Ezipt Lɔ Tulɛ'n 12:23 - NYANMIƐN NDƐ'N 1998

²³ Anannganman wa sinsin Ezipt mɛn'n nun, ɔ ´kle Eziptfuɛ'm be nyrɛnnɛn. Sɛ ɔ wun mmoja'n anuan'n i kadri i bue nnyɔn'm bé su, ɔ nin anuan'n i ti su nglo'n, ɔ ´sin, yɛ ɔ man like sacifuɛ'n su wlu-man amún sua'm be nun kɛ ɔ saci like.

Ezipt Lɔ Tulɛ'n 12:23 ပူးပေါင်းရင်းမြစ်များ

2 Samiɛl 24:16

Kɛ anz'n mɛnnin i sa'n su bɔ i waan ɔ saci Zerizalɛm'n, Anannganman kacili aniɛn. Ɔ seli anz b'ɔ su kun sran mun kɛ: «Ɔ'a yo kpa, kan ɔ́ sa'n i ase.» Kɛ ɔ ´yo sɔ'n, wuun Anannganman i anz'n wo Aravna b'ɔ ti Zɛbisfuɛ'n i ble bowlɛ'n wun lɛ.

Zɔb I Nyrɛnnɛn Wunlɛ 14:13

Ee! Min Nyanmiɛn, sɛ ɔ ti kɛ a fa min fia blɔlɔ lɔ-ɔ yo ye'n, wuun n ´fia lɔ cɛ, wuun n ´fia lɔ lele san ɔ ya'n ɔ ´sin. I sin, a ´kle cɛn, sɛ ɔ ju'n, kpɛkuun ɔ́ wla ´kpɛn min su.

Ezipt Lɔ Tulɛ'n 11:4

Moiz seli famiɛn'n kɛ: «Ndɛ nga Anannganman kan'n yɛ: ‹Kɔnguɛ kɛ lika'n wa bu nun'n, n wa sinsin Ezipt mɛn'n nun.

Ezipt Lɔ Tulɛ'n 12:7

Man be sɔ i mmoja'n wie nan be fa klikli sua kwlaa nga be di nnɛn sɔ'n nun'n i anuan'n i kadri'n i fama su nin i bɛ su, ɔ nin i ti su nglo .

Ezai 26:20

Min nvle'n nunfuɛ mun, amun `ko wlu amún sua ba'm be nun, amun `nyin amun sin anuan. Amun `fia lele man Anannganman i ya'n ɔ jɔ ka nan amu'an fite.

Ezai 37:36

Anannganman i anz'n ɔli Asirifuɛ'm be nanmue'n nun. Ɔ ko kunnin sran akpi-akpi ya sran akpi-akpi ablaɔcuɛ-nin-nnun (185.000). Be ´jaso nglɛmun-ɔn, nanmue'n nun ti fuɛn ngunmin.

Ezekiɛl 9:4

Anannganman'n seli bian sɔ'n kɛ: «Wlan Zerizalɛm klɔ'n nun nan be kwlaa nga be su bo awuyomo, bɔ be su kplin tete sa nga sran'm be yo be klɔ'n nun'n be ti'n, klɛ be ngban su nzɔliɛ kun .»

Ezekiɛl 9:6

An `nunnun sran oke o, gbanflɛn o, talua o, ba kanngan mun o, bla mun o. Sanngɛ be nga bɔ be sieli be ngban su nzɔliɛ'n, nán amún sa kan be wie fi. An `bo i bo mín sua'n i nyrun lɛ .» Be boli sran'm be kunlɛ bo kpɛnngbɛn nga be o Nyanmiɛn i sua'n i nyrun lɛ'm be su.

1 Korɛntfuɛ Mun 10:10

Nán an ijɔ amun konviabo kɛ be nun wie'm be ijɔli b'ɔ man wie'n tɔli be nun nunnunnin be'n sa .

Hébreu 11:28

Nyanmiɛn su b'ɔ lafi'n ti, ɔ boli Delɛ-cɛn dilɛ'n bo, yɛ ɔ man be fa mmoja kpɛntɛn-kpɛntɛnnin anuan'm bé su nan anz b'ɔ ´ba talua ba yasua'm be kunlɛ'n ɔ'a kun-man Izraɛlfuɛ'm be liɛ'm be wie .

Hébreu 12:24

nin Jésus b'ɔ ti aenguɛ uflɛ nga Nyanmiɛn waan ɔ nin sran'm be ´tra'n i nun jranfuɛ'n be wun. Jésus mmoja b'ɔ fa kpɛntɛn-kpɛntɛn'n, sɛ ɔ kwla ijɔ'n, wuun ɔ ´kan ndɛ fɛ tra Abɛl liɛ'n .

Sa nglô yile 7:3

«Nán amún sa kan asiɛ'n, nin jenvie'n, ɔ nin waka mun, an `yaci be lɛ lele man e sie Nyanmiɛn i sran'm be nzɔliɛ be ngban su ka .»

Sa nglô yile 9:4

Be seli be kɛ nán man be saci ijre, nin nnya mɔnnɛn, nin waka fi, sanngɛ sran nga be lɛ-man Nyanmiɛn i nzɔliɛ'n be ngban su'n, be seli be kɛ be kle be yalɛ .