Ezipt Lɔ Tulɛ'n 10:7 - NYANMIƐN NDƐ'N 1998

⁷ Famiɛn'n i mantanfuɛ'm be seli famiɛn'n kɛ: «?Mantuan sɔ'n ´kle e nyrɛnnɛn sa lele ´ju cɛn onin? ?Sɛ ɔ ti sɔ-ɔ, wuun yaci Izraɛl yasua'm be nun nan be ko su Anannganman be Nyanmiɛn sɔ'n? ?A wun-man kɛ Ezipt mɛn'n su saci?»

Ezipt Lɔ Tulɛ'n 10:7 ပူးပေါင်းရင်းမြစ်များ

Jue Mun 107:34

Ɔ fa mɛn bɔ i asiɛ'n ɔ ti kpa'n ɔ kaci njin lika , i nunfuɛ'm be wlɛ'n ti.

Ezipt Lɔ Tulɛ'n 12:33

Eziptfuɛ'm be buli i kɛ wuun be kwlaa be su wa wie wu, i sɔ'n ti, be suli Izraɛlfuɛ'm bé bo kɛ be jaso be mɛn'n nun.

Ezipt Lɔ Tulɛ'n 23:33

Nán amun kplin be su kɛ be tran amun mɛn'n nun kɛ ɔ ´yo nan b'a laka-man amun nan amu'an fɔn-man mín wun'n ti. Afin sɛ amun su be amuɛn mun'n, wuun amu'an tɔ amuɛn sɔlɛ aya'n nun.»

Ezipt Lɔ Tulɛ'n 7:5

N ´yi n tinmin'n i nglo n kle Eziptfuɛ mun. N ´fa Izraɛlfuɛ mun Eziptfuɛ'm be afiɛn n ´fite. Yɛ Eziptfuɛ'm be wa wun i wlɛ weiin kɛ min yɛ n ti Anannganman nin-ɔn.»

Ezipt Lɔ Tulɛ'n 8:19

N wa yo man nyrɛnnɛn ng'ɔ ´ju amún su'n, ɔ su ju-man min sran liɛ'm be su wie. Abonuan sa sɔ'n wa ju ainman.› »

Nyanndra Mun 29:6

Klunwifuɛ'n i sa ng'ɔ yo'n ɔ ti i bɔbɔ wun aya yɛ ɔ sua-a. Sran kpa'n kusu i klun jɔ lele bobo su.

Akunndanfuɛ'n 7:26

N wunnin kɛ bla nga ɔ sua yasua'm be wun aya'n, ɔ wla sran nyrɛnnɛn nun tra wie b'ɔ kun sran'n. Klolɛ ng'ɔ se kɛ ɔ klo yasua'n ɔ ti kɛ aya sa, yɛ i sa'n ɔ ti kɛ jrɔkɔ sa yɛ ɔ fa ci i-ɔ. Sanngɛ sran ng'ɔ klo Nyanmiɛn'n, i sɔ bla'n kwla nyɛn-mɛn i, san sran ng'ɔ yo sa tɛ'n yɛ ɔ kwla nyɛn i-ɔ.

Ezai 14:20

Sanngɛ ɔ liɛ'n, a su to-man be asieliɛ lɔ, afin a sacili ɔ mɛn'n, a kunnin ɔ nvle'n nun sran mun. Ɔ osu'n nunfuɛ mun, klunwifuɛ sɔ mun, be su bo-man be dunman be di-man jɔlɛ kun le.

Ezai 51:9

Min Min, jaso! Jaso ndɛndɛ! Sɛ ɔ fanngan'n ti kɛ tralɛ sa'n, wuun n ´se kɛ a `wlɛ i kɛ laa'n sa! Jaso kɛ laa blɛ nun'n sa! Jaso kɛ sran laa'm bé blɛ'n su'n sa! ?Nán wɔ yɛ a yili Eziptfuɛ'm be ase nin-ɔn? ?Nán wɔ yɛ a boli jenvie nun dragɔn i kannin nin-ɔn?

Zeremi 48:4

Moab liɛ ɔ'a wie. Be ti lɔ ba kanngan'm be kpankpanlɛ.

Zeremi 51:8

Kpɛkuun Babilɔni yɛ ɔ'a a tɔ yɛ, yɛ klowa'n yɛ ɔ'a bo yɛ. Be `sun i! Be `kunndɛ ayre tɛ i kannin'n nun. Sɛ i kannin sɔ'n ɔ ´fafa mɛn i o !

Sofoni 1:18

Anannganman i ya cɛn dan nun'n, be sika nin be sika ɔkwlɛ'n be su kwla de-man be. I ya b'ɔ ti kɛ sin sa'n, ɔ ´nunnun mɛn wunmuan'n. Ee, nanwlɛ, ɔ ´yo kekle o! Anannganman ´nunnun asiɛ'n su sran'm be ngba sekeseke .

1 Korɛntfuɛ Mun 7:35

Nán amun nganzua sualɛ ti yɛ n kɛn i sɔ-ɔ, sanngɛ amun ye yolɛ ti-ɔ, n kɛn i sɔ amun kpa yolɛ'n ti nan kɛ amun nin e Min'n ´tran'n, like fi a sanngan-man amun akunndan.

Zozie 23:13

i liɛ'n, amun `si jrɛiin kɛ Anannganman b'ɔ ti amun Nyanmiɛn'n, ɔ ´yaci be fuanlɛ amun nyrun, kpɛkuun be wa yo kɛ aya wie annzɛ tɛ wie sa be ´tra amun. Be wa kle amun yalɛ kɛ ngble yɛ be su fa bo amún wia sin sa, wie kusu-ɔ, kɛ owie b'ɔ su wɔ amun nyinma'm bé su sa lele san amun ´wu mɛn klanman sɔ'n bɔ Anannganman b'ɔ ti amun Nyanmiɛn mannin amun'n i nun.

1 Samiɛl 18:21

Ɔ seli i klun lɔ kɛ: «N ´fa Mikal m ´mɛn i n ´fa suɛ i aya man Filistifuɛ'm be nyɛn be kun i.» Ɔ man Sail seli David i kpɛ nnyɔn su kɛ ɔ yo i sia.

1 Samiɛl 5:11

Be sunmannin sran kɛ be ko flɛ Filistifuɛ'm be kpɛnngbɛn'm be ngba. Kɛ be bali'n, be seli be kɛ: «Amun `fa Izraɛlfuɛ'm be Nyanmiɛn'n i alaka'n be sɛ i sin i osu, kɛ ɔ yo nan ɔ'a kun-man e nin e nvlefuɛ mun ti.» Kɛ ɔ ´yo sɔ'n, wuun be wun-mɛn i yowlɛ bɔ kunngba klɔ'n nun, b'a wu be klun sɔ mlɔnmlɔnmlɔn'n, wuun Nyanmiɛn kle-man be yalɛ ngowa.