Ezipt Lɔ Tulɛ'n 12:16 - NYANMIƐN NDƐ'N 1998

¹⁶ Cɛn klikli'n nin cɛn i nso su'n, amun `yia be `su min. Nán amun di junman fi, san amun aliɛ fuɛ'n yɛ amun kwla tɔn-ɔn.

Ezipt Lɔ Tulɛ'n 12:16 ပူးပေါင်းရင်းမြစ်များ

Ezipt Lɔ Tulɛ'n 16:23

Yɛ Moiz seli be kɛ: «I sɔ yɛ Anannganman waan be yo-ɔ. Ainman ti cɛn bɔ i nun yɛ be de wunmiɛn-ɔn. Ɔ ti Anannganman liɛ klonglo. I sɔ'n ti, like nga amun waan amun ´nyintɔn'n, amun `nyintɔn, yɛ like nga amun waan amun ´tɔn'n, amun `tɔn. Kpɛkuun man i onga'n ka lɛ lele aliɛ cɛn su.»

Ezipt Lɔ Tulɛ'n 16:29

Amun si jrɛiin kɛ n fali wunmiɛn-delɛ-cɛn'n m mannin amun kɛ an fa de wunmiɛn. I sɔ'n ti yɛ cɛn'n i nsiɛn su'n, m man amun cɛn nnyɔn aliɛ nga amun ko di nin-ɔn. Cɛn'n i nso su'n, sran kun trɛn i bɔbɔ i awlo lɔ, nán sran fi fite.»

Ezipt Lɔ Tulɛ'n 16:5

Cɛn ba nsiɛn su liɛ'n, kɛ amun wa tɔn nga amun isali'n, amun wa wun i kɛ ɔ ´ju cɛn nnyɔn liɛ.»

Ezipt Lɔ Tulɛ'n 20:10

Sanngɛ cɛn ba'n i nso'n su fuɛ'n, ɔ ti min Anannganman bɔ n ti ɔ Nyanmiɛn'n min wunmiɛn-delɛ-cɛn. Nán di junman fi cɛn sɔ'n nun. Sɛ wɔ bɔbɔ o, sɛ ɔ́ wa bla o, ɔ́ wa yasua o, ɔ́ sa nun junman difuɛ bla o, ɔ́ sa nun junman difuɛ yasua o, ɔ nnɛn o, aofuɛ ng'ɔ tran wɔ awlo o, nán amun wie fi di junman cɛn sɔ'n nun mlɔnmlɔn .

Ezipt Lɔ Tulɛ'n 34:18

Amun `di kpaun bɔ kpaun ayre nun-man nun'n i cɛn'n. Amun `di i cɛn ba nso Abib anglo'n nun. Afin anglo sɔ'n nun yɛ amun tuli Ezipt lɔ-ɔ. Amun `di kpaun nga kpaun ayre nun-man nun'n kɛ n kan kleli amun kɛ amun `di'n sa.

Ezai 1:13

Amun `yaci sraka ninnge ngbɛn'm be fa balɛ. Ansans bɔ amun yra be man min'n, ɔ yo min tɛ. Anglo le kun cɛn mun, nin wunmiɛn-delɛ-cɛn mun, ɔ nin cɛn dilɛ uflɛ nga sran'm be kwlaa be yia be di'n, n kwla suan-man bé bo kun sa tɛtɛ bɔ amun nyinfu amun yo be cɛn sɔ'm be nun'n ti.

Saun Yolɛ 23:21

Junman nga amun di i titi'n, i cɛn sɔ'n nun nán man amun di. Amun `yia min dunman nun nan amun `su min. Mmla ng'ɔ o lɛ'n, kan kwlaa nga bɔ amun wo'n, amun `di bé su titi, nán amun `yi be ase.

Saun Yolɛ 23:27

«Anglo nso'n i cɛn ba blu'n su'n, man ɔ `yo sa tɛ i ti srɛlɛ cɛn dan. Amun `yia min dunman nun, yɛ amun `ci nglɛmun nan tɛ nga be yi-ɔ be yrɛ i nnɛn'n, amun `yi be man min.

Saun Yolɛ 23:35

I cɛn ba klikli'n, amun `yia min dunman nun nan amun `su min. Junman nga amun di i titi'n, nán amun di.

Kalɛ 28:18

Cɛn ba klikli'n su'n, amun `yia nan amun `su min. Nán amun di amun junman nga amun di i titi'n.

Kalɛ 28:25

Cɛn ba nso'n su'n, amun `yia ekun, yɛ amun `manman min, nán amun di junman fi.»

Kalɛ 28:26

«Cɛn ng'ɔ ti ninnge'm be mma klikli'n i cɛn'n, bɔ i nun yɛ amun fa amun fie'n su ninnge'm be mma uflɛ-uflɛ'm be man min'n, amun le mɔcuɛ cɛn dilɛ blɛ'n nun'n, amun `yia nan amun `su min, nán amun di junman fi.

Kalɛ 29:1

«Anglo nso su'n i cɛn ba klikli'n su'n, amun `yia, amun `su min. Nán amun di junman fi. Ɔ ti bo srolɛ cɛn.

Kalɛ 29:12

«Anglo nso su'n i cɛn ba blu-nin-nnun su'n, amun `yia nan amun `su min, nán amun di junman fi. Amun `di cɛn, amun `manman min lele cɛn ba nso.

Jean 19:31

Zuif'n be ko srɛli Pilat kɛ ɔ yo man be bubu be nga be boboli be'n bé ja'n nan be yi be waka'n su, afin cɛn sɔ'n ti ya cɛn. Ya cɛn'n yɛ Zuif'm be fa buabua bé wun-ɔn, yɛ be klo-man kɛ be `yaci be lɛ man wunmiɛn-delɛ-cɛn'n to be lɛ yɛlɛ kɛ wunmiɛn-delɛ-cɛn kun sɔ'n ti bé cɛn dan.

Mmla'n 16:8

Amun `di kpaun nga kpaun ayre nun-man nun'n cɛn ba nsiɛn. I le nso'n su'n, amun `yia be manman Anannganman amun Nyanmiɛn'n. Cɛn sɔ'n nun nán amun yo junman fi.