Ezipt Lɔ Tulɛ'n 10:17 - NYANMIƐN NDƐ'N 1998

¹⁷ Sanngɛ amun `yaci mín sa tɛ'n be cɛ min ndɛ liɛ'n, nan amun `srɛ Anannganman amun Nyanmiɛn'n man ɔ fuan nyrɛnnɛn sa nga man ɔ jaso mín wun wa wɔ mmua ekun.»

Ezipt Lɔ Tulɛ'n 10:17 ပူးပေါင်းရင်းမြစ်များ

1 Famiɛn Mun 13:6

Yɛ famiɛn'n seli Nyanmiɛn i nuan ijɔfuɛ'n kɛ: «Kpata Anannganman ɔ Nyanmiɛn man min. Srɛ i man n kwla yi mín sa'n.» Yɛ Nyanmiɛn i nuan ijɔfuɛ'n kpatali Anannganman-an, kpɛkuun famiɛn'n kwla yili i sa'n. I sa sɔ'n sinnin i osu.

2 Famiɛn Mun 4:40

Kɛ bé nuan kannin tro sɔ'n cɛ'n, wuun be o kpanlɛ, be waan: «Nyanmiɛn sran, kannzu duwlɛ-ɔ!» Sakpa kusu, be di-ɔ, ɔ di-man.

Ezipt Lɔ Tulɛ'n 8:28

Kɛ ɔ yoli sɔ'n, famiɛn'n wa keteli i anwlɛn'n ekun. I waan ɔ yaci-man Izraɛlfuɛ'm be nun nan be kɔ-man.

Ezipt Lɔ Tulɛ'n 8:4

Famiɛn'n yiali Moiz nin Aarɔn nan ɔ'a se be kɛ: «Amun `kpata Nyanmiɛn nan ɔ yo man klɛ'm be jaso e nin min nvlefuɛ mun é wun lɛ be wɔ mmua, kpɛkuun n wa man amun sran'm be atin nan be ko yi tɛ be man Anannganman.»

Ezipt Lɔ Tulɛ'n 8:8

Moiz nin Aarɔn be fin Ezipt famiɛn'n i awlo'n nun lɔ fiteli. Moiz ko srɛli Anannganman kɛ ɔ de famiɛn'n klɛ'm be yalɛ bɔ be kle i'n nun.

Ezipt Lɔ Tulɛ'n 9:27

Ezipt famiɛn yiali Moiz nin Aarɔn nan ɔ'a se be kɛ: «Nga liɛ'n, m'an fɔn, e nin min nvle'n yɛ y'a fɔn-ɔn. Anannganman liɛ'n, sa ng'ɔ yo'n ɔ ti i su.

Ezipt Lɔ Tulɛ'n 9:28

Amun `kpata Nyanmiɛn be man min nan ngblannan nin nzraama'n be jran. N su tra-man amun ase kun. M ´man amun atin amun ´kɔ.»

Ezai 26:16

Anannganman, blɛ bɔ sa kekle tɔli be su'n, be fali be wun mantannin wɔ. Kɛ a tuli be fɔ'n, be srɛli wɔ.

Kalɛ 21:7

Be nga b'a wu-man wie'n be ɔli ndɛndɛ be ko toli Moiz, be seli i kɛ: «Y'a yo tɛ, afin e kannin Anannganman nin wɔ amún wun ndɛ tɛtɛ. Kpata Anannganman man e nan ɔ fuan wuo nga mun.» Yɛ Moiz tɔli Anannganman i kpatalɛ su-ɔ, i waan: «Anannganman, si Izraɛlfuɛ'm be aunnvuɛ.»

Sa nga bé yôli'n 8:24

Yɛ Simɔn seli be kɛ: «Amun bɔbɔ an `kpata e Min Nyanmiɛn'n man min kɛ ɔ ´yo nan sa nga an kɛn i ndɛ'n i wie fi ɔ'a tɔ-man n su'n ti.»

Rɔmfuɛ Mun 15:30

Aniaan mun, n ´srɛ amun, an `nian e Min Jésus-Krist nin klolɛ nga Nyanmiɛn Wawɛ'n man e klo e wun'n ti'n,

2 Korɛntfuɛ Mun 1:10

I yɛ ɔ deli ye nyrɛnnɛn wie sɔ nun-ɔn, yɛ ɔ wa de ye. E wla o i su kɛ sɛ an uka ye e se i kɛ ɔ jran é sin'n, ɔ ´de ye ekun. Ɔ man kɛ sran sunman be srɛ i kɛ ɔ yo e ye'n, b'ɔ yo'n, sran sunman kusu be ´lɛ i ase e ti.

1 Samiɛl 15:25

Nan i ti yaci mín sa tɛ'n cɛ min, nán yi min ase, man n ko koto Anannganman bo.»