Ezipt Lɔ Tulɛ'n 10:23 - NYANMIƐN NDƐ'N 1998

²³ Cɛn nsan sɔ nun'n, Eziptfuɛ'm be kwla wun-man be wiengu, i sɔ'n ti sran fi tu-mɛn i bo i awlo'n nun. Sanngɛ kan Izraɛlfuɛ'm be tran lɛ'n ti weiin.

Ezipt Lɔ Tulɛ'n 10:23 ပူးပေါင်းရင်းမြစ်များ

Ezipt Lɔ Tulɛ'n 14:20

Sin wɛnsrɛn sɔ'n wo Eziptfuɛ'm be nin Izraɛlfuɛ'm be afiɛn. I bue kun ti aosin, yɛ i bue kun kusu kpaja kɔnguɛ, ɔ man be bue nnyɔn b'a kwla mantan-man be wiengu kɔnguɛ wunmuan'n nun.

Ezipt Lɔ Tulɛ'n 7:25

Kɛ Nyanmiɛn i sa kannin Nil nzue'n, nzue'n kali sɔ lele cɛn ba nso.

Ezipt Lɔ Tulɛ'n 8:18

Sanngɛ cɛn sɔ'n nun'n, n ´yi Gozɛn i lika'n nun, afin lɔ yɛ min nvle nunfuɛ'm be tran-an. Ngɔnsiɛn'm be su tran-man lɔ wie. N ´yo i sɔ nan a si kɛ min Anannganman n wo mɛn nga nun.

Ezipt Lɔ Tulɛ'n 8:19

N wa yo man nyrɛnnɛn ng'ɔ ´ju amún su'n, ɔ su ju-man min sran liɛ'm be su wie. Abonuan sa sɔ'n wa ju ainman.› »

Ezipt Lɔ Tulɛ'n 8:22

Moiz tɛli i su kɛ: «Cɛcɛ, e kwla yo-mɛn i sɔ, afin nnɛn nga bɔ e fa yi tɛ man e Nyanmiɛn'n ti tete like Eziptfuɛ'm be nyrun. ?Yɛ sɛ e yi i sɔ tɛ ng'ɔ ti be nyrun tete like'n be nyrun wa'n, be su to-man e yɛbuɛ?

Ezipt Lɔ Tulɛ'n 9:26

San Gozɛn lika liɛ'n, kan Izraɛlfuɛ'm be tran lɔ'n cɛ yɛ ɔ kali lɛ-ɔ.

Ezipt Lɔ Tulɛ'n 9:4

Sanngɛ ɔ wa sie nnɛn nga be ti Izraɛlfuɛ'm be liɛ'n ɔ nin nga be ti Eziptfuɛ'm be liɛ'n be afiɛn ngbaciɛ. Izraɛlfuɛ'm be nnɛn'm be nun kun sa su wu-man.

Ezai 42:16

N ´fa anyansifuɛ mun n sin atin nin atin mma kanngan nga be si-man be laa'n be nun. N ´kaci aosin ng'ɔ o be nyrun'n kɛ like b'ɔ kpaja'n sa. Yɛ lika nga be ti kolokolo'n, be ´kaci lika kpɛkplɛkpɛ. Sa nga n ´yo be'n be yɛ be o lɛ-ɔ. Yɛ n su kpɔci-man be.

Amɔs 4:7

Kɛ ble kpɛlɛ blɛ'n ka sra nsan nan ɔ'a ju'n, yɛ n jrannin nzue'n amun su-ɔ. N tɔli nzue'n klɔ wie'm be su. Klɔ wie'm be kali lɛ. Nzue'n tɔli fie wie'm be su, sanngɛ wie'm be kali lɛ, be wuli kee.» Anannganman'n yɛ ɔ kan sɔ kle amun-ɔn.

Malasi 3:18

Kpɛkuun amun ´wun ngbaciɛ ng'ɔ o sran kpa nin sran ng'ɔ bu-man Nyanmiɛn nin i nuan ndɛ'n be like fi'n be afiɛn'n, ɔ nin ngbaciɛ ng'ɔ o sran ng'ɔ su Nyanmiɛn nin sran ng'ɔ su-man Nyanmiɛn'n be afiɛn'n.»

Kolɔsfuɛ Mun 1:13

Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

Zozie 24:7

Yɛ be kpan flɛli min kɛ n `uka be, nan m'an fa nyanmiɛn ble m'an sie amun nvlefuɛ'm be nin Eziptfuɛ'm be afiɛn. I sin, n yoli man nzue'n katali Eziptfuɛ'm bé su. Ɔ dili be. Amun bɔbɔ amun si sa nga n fa yoli Eziptfuɛ mun'n. Kɛ ɔ yoli sɔ'n, amun nvle'n cɛli aawlɛ flɛnnɛn nun kpa,

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .