Ezipt Lɔ Tulɛ'n 12:34 - NYANMIƐN NDƐ'N 1998

³⁴ I sɔ'n ti yɛ Izraɛlfuɛ'm be fali ble sanmlɛn bɔ be boli b'ɔ nian kwla wla-man'n nan b'a fa b'a ɔ nin-ɔn. Be cicili ble sanmlɛn bolɛ like'n ɔ nin ble sanmlɛn i bɔbɔ'n be tralɛ'm be nun, yɛ be suɛli be wati'n su.

Ezipt Lɔ Tulɛ'n 12:34 ပူးပေါင်းရင်းမြစ်များ

Ezipt Lɔ Tulɛ'n 12:39

Ble sanmlɛn nga be nin i fin Ezipt lɔ bali'n, bɔ be boli i lɔ sanngɛ ɔ'a kwla wla-man'n, be fa tɔnnin kpaun paplaapla nga be gua-man nun kpaun ayre'n, afin be kannin bé bo Ezipt lɔ. Kɛ be balɛ'n yoli kplilɛ'n ti, b'a kwla nyan-man blɛ b'a minndɛ-man kɛ ble sanmlɛn'n wla ka. B'a kwla fa-man ndidiɛ ninnge b'a tra-man nun.

Ezipt Lɔ Tulɛ'n 8:3

Ezipt lɔ atrɛ yifuɛ'm be fali be tinmin'n be yili atrɛ kunngba sɔ'n wie. Be yoli man klɛ'm be fiteli Ezipt mɛn'n i lika'n kwlaa.

Matthieu 13:33

Ɔ bu nyanndra kun ekun kleli be, ɔ seli kɛ: «Nyanmiɛn sielɛ'n ɔ fa kpaun ayre bɔ bla kun fa guali kpaun nzuɛn b'ɔ kwla ju kilo ablaɔn-nin-nnun nun'n, nan i wunmuan'n ɔ'a wla.»