Ezipt Lɔ Tulɛ'n 12:14 - NYANMIƐN NDƐ'N 1998

¹⁴ Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 12:14 ပူးပေါင်းရင်းမြစ်များ

2 Famiɛn Mun 23:21

Famiɛn'n seli Zidafuɛ'm be kwlaa kɛ: «Amun `di Delɛ-cɛn'n be `fa manman Anannganman amun Nyanmiɛn'n, kɛ ɔ ti klɛwa aenguɛ nga Anannganman nin ye trali'n i fluwa ng'ɔ o yɛ nun'n sa.»

Jue Mun 111:4

Ɔ klo kɛ be nyin ´kpɛn atrɛ ng'ɔ yi'n bé su. Anannganman yaci sa cɛ, ɔ si aunnvuɛ.

Jue Mun 135:13

Anannganman, ɔ dunman'n wo lɛ titi, ɔ mlin-man le.

Ezipt Lɔ Tulɛ'n 12:17

Amun `di kpaun bɔ kpaun ayre nun-man nun'n i cɛn'n, nan amún wla `kpɛn cɛn bɔ min man amun tuli Ezipt lɔ'n su. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi be `fa kpɛn amún wun wla. Ɔ ti mmla kun bɔ be kwla kaci-mɛn i.

Ezipt Lɔ Tulɛ'n 12:24

Amun nin amun osu nunfuɛ mun amun `fa mmla nga'm be su tititi.

Ezipt Lɔ Tulɛ'n 12:43

Anannganman seli Moiz nin Aarɔn be kɛ: «Delɛ-cɛn'n i dilɛ'n i su mmla nga n ´fa man amun'n yɛ: Aofuɛ fi lɛ-man atin kɛ ɔ di Delɛ-cɛn aliɛ'n wie.

Ezipt Lɔ Tulɛ'n 12:6

Be `sie i lɛ lele anglo'n i le blu le nnan su. Cɛn sɔ'n, i nnɔsua nun'n, man Izraɛl nvle'n nunfuɛ'm be kwlaa be kpɛ be nnɛn nga be kpali be'n be kɔmin.

Ezipt Lɔ Tulɛ'n 23:15

Cɛn klikli ng'ɔ fata kɛ amun di'n yɛlɛ kpaun bɔ b'a gua-man nun kpaun ayre'n i cɛn'n. Afin anglo sɔ'n nun yɛ an jasoli Ezipt lɔ-ɔ. Anglo nga be flɛ i Abib'n nun'n, amun `di cɛn sɔ'n lele cɛn ba nso kɛ n seli amun kɛ an fa yo'n sa. Nán amun fa amún sa ngbɛn bla min lika saun'n nun.

Ezipt Lɔ Tulɛ'n 27:21

Man Aarɔn nin i mma'm be jin like nga be taka kannin'm bé su'n tannin sua'n nun lɔ. Be `jin i rido ng'ɔ kpɛ min alaka'n i nyin'n i nyrun lɛ. Man kannin'm be jue min nyrun lɛ nnɔsua lele nglɛmun. Man i sɔ mmla liɛ'n yo Izraɛlfuɛ nga be o lɛ ndɛkɛn kɛ e ´se yɛ'n nin be nga be wa jaso su'n be kwlakwla be liɛ. Ɔ fata kɛ be osu'n nunfuɛ'm be fa su tititi.»

Ezipt Lɔ Tulɛ'n 5:1

Kɛ ɔ yoli sɔ'n, Moiz nin Aarɔn be ko toli Ezipt famiɛn'n yɛ be seli i kɛ: «Ndɛ nga Anannganman b'ɔ ti Izraɛl Nyanmiɛn'n kan'n yɛ. I waan a yaci i sran'm be nun man be wɔ aawlɛ flɛnnɛn'n nun lɔ be ko di cɛn be mɛnmɛn i.»

Ezekiɛl 46:14

Nglɛmun kwlaa be `fa ble sanmlɛn kilo nnun nan be fa ngo litri nnyɔn be fɔtɔ i be man Anannganman. I sɔ mmla liɛ'n, ɔ ´yo adudua, yɛ be ´yo i sɔ tititi.

