Ezipt Lɔ Tulɛ'n 12:3 - NYANMIƐN NDƐ'N 1998

³ Amun `ko kan kle Izraɛlfuɛ'm be kwlaa kɛ: ‹Anglo nga i le blu su'n, man awlobo kunngun'm be nun annzɛ sua kunngun'm be nun be `yi bua nga b'a kpɛ cro'n kun annzɛ boli nga b'a kpɛ cro'n kun.

Ezipt Lɔ Tulɛ'n 12:3 ပူးပေါင်းရင်းမြစ်များ

Bo Bolɛ 22:8

Abraam tɛli i su kɛ: «Mín wa, Nyanmiɛn bɔbɔ yɛ ɔ ´man e bua nin-ɔn.» Yɛ be ´kɔ-ɔ.

Bo Bolɛ 4:4

Abɛl kusu kunnin i bua'm be nun ba klikli mun, ɔ fali be luilui lika mun mannin Anannganman. Anannganman klun jɔli Abɛl wun, ɔ sɔli i like ng'ɔ fa mɛnnin i'n nun klanman .

2 Be Nyoliɛ 35:7

Bua nga b'a kpɛ cro'n nin boli nga b'a kpɛ cro'n akpi-akpi ablasan (30.000) ng'ɔ fata kɛ sran sɔ'n be nyɛn i nan b'a fa yi Delɛ-cɛn i tɛ'n, Zozias yɛ ɔ mɛnnin i kwlaa sɔ nin-ɔn. Yɛ ɔ mannin nannin akpi nsan (3.000) ekun.

Ezipt Lɔ Tulɛ'n 12:2

«Anglo ng'ɔ o yɛ'n, ɔ wa yo amun afuɛ nuan'n i bo bolɛ anglo, ɔ ´yo amun afuɛ nuan'n i nun anglo'm be klikli'n.

Ezipt Lɔ Tulɛ'n 12:21

Moiz yiali Izraɛlfuɛ'm be awlobo kpɛnngbɛn mun nan ɔ'a se be kɛ: «Amun `ko fa bua nga b'a kpɛ cro'n annzɛ boli nga b'a kpɛ cro'n mun, amun `kpɛ be kɔmin nan amun nin amun awlofuɛ mun amun `fa di Delɛ-cɛn'n.

Ezipt Lɔ Tulɛ'n 12:4

Sɛ awlo kun nun sran liɛ'm b'a sɔn-man nan be kwla di-man nnɛn wunmuan kun'n, man be nin awlo ng'ɔ mantan be'n bé bo yo kun be fa nnɛn kun. Kɛ be awlo'n nun sran'm be nuan'n fa ti'n, i su yɛ be `nian nan b'a fa nnɛn sɔ nin-ɔn, yɛ be `nian sran kun i nnɛn liɛ ng'ɔ kwlɛ di'n su ekun.

Ezipt Lɔ Tulɛ'n 12:6

Be `sie i lɛ lele anglo'n i le blu le nnan su. Cɛn sɔ'n, i nnɔsua nun'n, man Izraɛl nvle'n nunfuɛ'm be kwlaa be kpɛ be nnɛn nga be kpali be'n be kɔmin.

Ezipt Lɔ Tulɛ'n 14:15

Anannganman usali Moiz kɛ: «?Nguɛ ti yɛ a su flɛ min kɛ n wa uka wɔ nin-ɔn? Se Izraɛlfuɛ'm be kɛ be fa atin'n.

Ezipt Lɔ Tulɛ'n 20:19

Be seli Moiz kɛ: «Ɔ bɔbɔ kan ndɛ'n kle ye. Nán Nyanmiɛn bɔbɔ kan ndɛ'n kle ye kun. Sɛ ɔ'a yo-man sɔ'n, e ´wu .»

Ezipt Lɔ Tulɛ'n 4:30

Aarɔn kannin jasin nga Nyanmiɛn fa wlɛli i Moiz nuan kɛ ɔ `bo kle be'n. Yɛ Aarɔn yili atrɛ mun Izraɛlfuɛ'm be nyrun-ɔn.

