Ezipt Lɔ Tulɛ'n 10:15 - NYANMIƐN NDƐ'N 1998

¹⁵ Be katali asiɛ wunmuan'n su, kpɛkuun asiɛ'n su dunnin tuun. Be dili ijre nin waka mma nga nzraama'n ɔ'a saci-man be'n be kwlaa. I sɔ'n ti Ezipt mɛn wunmuan'n nun'n, nnya wie fi ɔ'a ka-man waka'm be su, yɛ ijre wie fi ɔ'a ka-man fie'm be su .

Ezipt Lɔ Tulɛ'n 10:15 ပူးပေါင်းရင်းမြစ်များ

Ezipt Lɔ Tulɛ'n 10:5

Be wa kata asiɛ wunmuan'n su sa tuun, ɔ man be su wun-man asiɛ ba kpa'n kun, ninnge nga be luali annzɛ nga be tali'n, nga bɔ nzraama'n ɔ'a saci-man be'n, lalo'm be wa saci i kaan sɔ'n ngba. Be wa di bo nun waka'm be nnya'n kwlakwla.

Zoɛl 2:25

Anannganman'n waan: «Amun ninnge nga be sacili'n, n ´sie be osu. Amun fie su ninnge nga ndro'm be dili, nga lalo'm be wa sacili be'n, nga klannan nin aɛcɛ mun be dili'n, i sɔ ninnge liɛ nga kakaa fa ɔklɔɔ nga n sunmannin be'n be wa sacili be'n, n ´sie be kwlaa be osu.

Jue Mun 78:46

Ɔ fali be fie'm bé su aliɛ'n mannin lalo mun. Ɔ fali be junman bɔ be dili i be fie'm bé su'n i nun ninnge mun mannin aɛcɛ mun.

Ezipt Lɔ Tulɛ'n 10:12

Yɛ Anannganman seli Moiz kɛ: «Man ɔ́ sa'n su, tinngɛ nun Ezipt mɛn'n su, nan lalo'm be bla. Be wa di waka nin ijre nga nzraama'n ɔ'a saci-man be'n be kwlaa be nnya'n.»

Amɔs 7:2

Kɛ n ´nian bɔ lalo'm be su wa wie mɛn'n nun ijre'n kwlaa di'n, yɛ n seli kɛ: Anannganman Nyanmiɛn, Zakɔb osu nunfuɛ'm be ti kaan ngboko, sɛ w'a yaci-man bé wun sa'n a cɛ-man be'n, be ´wie nunnun.

Kalɛ 22:5

Famiɛn'n ɔ yili sran kɛ be `ko yia Bɛɔr i wa Balaam b'ɔ o Pɛtɔr lɔ'n kɛ ɔ bla. Pɛtɔr klɔ'n ɔ o Efrat nzue ba'n i nuan. I waan be `se i kɛ: «Nvle kun fin Ezipt lɔ bali. I nun sran'm be sɔnnin kpa, be de asiɛ wunmuan'n. Be tranwlɛ'n wo mín liɛ'n i wun koko kpa .

Nyanndra Mun 30:27

Lalo'm be lɛ-man famiɛn, sanngɛ kpɛkuun be ´fite kɔ lika-a, be sin akpasua-akpasua.

Zoɛl 1:4

Like nga ndro'm be dili be yacili i onga'n, lalo'm be wa dili. Like nga lalo'm be dili be yacili i onga'n, klannan'm be wa dili. Like nga klannan'm be dili be yacili i onga'n, aɛcɛ'm be wa dili.