Ezipt Lɔ Tulɛ'n 10:21 - NYANMIƐN NDƐ'N 1998

²¹ Anannganman seli Moiz kɛ: «Man ɔ́ sa'n su nglo! Man aosin wla Ezipt mɛn'n nun, man ɔ wla kpa tritri ɔ ´yo kpikplikpi kpa kɛ like bɔ be kɛn i-ɔ ɔ yo ye'n sa.»

Ezipt Lɔ Tulɛ'n 10:21 ပူးပေါင်းရင်းမြစ်များ

Zɔb I Nyrɛnnɛn Wunlɛ 5:14

Wia kpa nun'n, aosin'n ɔ wla be su tritritri. Be ´nanti-ɔ, bé ja kplakpla, kusu wuun wia'n wo bé ti afiɛn.

Jue Mun 105:28

Moiz nin Aarɔn b'a kpalo-man Nyanmiɛn i nuan ndɛ'n. Nyanmiɛn man aliɛ sannin, yɛ ɔ man lika'n dunnin tritritri.

Jue Mun 35:6

Kɛ Anannganman i anz'n ´su be su'n, man aosin'n dun be atin'n su, yɛ man atin sɔ'n ɔ yo ndrɔn bé bo.

Jue Mun 78:49

I agualiɛ su'n, Nyanmiɛn fali ya dan kpa Eziptfuɛ'm bé wun, i ya sɔ'n ɔ'a yo-man blɛblɛ. Ɔ fali nyrɛnnɛn yili bé su. Ɔ yoli man anz wlɛfuɛ kpanngban kpa be wa wluli be nun.

Ezipt Lɔ Tulɛ'n 7:19

Anannganman seli Moiz kɛ: «Se Aarɔn kɛ ɔ fɛ i kpɔnman'n nan ɔ tinngɛ i sa nzue nga be sonji Ezipt mɛn'n nun'n be kwlaa be su: i nzue ba dandan mun o, i kanngan mun o, i fɛtɛ mun o, be kwlaa be wa kaci mmoja. Mmoja wa tran mɛn wunmuan'n nun, waka sɛ nin yɛbuɛ sɛ'm be nun ´yo mmoja.»

Ezipt Lɔ Tulɛ'n 9:22

Anannganman seli Moiz kɛ: «Man ɔ́ sa'n su nglo man nzraama gua Ezipt mɛn wunmuan'n su. Man ɔ tɔ, i sran o, i nnɛn o, i ninnge nga be luali mun o, annzɛ nga be tali mun o, be kwlaa bé su.»

Nyanndra Mun 4:19

Klunwifuɛ'm be atin liɛ'n, aosin'n dun su tritritri. Like ng'ɔ ko yi be ase'n be wun-mɛn i.

Akunndanfuɛ'n 2:14

Ngwlɛlɛfuɛ'n ɔ wun ase yɛ sinnglinfuɛ'n nanti i liɛ ble'n nun. Sanngɛ n si kɛ awieliɛ kunngba'n yɛ ɔ wa wie be nnyɔn nin-ɔn.

Akunndanfuɛ'n 6:4

Afin ba ng'ɔ flo tɔli sɔ'n, ɔ bali ngbɛn, ɔ su sɛ i sin aosin'n nun lɔ, be su si-mɛn i dunman mlɔnmlɔn.

Ezekiɛl 32:7

Kɛ a ´wu cɛ'n, n ´kata nyanmiɛn ng'ɔ la nglo lɔ plaii'n su. N ´nuan nzraama mun. N ´fa nyanmiɛn ble'n n kata wia'n i nyrun. Anglo'n ɔ su kpaja-man kun .

Matthieu 27:45

Kɛ wia'n jrannin'n, aosin'n wlali mɛn wunmuan'n nun lele fa juli nnɔsua wia nun.

Marc 15:33

Kɛ wia'n jrannin'n, lika'n kwlaa dunnin lele fa juli nnɔsua wia'n nun.

JÉSUS-CHRIST I DYASIN FE'N BO LUC KLELI'N 23:44

Kɛ ɔ ´yo sɔ'n, wuun wia'n su wa jran. Kpɛkuun aosin'n wlali lika'n kwlaa lele fa juli nnɔsua wia nun.

Mmla'n 1:30

Anannganman amun Nyanmiɛn b'ɔ dun mmua amun nyrun'n, i bɔbɔ ɔ ´kun amún ti alɛ kɛ ɔ fa yoli i Eziptfuɛ'm bé su amun bɔbɔ amun nyrun'n sa,

Mmla'n 28:29

Wia klakla kpa nun'n, amun ´fuafua amún sa kɛ anyansifuɛ'm be sa. Like nga amun ´yo'n, ɔ su yo-man ye amún sa nun. Yalɛ yɛ be ´kle amun sa lelele-ɔ, amún bo ninnge'n yɛ be ´fɛn i sa tititi-ɔ, amun su nyan-man sran b'ɔ ´de amun-ɔn.

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

2 Piɛr 2:17

Be ti kɛ nzue ti bɔ ɔ'a wu'n sa, be ti kɛ nyanmiɛn b'ɔ dun tuun'n bɔ aunngban'n tu i'n sa. Be lika nga Nyanmiɛn sieli be'n ti aosin kpa tritritri.

2 Piɛr 2:4

Afin Nyanmiɛn a yaci-man anz'm bɔ be yoli i sa'n be lɛ, ɔ kan be bo guɛli i nyrɛnnɛn lika'n nun, yɛ be cili be sieli be aosin'n nun lɔ kɛ be `tran lɛ lele man ɔ fa ju jɔlɛ dilɛ cɛn'n.

Jude 1:13

Be ti kɛ jenvie'n b'ɔ bo gbuugbuu'n sa, be nyannzuɛn sa nga be yo'n ti kɛ i nyin su nglo'n sa. Be ti kɛ nzraama b'ɔ tu kɔ'n sa, lika nga Nyanmiɛn fa sieli be kɛ be tran nun tititi'n, yɛlɛ aosin tritritri kpa'n.

Jude 1:6

Yɛ n ´kan kle amun ekun kɛ anz nga b'a tran-man junman nga Nyanmiɛn sieli bé su i su'n, bɔ be yacili be lika'n, Nyanmiɛn ci be guali aosin tuun kpa'n nun, ɔ su nyannji-man be mlɔnmlɔn nan sɛ i jɔlɛ dilɛ cɛn dan'n ju-ɔ ɔ'a di be ndɛ'n.

Sa nglô yile 8:12

Kɛ be nnan su'n boli i awɛ liɛ'n, be kpacikpacili wia'n nin anglo'n be nun nsan nsan, be bue kun dunnin tuun. Be bubuli nzraama'm be nun akpasua nsan, akpasua kun kpaja-man. Ɔ man wia nun'n, wia'n ɔ bo-man kpa, yɛ kɔnguɛ'n anglo'n nin nzraama'm be ta-man kpa .