Ezipt Lɔ Tulɛ'n 12:41 - NYANMIƐN NDƐ'N 1998

⁴¹ Kɛ afuɛ ya nnan afuɛ ablasan'n wieli'n, cɛn kasiɛn'n su sɛsɛ'n, Anannganman i sran'm be tuli Ezipt lɔ. Be ´kɔ'n, be lɔngɔ su sɛsɛsɛ kɛ sonja mun sa.

Ezipt Lɔ Tulɛ'n 12:41 ပူးပေါင်းရင်းမြစ်များ

Bo Bolɛ 50:24

Le kun Zozɛf seli i niaan'm be kɛ: «N su wa wu, sanngɛ n si kɛ Nyanmiɛn ɔ ´uka amun, ɔ ´fa amun kɔ mɛn ng'ɔ tali Abraam nin Izaak nin Zakɔb be nda kɛ ɔ ´fa man be'n nun.»

1 Famiɛn Mun 6:1

Kɛ Izraɛlfuɛ'm be fin Ezipt lɔ bali'n, i afuɛ ya nnan afuɛ ablaɔcuɛ su yɛ Salomɔn boli Anannganman i sua'n i kplanlɛ bo-ɔ. Afuɛ sɔ'n i anglo nnyɔn su yɛ be boli sua'n i junman'n i bo-ɔ. Be flɛ anglo sɔ'n kɛ Ziv. Kɛ ɔ ´yo sɔ'n, wuun Salomɔn yoli famiɛn ɔ'a di afuɛ nnan.

2 Be Nyoliɛ 14:12

Aza nin i sran mun be suli be su lele juli Gerar. Etiopifuɛ nga alɛ dili be'n be sɔnnin kpa. Be nun kun sa ɔ'a nyɛn-mɛn i ti. Be kwlaa sɔ'm be nunnunnin sekeseke Anannganman nin i alɛ kunfuɛ'm be nyrun lɛ. Zidafuɛ'm be fali bé bo ninnge mun ɔli. Ninnge sɔ'm be ti kaka kpa.

Jue Mun 102:13

Sanngɛ Anannganman, ɔ liɛ'n a ti famiɛn tititi. Bé wla fi ɔ su-ɔ ɔ yo-man ye.

Jue Mun 114:1

Kɛ ɔ fin cɛn bɔ Izraɛlfuɛ'm be tuli Ezipt lɔ, kɛ ɔ fin cɛn bɔ Zakɔb i osu'n nunfuɛ'm be jasoli sran bɔ be aniɛn ti i ngunmin'n be afiɛn'n,

Jue Mun 136:11

Kpɛkuun ɔ yili Izraɛlfuɛ mun be afiɛn fiteli, afin i klun-ufue'n wo lɛ tititi.

Ezipt Lɔ Tulɛ'n 12:17

Amun `di kpaun bɔ kpaun ayre nun-man nun'n i cɛn'n, nan amún wla `kpɛn cɛn bɔ min man amun tuli Ezipt lɔ'n su. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi be `fa kpɛn amún wun wla. Ɔ ti mmla kun bɔ be kwla kaci-mɛn i.

Ezipt Lɔ Tulɛ'n 12:51

Cɛn sɔ nun'n, Anannganman yoli man Izraɛlfuɛ'm be tuli Ezipt lɔ. Be kɔ'n be lɔngɔ su sɛsɛsɛ kɛ sonja'm be sa.

Ezipt Lɔ Tulɛ'n 13:14

Sɛ cɛn kun amun mma'm be usa amun kɛ: ‹?Ɔ yo sɛ ti yɛ be yo sa nga-a?› Amun `tɛ bé su kɛ: ‹Anannganman i tinmin bɔ be jrɛn i nyrun-ɔn, ɔ yo-man ye'n ti ɔ fali e Ezipt lɔ bali. Kɛ ɔ ´yo sɔ'n, wuun e o kanga nun.

Ezipt Lɔ Tulɛ'n 13:16

Tɛ sɔ'n bɔ amun ´yi'n, ɔ ´yo amún wla kpɛnlɛ like kɛ amún sa i su annzɛ amun ngban su nzɔliɛ wie sa. Man ɔ kpɛn amún wla kɛ Anannganman i tinmin bɔ be jrɛn i nyrun-ɔn yo-man ye ti'n, ɔ fali e Ezipt lɔ bali.»

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Ezipt Lɔ Tulɛ'n 3:10

Siɛn'n, n ´sunman wɔ Ezipt famiɛn'n i wun lɔ. Ko fa Izraɛlfuɛ'm bɔ be ti min sran mun, man be tu Ezipt mɛn'n nun lɔ .»

Ezipt Lɔ Tulɛ'n 3:8

M'an jra kɛ n wa de be Eziptfuɛ'm bé sa nun nan n ´fa be Ezipt mɛn'n nun n ´kɔ mɛn klanman b'ɔ ti tɛtrɛ kpa'n nun lɔ. Lɔ asiɛ'n yo like ye kpa, i kunngba'n ɔ ti nnɛn tawlɛ klanman. Be nga be tran mɛn sɔ nun'n be yɛ: Kanaanfuɛ mun, Ɛtfuɛ mun, Amɔrfuɛ mun, Ferezfuɛ mun, Evfuɛ mun, ɔ nin Zɛbisfuɛ mun.

