Ezipt Lɔ Tulɛ'n 11:8 - NYANMIƐN NDƐ'N 1998

⁸ Kpɛkuun ɔ mantanfuɛ nga be o yɛ'n be kwlaa be wa koto mín bo sa klo, yɛ be ´se min kɛ: ‹A nin ɔ sran mun amun `wɔ,› kpɛkuun, wuun n su kɔ.» Moiz fali ya dan kpa nan ɔ'a jaso famiɛn'n i awlo lɔ ɔ'a ɔ.

Ezipt Lɔ Tulɛ'n 11:8 ပူးပေါင်းရင်းမြစ်များ

1 Famiɛn Mun 20:10

Yɛ i kusu toli Akab ngaliɛ kɛ: «Sɛ Samari lɔ ndutre'n yi min sran nga be su min su'n be kwlaa bé sa buɛ'n cɛ'n, man amuɛn'm be kun min.»

2 Famiɛn Mun 3:9

Yɛ Izraɛl famiɛn'n nin Zida famiɛn'n, ɔ nin Edɔm famiɛn'n be ɔli-ɔ. Be nantili cɛn nso, kpɛkuun nzue nga alɛ kunfuɛ mun, nin nnɛn nga be nin be kɔ'n be ko nɔn'n yɛ ɔ'a wie yɛ.

Neemi 5:6

Kɛ n tili be ndɛ sɔ'n, ɔ nin be klun lɔ akpue bɔ be yi fiteli su'n, n fali ya dan kpa.

Jue Mun 6:1

Jue nga ti David liɛ. Ɔ o jue tofuɛ'm be su kpɛn'n i fluwa'm be nun wie. Kɛ be ´to'n, be bo like b'ɔ ti kɛ jru sa'n i wie. I waan be `fa jru ng'ɔ lɛ nyanman mɔcuɛ'n. I waan:

Ezipt Lɔ Tulɛ'n 10:29

Moiz seli i kɛ: «M'an ti. Yɛ ɔ nuan'n wo su a kɛn i lɛ-ɔ, n su ba-man ɔ nyrun wa kun.»

Ezai 49:23

Famiɛn'm be wa kaci amún si, yɛ bé yi'm be wa ta amun. Be ´koto yɛ be ´utu bé nyin ase amún bo, be ´tafitafi amun ja wun ndutre'n, yɛ amun wa wun i wlɛ jrɛiin kɛ min yɛ n ti Anannganman nin-ɔn. I liɛ'n, be nga be ´fa bé wla gua min su'n, nyannzuɛn su kun-man be.

Ezai 49:26

N ´yo man be nga be kle amun yalɛ'n, be ´di be bɔbɔ be wunnɛn'n, yɛ be ´nɔn be bɔbɔ be mmoja'n be ´bo kɛ be nɔn nzan lɔflɛ'n be bo'n sa. Yɛ sran'm be kwlaa be ´si kɛ min Anannganman min yɛ n de amun-ɔn, yɛ be ´si kɛ min bɔ n ti Zakɔb i Nyanmiɛn bɔ n kwla'n, min yɛ n kpɔ amún ti-ɔ.»

Ezekiɛl 3:14

Wawɛ ng'ɔ mannin min su nglo'n fali min ɔli. Kɛ n ´kɔ'n, min akunndan sanngannin, mín wla ti-man ase guawa, afin Anannganman'n i fanngan ng'ɔ o mín su'n ti dan yɛ n kwla suɛn-mɛn i bo.

Daniɛl 3:19

Nɛbikadnɛzar fali ya dan kpa trali su, i ti ɔ'a kwla di-man amlin Sadrak, nin Mesak, ɔ nin Abɛd-Nego bé wun kun. I waan be `ko trɔ sin'n nuan nan man i dan tra nga be `trɔ i titi'n sɔ kpɛ nso.

Kalɛ 12:3

Moiz kusu ti sran kun b'ɔ ti wun ase kanfuɛ dan, asiɛ nga su wa sran fi to-mɛn i wun ase kanlɛ'n nun.

Marc 3:5

Be ketelɛ bɔ b'a kete'n yoli i ya lele ɔ boli i wla, yɛ ɔ nian-niannin be ya su, kpɛkuun ɔ seli bian'n kɛ: «Tinngɛ ɔ́ sa'n nun.» Ɔ tinngɛli i sa'n nun nan i sa sɔ'n ɔ'a yo kpa kɛ laa'n sa.

Mmla'n 29:24

Kpɛkuun be ´tɛ bé su kɛ: «Aenguɛ nga be nannan'm be Nyanmiɛn'n nin be trali blɛ nga b'ɔ yi be Ezipt lɔ ´fite'n, b'a di-man su.

Mmla'n 32:24

Awe'n ɔ ´kpɛn bé su, be ´glɔ, jɛkuajo nin tukpacɛ tɛtɛ'm be ´yo be. Kpɛkuun n ´yo man nnɛn wlɛfuɛ wie'm be wlu be nun, yɛ wuo nga be lɛ bɔyre'm be ´ka be.

Hébreu 11:27

Nyanmiɛn su b'ɔ lafi'n ti, kɛ ɔ jao Ezipt famiɛn wlɛfuɛ'n wun lɔ'n, srɛ a kun-mɛn i, afin ɔ trɛ i anwlɛn, ɔ ti kɛ ɔ'a wun Nyanmiɛn bɔ be wun-mɛn i'n sa .

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .

Jɔlɛ Difuɛ Mun 4:10

Barak flɛli Zabilɔn nin Nɛftali be akpasua'n su sran mun Kedɛs lɔ. Sran akpi blu (10.000) be su i su, Debora su i su wie.

Jɔlɛ Difuɛ Mun 8:5

Yɛ ɔ seli Sikɔtfuɛ'm be kɛ: «Amun `yaci, amun `man sran nga e nin be ba mun be kpaun. B'a fɛ, sanngɛ be tɛ fuan Zebak nin Zalmɔna bɔ be ti Madian famiɛn'n.»