Saun Yolɛ 23:6

Sra kunngba'n i le blu-nin-nnun'n su'n, be `bo kpaun nga be gua-man nun kpaun ayre'n i cɛn dilɛ'n i bo. Kɛ ɔ fɛ i sɔ lele b'ɔ ´fa di cɛn ba nso'n, kpaun nga be ´di'n, nán be gua nun kpaun ayre.

Zakari 6:14

Sika kle'n ɔ ´ka min sua'n nun, ɔ ´yo Ɛldai, nin Tɔbiza, nin Zɛdaɛza, ɔ nin Ɛn b'ɔ ti Sofoni i wa'n be wla kpɛnlɛ like, nin i nzɔliɛ.»

Kalɛ 10:8

Aarɔn i osu'n nun sran'm be ngunmin cɛ yɛ be lɛ atin be bo awɛ nin-ɔn. Ɔ ti mmla kun bɔ amun bɔbɔ nin amun mma mun amun `fa su tititi.

Kalɛ 15:15

Mmla kunngba nga Izraɛlfuɛ'm be kwlaa be di su'n, yɛ aofuɛ'm be kusu be `di su-ɔ. M bɔbɔ min Anannganman n kpa-man sran'm be nun. Wafa nga n fa bu Izraɛlfuɛ mun'n yɛ n fa bu aofuɛ mun-ɔn.

Kalɛ 18:8

Anannganman seli Aarɔn kɛ: «Nian, cɛlɛ ninnge kwlaa nga Izraɛlfuɛ'm be fa man min'n, bɔ be yra-man be'n, wɔ yɛ a ti be sunianfuɛ-ɔ. N fa be m mannin wɔ, ɔ liɛ lika'n yɛ ɔ o lɛ-ɔ. I sɔ ninnge'm be ti a nin wɔ osu nunfuɛ mun amun liɛ tititi.

Matthieu 26:13

Nanwlɛ, mɛn wunmuan'n nun'n, lika kwlaa nga be ´bo jasin fɛ nga'n, be ´kan sa nga bla nga yoli'n wie kɛ bé wla `kpɛn i su.»

JÉSUS-CHRIST I DYASIN FE'N BO LUC KLELI'N 22:19

I sin ɔ fali kpaun, kɛ ɔ lali Nyanmiɛn ase'n, ɔ bubuli nun fa mannin be, ɔ seli kɛ: «Kpaun ng'ɔ o yɛ'n ti min wunnɛn i nzɔliɛ, [amun ti yɛ n su fa man-an. An `yo i kɛ nga n ´yo i yɛ'n sa, man amún wla kpɛn n su.»

Mmla'n 16:1

Kɛ Abib anglo'n ju'n, amun `di Delɛ-cɛn'n amun `fa manman Anannganman amun Nyanmiɛn'n. Afin Abib anglo'n i kɔnguɛ kun nun yɛ amun Nyanmiɛn'n fali amun Ezipt lɔ bali-ɔ.

Mmla'n 16:11

Amun nin amun mma yasua mun, nin amun mma bla mun, nin amun kanga yasua mun, nin amun afanniɛn bla mun, nin Levifuɛ nga amun nin be tran lɛ mun'n, nin aofuɛ nga be sike amun'n, nin aika mma mun, ɔ nin angboti bla nga be nin amun o likawlɛ lɛ'n, amun `wɔ lika nga Anannganman amun Nyanmiɛn'n ko kle kɛ lɛ yɛ ɔ ´tran'n nun lɔ, nan amun `ko di cɛn i nyrun lɔ.

Mmla'n 6:8

Amun `fa cici amún sa kɛ nzɔliɛ sa, amun `fa wie sie amun ngban su amun nyinma nnyɔn'm be afiɛn.

Zozie 4:7

Amun `se be kɛ: ‹Kɛ be ´fa Anannganman i alaka'n kpɛ Zurdɛn nzue'n, nzue nun'n kpɛli. Nzue'n nun kpɛli sakpa Nyanmiɛn i alaka'n i nyrun. I sɔ'n ti, yɛbuɛ sɔ'm be ti Izraɛlfuɛ'm be wla kpɛnlɛ like tititi.› »

1 Samiɛl 30:25

Kɛ ɔ fɛ i le kun sɔ nun'n, David fa kacili mmla Izraɛl lɔ. Kɛ e ´se ndɛ yɛ'n be tɛ di su.