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezekiɛl 40:1

Kɛ be trali ye lomuɛn ɔli'n, i afuɛ ablaɔn-nin-nnun su'n i bo bolɛ nun'n, anglo'n i le blu'n, kɛ be sacili Zerizalɛm'n i afuɛ ablanan su'n, cɛn kunngba sɔ nun'n, Anannganman fɛli i fanngan'n ɔ wlali min nun, nan ɔ'a fa min ɔ'a ɔ lɔ.

Saun Yolɛ 1:2

se Izraɛlfuɛ'm be kɛ yoo: «Sɛ cɛn wie amun nun kun waan ɔ ´kunndɛ nnɛn kun yi tɛ man min'n, man ɔ fa nannin, wie kusu-ɔ, ɔ `fa boli annzɛ bua.

Saun Yolɛ 5:6

I sɔ sa tɛ liɛ b'ɔ yoli'n i ti man ɔ `fa bua bla kun, wie kusu-ɔ boli bla kun nan be fa ko yi tɛ man min kɛ n `yaci i wun sa'n n cɛ i. Min nyrun jranfuɛ'n ɔ `fa yi tɛ man n yaci ngbata sefuɛ'n i wun sa n cɛ i.»

Kalɛ 15:11

Blɛ kwlaa nga bɔ sɛ be ´fa nannin o, sɛ bua nene o, sɛ bua bɔ ɔ'a kpɛ cro o, annzɛ boli bɔ ɔ'a kpɛ cro o, be ´fa yi tɛ be ´man min'n, kɛ be `yo i sɔ-ɔ.

Jean 1:29

Kɛ aliɛ cɛnnin'n, Zan wunnin kɛ Jésus su bɛ i wun lɛ nan ɔ'a se kɛ: «An `nian Nyanmiɛn Bua Gbanflɛn'n bɔ wa fɛ i wun yi mɛn'n i ti tɛ'n yɛ .»

Jean 1:36

Kɛ ɔ wunnin Jésus b'ɔ ´sin'n, ɔ seli be kɛ: «An `nian Nyanmiɛn Bua Gbanflɛn'n yɛ.»

Jean 12:1

Kɛ ɔ ka le nsiɛn nan Delɛ-cɛn'n ɔ'a ju'n, Jésus ɔli Betani, lɔ yɛ Lazar b'ɔ cɛnnin i'n wo-ɔ.

Jean 12:12

Kɛ aliɛ cɛnnin'n, sran kpanngban bɔ be bali Delɛ-cɛn'n i dilɛ'n, be tili kɛ Jésus su ba Zerizalɛm lɛ.

1 Korɛntfuɛ Mun 5:7

An `gua kpaun ayre laa'n i ase, nan an yo kpaun uflɛ. Afin an ti kɛ kpaun bɔ b'a gua-man nun kpaun ayre'n sa, yɛ b'a kun Krist b'ɔ ti kɛ e Delɛ-cɛn i bua sa'n.

Zozie 7:14

Ainman nglɛmun amun `bla min ja su akpasua akpasua. Akpasua nga n kle'n, man i nun osu'n be bla kunngun'n be wa sin jranjran. Osu nga n kle'n, man i nun awlo mun be bla kunngun'n be wa sin jranjran.

Sa nglô yile 13:8

Be kwlaa nga be o mɛn'n nun'n, bɔ kɛ be ´bo mɛn'n i bo'n b'a klɛ-man be dunman Bua Gbanflɛn bɔ be kunnin i'n i nguan fluwa nun'n, be ´koto i bo.

1 Samiɛl 7:9

Samiɛl fali bua nga b'a kpɛ cro'n kun. Ɔ fɛli i wunmuan'n yili tɛ nga be yrɛ i nnɛn'n kɔlikɔli'n mannin Anannganman. Izraɛlfuɛ'm be ti, Samiɛl sun flɛli Anannganman. Anannganman kusu tɛli i su.