Ezipt Lɔ Tulɛ'n 10:24 - NYANMIƐN NDƐ'N 1998

²⁴ Famiɛn'n flɛli Moiz nan ɔ'a se i kɛ: «Amun `ko su Anannganman. Amún yi mun nin amun mma mun bɔbɔ be `wɔ wie, san amun nannin mun, nin amun bua mun, ɔ nin amun boli mun yɛ be ´ka wa-a.»

Ezipt Lɔ Tulɛ'n 10:24 ပူးပေါင်းရင်းမြစ်များ

Bo Bolɛ 34:23

I liɛ'n be nnɛn nin bé bo ninnge'm be ´yo e liɛ mlɔnmlɔn. Nan i ti-ɔ, amun man e kplin nga be kannin'n su nan be nin e tran.»

Ezipt Lɔ Tulɛ'n 10:25

Moiz tɛli i su kɛ: «N kplin-man su. Ɔ bɔbɔ a wa man e nnɛn nga e ´fa yi bo kun yolɛ i su tɛ mun nin tɛ nga be yra be nnɛn kɔlikɔli'n be fa man Anannganman'n.

Ezipt Lɔ Tulɛ'n 8:25

Moiz seli i kɛ: «Kɛ n ´jaso ɔ́ wun wa n ´kɔ yɛ'n, n ko srɛ Anannganman. Ainman, wɔ o, ɔ mantanfuɛ mun o, ɔ nvlefuɛ mun o, amun su wun-man ngɔnsiɛn'm be kun, be ´kɔ. Sanngɛ nán laka e kun. Nán tannin Izraɛlfuɛ'm be atin kɛ nán be wɔ be ko yi tɛ'n be man be Nyanmiɛn'n.»

Ezipt Lɔ Tulɛ'n 8:28

Kɛ ɔ yoli sɔ'n, famiɛn'n wa keteli i anwlɛn'n ekun. I waan ɔ yaci-man Izraɛlfuɛ'm be nun nan be kɔ-man.

Ezipt Lɔ Tulɛ'n 8:8

Moiz nin Aarɔn be fin Ezipt famiɛn'n i awlo'n nun lɔ fiteli. Moiz ko srɛli Anannganman kɛ ɔ de famiɛn'n klɛ'm be yalɛ bɔ be kle i'n nun.

Ezipt Lɔ Tulɛ'n 9:28

Amun `kpata Nyanmiɛn be man min nan ngblannan nin nzraama'n be jran. N su tra-man amun ase kun. M ´man amun atin amun ´kɔ.»