be ti be su kpɛn mun-ɔn, be kɔ akpasua-akpasua.

Sa nga bé yôli'n 13:17

Izraɛlfuɛ'm be Nyanmiɛn'n fa e nannan mun be ko trannin Ezipt mɛn'n nun. Kɛ be o lɔ'n, ɔ man be trɛli, kpɛkuun be nvle'n yoli dan. I sin ɔ deli be kekle su mɛn sɔ'n nun .

Mmla'n 16:1

Kɛ Abib anglo'n ju'n, amun `di Delɛ-cɛn'n amun `fa manman Anannganman amun Nyanmiɛn'n. Afin Abib anglo'n i kɔnguɛ kun nun yɛ amun Nyanmiɛn'n fali amun Ezipt lɔ bali-ɔ.

Mmla'n 4:37

Ɔ kloli amun nannan mun, yɛ ɔ buli be osu nunfuɛ'm be akunndan sieli, i wunmiɛn b'ɔ lɛ i'n ti ɔ yili amun Ezipt lɔ fiteli.

Zozie 24:5

I sin n sunmannin Moiz nin Aarɔn nan m'an fa sa kekle sunman m'an yi i Eziptfuɛ'm be su kwlaa nan m'an fa amun nvle'n m'an fite.

Jude 1:5

Ndɛ nga m ma kɛn i lɛ'n, an si i kpa, sanngɛ m ´bo su ekun. E Min Nyanmiɛn deli Izraɛlfuɛ mun Ezipt lɔ, sanngɛ i sin'n, be nga b'a lafi-mɛn i su kun'n, ɔ nunnunnin be.