Ezipt Lɔ Tulɛ'n 6:26

Aarɔn nin Moiz yɛ Nyanmiɛn seli be kɛ: «Amun `fa Izraɛlfuɛ mun Ezipt lɔ fite awlobo-awlobo sɛsɛsɛ» nin-ɔn.

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezipt Lɔ Tulɛ'n 7:4

Famiɛn'n su sie-mɛn i su amún nuan bo. N wa yi min tinmin'n i nglo n ´fa kle Ezipt mɛn'n, n ´tu i nunfuɛ'm be fɔ. Kpɛkuun n ´fa Izraɛl b'ɔ ti min nvle'n n ´fa jaso Ezipt mɛn'n nun. Izraɛlfuɛ'm be ´kɔ nyanman su sɛsɛsɛ kɛ sonja mun sa.

Daniɛl 9:24

Be mannin ɔ nvle'n nunfuɛ'm be nin klɔ b'ɔ ti Nyanmiɛn liɛ'n i sufuɛ'm be afuɛ ableso sɔ nso kɛ be `fa yaci nyin kekle'n nin sa tɛ'n yolɛ. Blɛ sɔ'n ti cinnjin kɛ ɔ ´yo nan b'a yaci bé sa tɛ mun b'a cɛ be, nan b'a yo sa mun i nuan su, nan sa nga be wun be aolia nun'n be nuan ɔ'a yia, nan Nyanmiɛn i nuan ndɛ bɔ be kannin'n ɔ'a kpɛn su, nan b'a fa Nyanmiɛn i lika kpa tra su'n b'a wlɛ i sa nun'n ti.

Saun Yolɛ 23:43

Nan be nga be ´wu be kasiɛn'n b'a si kɛ i nun bɔ n ´yi be nannan mun Ezipt mɛn'n nun n ´fite'n, be trannin kpata'm bé bo. Min yɛ n ti Anannganman amun Nyanmiɛn nin-ɔn.»

Abakik 2:3

Ndɛ nga n ´kan be n ´kle wɔ yɛ'n, be yolɛ blɛ nian ju-man. Kannzɛ ɔ cɛ lele-ɔ ɔ ´cɛ ngbɛn, san i blɛ sɔ'n ´ju le. Man i li cɛ bɔ lele, sanngɛ fa wɔ wla gua su. I kwlaa b'ɔ yoli o, san i sɔ sa liɛ'n ɔ ´tɔ, ɔ su sɛn-mɛn i wun .

Kalɛ 23:22

I yɛ ɔ fali be Ezipt lɔ bali-ɔ, i fanngan bɔ like fi kwla jrɛn-mɛn i nyrun b'ɔ ti kɛ awɛ'n i fanngan sa'n ti.

Kalɛ 33:1

Kɛ Izraɛlfuɛ'm be tuli bé bo Ezipt lɔ'n, lika nga be sinsinnin be nun mun be yɛ. Kɛ be ´kɔ'n, Moiz nin Aarɔn yɛ be ti be su kpɛn mun-ɔn, be kɔ akpasua-akpasua.

Jean 7:8

Amun bɔbɔ an `wɔ cɛn'n i dilɛ'n. N liɛ'n, n su kɔ-man cɛn sɔ'n i bo wie, afin ń cɛn liɛ'n nian ju-man.»

Sa nga bé yôli'n 1:7

Ɔ seli be kɛ: «Cɛn sɔ'n nin blɛ sɔ'n bɔ e Si bɔbɔ sieli'n, ɔ ti-man amun ndɛ su.

Sa nga bé yôli'n 7:36

I yɛ ɔ deli be Ezipt lɔ nin-ɔn. Ɔ yoli abonuan sa mun, ɔ yili atrɛ mun Ezipt lɔ, nin Ndɛma Jenvie nun, ɔ nin aawlɛ flɛnnɛn nun lɔ afuɛ ablanan .

Mmla'n 16:1

Kɛ Abib anglo'n ju'n, amun `di Delɛ-cɛn'n amun `fa manman Anannganman amun Nyanmiɛn'n. Afin Abib anglo'n i kɔnguɛ kun nun yɛ amun Nyanmiɛn'n fali amun Ezipt lɔ bali-ɔ.

Mmla'n 4:37

Ɔ kloli amun nannan mun, yɛ ɔ buli be osu nunfuɛ'm be akunndan sieli, i wunmiɛn b'ɔ lɛ i'n ti ɔ yili amun Ezipt lɔ fiteli.

Zozie 24:5

I sin n sunmannin Moiz nin Aarɔn nan m'an fa sa kekle sunman m'an yi i Eziptfuɛ'm be su kwlaa nan m'an fa amun nvle'n m'an fite.

Zozie 5:14

Sran sɔ'n tɛli i su kɛ: «N ti-man be wie fi, n ti Anannganman i alɛ kunfuɛ'm be su kpɛnngbɛn. N julɛ yɛ.» Yɛ Zozie tɔli utuli i nyin ase nan ɔ'a se i kɛ: «Min Min, ń su o ɔ nuan'n bo.»