Ezipt Lɔ Tulɛ'n 12:2 - NYANMIƐN NDƐ'N 1998

² «Anglo ng'ɔ o yɛ'n, ɔ wa yo amun afuɛ nuan'n i bo bolɛ anglo, ɔ ´yo amun afuɛ nuan'n i nun anglo'm be klikli'n.

Ezipt Lɔ Tulɛ'n 12:2 ပူးပေါင်းရင်းမြစ်များ

Ɛstɛr 3:7

Kɛ be sieli Asieris i famiɛn'n, i afuɛ blu-nin-nnyɔn'n su, i anglo klikli'n bɔ be flɛ Nizan'n, Aman yoli man be tuli fɔtɔ. Be waan be ´kunndɛ anglo nin cɛn nga nun yɛ be ko kun Zuif mun'n. Be tuli anglo nin cɛn'm be kwlaa bé wun fɔtɔ, kpɛkuun ɔ tɔli anglo blu-nin-nnyɔn'n su, be flɛ i kɛ Adar.

Ezipt Lɔ Tulɛ'n 12:1

Anannganman seli Moiz nin Aarɔn Ezipt mɛn'n nun lɔ kɛ:

Ezipt Lɔ Tulɛ'n 12:18

Kɛ ɔ fɛ i anglo klikli'n i le blu le nnan su'n i nnɔsua nun'n, b'ɔ ´fa ju anglo'n i le ablaɔn-nin-kun'n i nnɔsua nun'n, amun `di kpaun nga kpaun ayre nun-man nun'n.

Ezipt Lɔ Tulɛ'n 12:3

Amun `ko kan kle Izraɛlfuɛ'm be kwlaa kɛ: ‹Anglo nga i le blu su'n, man awlobo kunngun'm be nun annzɛ sua kunngun'm be nun be `yi bua nga b'a kpɛ cro'n kun annzɛ boli nga b'a kpɛ cro'n kun.

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 13:4

Abib anglo'n nun yɛ amun fiteli-ɔ.

Ezipt Lɔ Tulɛ'n 23:15

Cɛn klikli ng'ɔ fata kɛ amun di'n yɛlɛ kpaun bɔ b'a gua-man nun kpaun ayre'n i cɛn'n. Afin anglo sɔ'n nun yɛ an jasoli Ezipt lɔ-ɔ. Anglo nga be flɛ i Abib'n nun'n, amun `di cɛn sɔ'n lele cɛn ba nso kɛ n seli amun kɛ an fa yo'n sa. Nán amun fa amún sa ngbɛn bla min lika saun'n nun.

Ezipt Lɔ Tulɛ'n 34:18

Amun `di kpaun bɔ kpaun ayre nun-man nun'n i cɛn'n. Amun `di i cɛn ba nso Abib anglo'n nun. Afin anglo sɔ'n nun yɛ amun tuli Ezipt lɔ-ɔ. Amun `di kpaun nga kpaun ayre nun-man nun'n kɛ n kan kleli amun kɛ amun `di'n sa.

Ezipt Lɔ Tulɛ'n 40:17

Afuɛ nnyɔn su'n, i anglo klikli'n i cɛn ba klikli'n su yɛ be kplannin Nyanmiɛn i tannin sua nin-ɔn.

Ezekiɛl 45:18

Anannganman Nyanmiɛn wan yoo: «Anglo klikli'n i cɛn ba klikli su'n, amun `fa nannin tola bɔ ɔ'a kpɛ cro bɔ lɛ nun-mɛn i wun'n be `yi min lika'n i wun tɛ.

Ezekiɛl 45:21

Anglo klikli'n i cɛn ba blu-nin-nnan'n ɔ ti Delɛ-cɛn i dilɛ, ɔ ti cɛn dilɛ kun bɔ be di i cɛn ba nso, be di kpaun nga kpaun ayre nun-man nun'n.

Saun Yolɛ 23:5

Afuɛ kun nun sra klikli'n i le blu-nin-nnan su'n, nnɔsua nun amun `di Delɛ-cɛn min dunman nun be `man min.

Kalɛ 28:16

«Anglo klikli'n, i cɛn ba blu-nin-nnan su'n ɔ ti Delɛ-cɛn'n b'ɔ ti min liɛ'n i dilɛ blɛ.

Mmla'n 16:1

Kɛ Abib anglo'n ju'n, amun `di Delɛ-cɛn'n amun `fa manman Anannganman amun Nyanmiɛn'n. Afin Abib anglo'n i kɔnguɛ kun nun yɛ amun Nyanmiɛn'n fali amun Ezipt lɔ bali-ɔ.