Ezipt Lɔ Tulɛ'n 11:3 - NYANMIƐN NDƐ'N 1998

³ Anannganman yoli man Eziptfuɛ'm bé nyin yili Izraɛlfuɛ mun. Moiz bɔbɔ kpa'n yoli sran dan kpa kun Ezipt mɛn'n nun Ezipt famiɛn'n i mantanfuɛ'm be nyrun, ɔ nin nvle wunmuan'n i nyrun.

Ezipt Lɔ Tulɛ'n 11:3 ပူးပေါင်းရင်းမြစ်များ

Bo Bolɛ 12:2

N ´yo man ɔ osu'n wa yo nvle dan kun, n ´yo wɔ ye, n ´yo man ɔ dunman'n ´fu. Ɔ dunman nun ti n ´yo sran'm be ye.

Bo Bolɛ 39:21

Anannganman nin Zozɛf o nun. Ɔ yoli i kpa, ɔ man i wun yoli bisua su kpɛn'n i fɛ.

2 Samiɛl 7:9

Like kwlaa nga a ´yo'n, e nin wɔ-ɔ. N nunnunnin ɔ kpɔfuɛ'm be kwlaa ɔ nyrun. N yoli man ɔ dunman'n ɔ'a fu kɛ asiɛ'n su sran dandan'm be liɛ'n sa.

Ɛstɛr 9:4

Afin Mardose yɛ ɔ nyannin nyrun famiɛn'n i mantanfuɛ'm be nun-ɔn. Be tili i dunman'n akpasua'n kwlaa su. I dunman'n fu ɔli i nyrun titi.

Jue Mun 106:46

Ɔ yoli man be nga be trali be lomuɛn'n, be kwlaa be sili be aunnvuɛ.

Ezipt Lɔ Tulɛ'n 12:35

Like nga Moiz waan Izraɛlfuɛ'm be yo'n, be yoli. Be srɛli Eziptfuɛ'm be sika ɔkwlɛ ninnge mun nin jɛtɛ ufue ninnge mun, ɔ nin tralɛ mun.

Ezipt Lɔ Tulɛ'n 12:36

Anannganman man Eziptfuɛ'm be yoli Izraɛlfuɛ'm be ye. Be fali ninnge nga be srɛli i bé sa nun'n be mannin be. Kɛ be deli bé bo ninnge'n kɛ nga sa.

Ezipt Lɔ Tulɛ'n 3:21

N ´yo man Eziptfuɛ'm be ´yo amun ye, ɔ man amun su fa-man amún sa ngbɛn kɔ-man.

Ezai 60:14

Be nga be yoli wɔ tɛtɛ'n, be mma'm be ´ba ɔ nyrun, yɛ be ´kluklu bé ti'n, yɛ be kwlaa nga be yoli wɔ finfin'n, be ´koto ɔ́ bo, be ´flɛ wɔ kɛ Anannganman i Klɔ, be ´flɛ wɔ ekun kɛ Izraɛl Nyanmiɛn'n i Siɔn'n .

Sa nga bé yôli'n 7:22

Eziptfuɛ'm be kleli Moiz be ngwlɛlɛ'n kwlaa, ɔ si ijɔ kpa, yɛ ɔ yoli sran waka-waka.

Mmla'n 34:10

Kɛ ɔ fɛ i lɛ'n, Nyanmiɛn nuan ijɔfuɛ bɔ Anannganman jran sa ɔ nin i koko yalɛ kɛ Moiz liɛ'n sa'n, b'a wun-mɛn i sɔ Izraɛl mɛn'n nun kun.

Mmla'n 34:11

Abonuan sa mun nin atrɛ nga Anannganman sunmɛnnin i kɛ ɔ ko yo be Ezipt mɛn'n nun lɔ'n be yoli dan. Ɔ yoli be Ezipt famiɛn'n, nin i mantanfuɛ mun, ɔ nin sran'm be kwlaa be nyrun.

Zozie 4:14

I le kun sɔ'n nun Anannganman mannin Zozie kɔmin su Izraɛlfuɛ'm be nyrun. Kɛ ɔ fin i lɛ'n, bé nyin yili i tititi kɛ be nyin fa yili Moiz'n sa.

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .